نامعلوم قاری نے لائبریری سے حاصل شدہ کتاب 25 سال بعد واپس کردی

محمداحمد نے 'مطالعہ کتب' کی ذیل میں اس موضوع کا آغاز کیا، ‏ستمبر 28, 2019

?

کیا آپ کے پاس بھی لائبریری کی کوئی کتاب موجود ہے؟ :)

  1. ہاں

    5 آرا
    21.7%
  2. نہیں

    18 آرا
    78.3%
  3. یاد نہیں

    0 آرا
    0.0%
  1. محمداحمد

    محمداحمد لائبریرین

    مراسلے:
    22,411
    جھنڈا:
    Pakistan
    موڈ:
    Amazed
    سڈنی: آسٹریلیا کے ایک نامعلوم قاری نے 25 سال پہلے سڈنی کی ویوری کاؤنسل لائبریری سے ایک کتاب جاری کروائی تھی جو اس نے چند روز پہلے ہی ایک معذرتی نوٹ کے ساتھ واپس لوٹا دی ہے۔
    [​IMG]

    تفصیلات کے مطابق کچھ روز پہلے ویوری کاؤنسل لائبریری کی جانب سے ایک ٹویٹ کی گئی جس میں کسی نامعلوم لائبریری ممبر کے لکھے ہوئے معذرتی نوٹ کا عکس بھی شامل تھا (لیکن نام پوشیدہ رکھا گیا تھا)۔



    معذرتی نوٹ میں نامعلوم قاری نے لکھا تھا کہ اس نے 1994ء میں فلسفے کی ایک کتاب (رچرڈ اوسبورن کی ’’فلاسوفی فار بگنرز‘‘) لائبریری سے جاری کروائی تھی جو وہ کچھ ذاتی مسائل کی بناء پر واپس نہیں کرسکا۔ اپنی اس حرکت پر معذرت کرتے ہوئے اس نے یہ کتاب لائبریری کو واپس بھجوا دی ہے تاکہ فلسفے کا ’’کوئی اور شوقین اس سے فائدہ اٹھا سکے۔‘‘

    لائبریری انتظامیہ کا کہنا ہے کہ مقررہ تاریخ پر کتاب واپس نہ کرنے پر ہر روز کے حساب سے تھوڑا تھوڑا جرمانہ لگایا جاتا ہے اور اس ایک کتاب پر 25 سال کا جرمانہ 1820.27 آسٹریلوی ڈالر (1 لاکھ 92 ہزار پاکستانی روپے) بنتا ہے جسے لائبریری انتظامیہ نے معاف کرنے کا فیصلہ کیا ہے۔

    ’’ہم اتنے پاگل کیسے ہوسکتے ہیں؟‘‘ لائبریری نے اپنی ٹویٹ میں جرمانہ معاف کرنے کا اعلان کرتے ہوئے لکھا۔

    بشکریہ ایکسپریس نیوز
     
    • پسندیدہ پسندیدہ × 6
    • زبردست زبردست × 4
    • پر مزاح پر مزاح × 1
  2. محمداحمد

    محمداحمد لائبریرین

    مراسلے:
    22,411
    جھنڈا:
    Pakistan
    موڈ:
    Amazed
    میں کبھی کسی سرکاری لائبریری سے فیض نہیں حاصل کر سکا۔

    ہاں البتہ نوعمری کے دنوں میں گلستانِ بلدیہ میرپورخاص کی سرکاری لائبریری میں جانے کا اتفاق دو چار بار ہوا، لیکن اکثریت کی اتباع میں صرف اخبار پڑھنے پر اکتفا ہی کیا۔ بلکہ مجھ سمیت اکثر لوگ اخبار بھی صرف نوکری کے اشتہاروں کے لئے دیکھتے تھے۔ مزید یہ کہ جس وقت ہم پہنچتے تھے اُس وقت صرف اخبار ہی دستیاب ہوتے تھے۔
     
    • پسندیدہ پسندیدہ × 4
    • معلوماتی معلوماتی × 4
    • متفق متفق × 1
  3. محمداحمد

    محمداحمد لائبریرین

    مراسلے:
    22,411
    جھنڈا:
    Pakistan
    موڈ:
    Amazed
    البتہ ایک آدھ نجی لائبریری سے میں بہرکیف جُڑا رہتا تھا۔

    آخری کتاب جو میں نے اپنے علاقے کی لائبریری سے جاری کروائی وہ قرۃ العین حیدر کی "آگ کا دریا " تھی۔

    لیکن اپنے مطالعے کی عادت کےتحت اُسے تھوڑا بہت پڑھنے کے بعد دوسری کتابوں کی طرف ملتفت ہو گیا ۔ اور پھر ایک ڈیڑھ مہینہ گزرنے پر لائبریرین کے فون آنے لگے کہ اگر پڑھ نہیں رہے تو رکھی ہوئی ہی کیوں ہے ، واپس کر دیجے۔ حالانکہ ہماری پڑھنے کی نیت تھی ۔ لیکن نوبت کب تک آتی اس کا اندازہ نہیں تھا۔ اس لئے واپس کردی۔

    ساتھ ساتھ یہ بھی خیال تھا کہ کہیں لائبریری کا کرایہ کتاب کی قیمت سے زیادہ نہ ہو جائے۔ :)

    اب بہرکیف ہمارے خرم بھائی جو کہ اُس لائبریری کے مالک تھے اور دن میں کسی نجی ادارے میں ملازم تھے نے اپنی دُکان بڑھا دی۔ بلکہ دکان بڑھائے ہوئے بھی تین چار سال گزر گئے۔
     
    • پسندیدہ پسندیدہ × 7
    • معلوماتی معلوماتی × 1
  4. جاسمن

    جاسمن مدیر

    مراسلے:
    14,441
    جھنڈا:
    Pakistan
    موڈ:
    Fine
    حیرت انگیز اور دلچسپ واقعہ ہے۔
     
    • متفق متفق × 4
    • پسندیدہ پسندیدہ × 3
  5. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,771
    جھنڈا:
    Pakistan
    موڈ:
    Cheerful
    احمد بھائی ہماری سوچ کے مطابق یہ بات بندے پر منحصر کرتی ہے کہ آیا کتاب اس کی نزدیک کتنی اہمیت اور افادیت کی حامل ہے ۔علم و ادب سے شغف رکھنے والے شاید ہی کتاب کی حفاظت اور دیکھ بھال سے غافل ہوں ۔
     
    • پسندیدہ پسندیدہ × 4
  6. محمد تابش صدیقی

    محمد تابش صدیقی منتظم

    مراسلے:
    25,388
    جھنڈا:
    Pakistan
    موڈ:
    Breezy
    ہمارا معاملہ تو الٹ رہا ہے۔ گھر میں آ جانے والی زائد کتب کئی دفعہ لائبریریز میں دی ہیں۔

    کالج کے زمانے میں کالج کی لائبریری سے بہت ناولز اور اردو لٹریچر کی کتب لے کر پڑھیں۔ واپسی کا طے شدہ وقت 2 ہفتے تھے، میں عموماً ایک ہفتہ میں ہی واپس کر دیا کرتا تھا۔ البتہ کبھی کوئی کورس سے متعلقہ کتاب ایشو نہیں کروائی، جس کا اظہار اکثر لائبریرین نے کیا کہ بھائی کچھ کورس بھی پڑھ لیا کرو۔ :)
     
    • پر مزاح پر مزاح × 6
    • پسندیدہ پسندیدہ × 3
  7. جاسمن

    جاسمن مدیر

    مراسلے:
    14,441
    جھنڈا:
    Pakistan
    موڈ:
    Fine
    میرے پاس میرے ادارے کی لائبریری کی کتب ہیں اور وہ میں لیتی اور واپس کرتی رہتی ہوں۔ بسا اوقات زیادہ دیر بھی ہو جاتی ہے۔
    لیکن سینٹرل لائبریری میں میری ممبر شپ میری گیارھویں جماعت سے ہے اور الحمداللہ میرے ذمہ لائبریری کی کوئی کتاب نہیں نہ ہی میرے بچوں کے ذمہ ان کے سکول یا سینٹرل لائبریری کی کوئی کتاب ہے۔ البتہ میرے بیٹے سے اس کے دوست، ہم جماعت اور اساتذہ جو کتابیں لیتے ہیں، ان میں سے بہت سی واپس نہیں کرتے۔
     
    • پسندیدہ پسندیدہ × 6
  8. عبدالصمدچیمہ

    عبدالصمدچیمہ لائبریرین

    مراسلے:
    232
    جھنڈا:
    Pakistan
    ہمارے شہر میں کوئی باضابطہ لائبریری موجود نہیں ہے۔ میونسپل کمیٹی کے دفتر میں قائم کردہ لائبریری کو عوام کی پہنچ سے دُور رکھا گیا ہے۔ شاید وہ سمجھتے ہوں کہ کہیں کوئی پڑھا لکھا بندہ میونسپل کمیٹی کے دفتر میں نہ آجائے۔ البتہ میں نے گھر پر ایک ذاتی لائبریری (امیر خسرو لائبریری) بنائی ہوئی ہے۔
     
    • پسندیدہ پسندیدہ × 9
  9. محمد تابش صدیقی

    محمد تابش صدیقی منتظم

    مراسلے:
    25,388
    جھنڈا:
    Pakistan
    موڈ:
    Breezy
    کوئی کتاب پسند آئے یا اپنی دلچسپیوں کے مطابق لگے تو لائبریری یا کسی سے مستعار لینے کے بجائے خریدنے کو ترجیح دیتا ہوں۔ یہ عادت ابو کی طرف سے آئی ہے۔
    اب اگر کوئی کتاب پی ڈی ایف یا ای پب کی صورت میں میسر آ جائے تو وہ بھی کافی ہو جاتی ہے۔ البتہ اگر یہ سمجھوں کہ ابو کو بھی پسند آئے گی، تو خرید لیتا ہوں۔

    اس لیے لائبریری سے کتاب لینے کا سفر سکول کالج کے زمانے سے شروع ہو کر وہیں ختم ہو گیا تھا۔ بچپن میں گھر کے قریب ایک رانا لائبریری تھی، جو اب بھی وہیں موجود ہے، البتہ گاہک نہیں رہے۔ اس سے اشتیاق احمد کے ناول اور عمران سیریز کے ناول یومیہ کرایہ پر مل جاتے تھے، جو عموماً ایک دن رات میں ہی نصابی کتب میں چھپا کر پڑھ لیتا تھا۔ تاکہ زیادہ کرایہ نہ بنے۔ :)
     
    • پسندیدہ پسندیدہ × 8
  10. فرقان احمد

    فرقان احمد محفلین

    مراسلے:
    10,183
    ہم نے زندگی میں ایک بار کتاب لائبریری سے چرائی۔ بیسیوں مرتبہ تاخیر سے واپس کیں۔ کئی بار قانون شکنی کے مرتکب ٹھہرے۔ جو کتاب چرائی تھی، اس کا مداوا کرنے کے لیے بلامبالغہ بیسیوں کتب بمع اس کتب کا ایک نسخہ لائبریری کو عطیہ کیا؛ چوری شدہ کتاب بھی آہستہ سے جا کر لائبریری میں واپس رکھ دی تھی۔ خدا معاف کرے تو کرے! جو ہوا، سو ہوا۔ دراصل، ہم اس کتاب کو بوجوہ ایشو نہ کروا سکتے تھے اس لیے یہ انتہائی قدم اٹھایا۔ اب پچھتاوا ایسا ہے کہ کیا بتلائیں!
     
    • پسندیدہ پسندیدہ × 5
    • دوستانہ دوستانہ × 3
    • پر مزاح پر مزاح × 1
  11. محمداحمد

    محمداحمد لائبریرین

    مراسلے:
    22,411
    جھنڈا:
    Pakistan
    موڈ:
    Amazed
    عدنان بھائی!

    آپ کا جواب ہمیں بالکل سمجھ نہیں آیا۔ :)

    کون سے بندے کی بات کر رہے ہیں آپ؟

    جس نے پچیس سال تک کتاب واپس نہیں کی۔

    یا

    جس نے پچیس سال بعد کتاب واپس کی؟ )

    ہمارے نزدیک کتاب کی حفاظت سے زیادہ اہم اُس کے قارئین کی تعداد بڑھانا ہے۔ اسی لئے ہم اپنے کچھ دوستوں کو یہ آفر دیتے رہے کہ بھئی ہم سے کتاب لے کر پڑھ لیا کرو۔ اور پرانی کتاب واپس کرکے ایک اور کتاب لے لیا کرو۔ لیکن اُنہوں نے کتاب کی حفاظت کو ترجیح دی۔ اُن کا خیال تھا کہ کتاب ہمارے پاس زیادہ محفوظ رہے گی۔
     
    • پسندیدہ پسندیدہ × 5
  12. محمداحمد

    محمداحمد لائبریرین

    مراسلے:
    22,411
    جھنڈا:
    Pakistan
    موڈ:
    Amazed
    آپ نے اپنی شرارت کا ازالہ کر دیا ہے ۔ اس لئے اب زیادہ پچھتانے کی ضرورت نہیں ہے۔ :)

    کیا ہم کتاب کا نام پوچھنے کی جسارت کر سکتے ہیں؟ ;)
     
    • پر مزاح پر مزاح × 3
    • پسندیدہ پسندیدہ × 2
    • دوستانہ دوستانہ × 1
  13. محمداحمد

    محمداحمد لائبریرین

    مراسلے:
    22,411
    جھنڈا:
    Pakistan
    موڈ:
    Amazed
    اچھی بات ہے ۔ گھر پر بھی کتابیں ہونا چاہیے۔

    آج کل پی ڈی ایف کتابیں اس بہتات سے موصول ہو رہی ہیں کہ اللہ کی پناہ ! مطالعے کا بہت دباؤ ہے ہم پر آج کل۔ :)

    عمران سیریز وغیرہ پڑھنے کا بھی الگ ہی لطف تھا۔ لیکن میری مطالعے کی رفتار اتنی زیادہ نہیں تھی کہ ایک دن میں ہی ناول ختم کر سکوں۔ :)
     
    • پسندیدہ پسندیدہ × 4
    • پر مزاح پر مزاح × 4
    • معلوماتی معلوماتی × 1
  14. محمداحمد

    محمداحمد لائبریرین

    مراسلے:
    22,411
    جھنڈا:
    Pakistan
    موڈ:
    Amazed
    واہ!

    یعنی گھر پر باقاعدہ لائبریری بنائی ہوئی ہے۔

    یہ آپ تک محدود ہے یا اور دوست رشتہ دار بھی فیضیاب ہوتے ہیں اس لائبریری سے؟
     
    • پسندیدہ پسندیدہ × 2
  15. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,771
    جھنڈا:
    Pakistan
    موڈ:
    Cheerful
    ہمارا اشارہ ایسے قارئین کی جانب ہے جو کتاب بینی کا شوق رکھتے مگر کتابوں کی حفاظت اور لین دین میں اکچر و بیشتر لاپرواہی برتے ہیں ۔
    آپ اپنی آفر لامحدود مدت تک جاری رکھیں ۔
    عملی ذوق رکھنے والے کبھی ہمت و حوصلہ نہیں ہارتے ۔
     
    • پسندیدہ پسندیدہ × 5
    • دوستانہ دوستانہ × 1
  16. فاخر رضا

    فاخر رضا محفلین

    مراسلے:
    3,151
    کیا کسی نے لائبریری میں بیٹھ کر کتاب کاپی کی ہے
     
    • پسندیدہ پسندیدہ × 2
    • دوستانہ دوستانہ × 2
    • معلوماتی معلوماتی × 1
    • پر مزاح پر مزاح × 1
  17. محمداحمد

    محمداحمد لائبریرین

    مراسلے:
    22,411
    جھنڈا:
    Pakistan
    موڈ:
    Amazed
    کافی فرض شناس واقع ہوئی ہیں آپ۔ :)
     
    • دوستانہ دوستانہ × 3
    • متفق متفق × 1
  18. محمداحمد

    محمداحمد لائبریرین

    مراسلے:
    22,411
    جھنڈا:
    Pakistan
    موڈ:
    Amazed
    یعنی قلمی نسخہ ؟
     
    • معلوماتی معلوماتی × 1
  19. محمداحمد

    محمداحمد لائبریرین

    مراسلے:
    22,411
    جھنڈا:
    Pakistan
    موڈ:
    Amazed
    یہ ہم نے کئی ایک بار سوچا۔ لیکن عملی طور پر ایسا نہیں کر سکے۔ :)
     
    • پسندیدہ پسندیدہ × 2
    • معلوماتی معلوماتی × 1
    • پر مزاح پر مزاح × 1
  20. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    18,771
    جھنڈا:
    Pakistan
    موڈ:
    Cheerful
    آنکھ سے کاجل چرانا ۔
    کیا ایسا ممکن ہے ۔
     
    • پر مزاح پر مزاح × 6
    • زبردست زبردست × 1

اس صفحے کی تشہیر