1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $453.00
    اعلان ختم کریں

میں اور غالب

رحمت الله ترکمن نے 'جہان نثر' کی ذیل میں اس موضوع کا آغاز کیا، ‏جنوری 4, 2019

  1. رحمت الله ترکمن

    رحمت الله ترکمن محفلین

    مراسلے:
    26
    جھنڈا:
    Afghanistan
    موڈ:
    Cheerful
    غالب سے میرا تعلق!

    غالب منشی حبیب اللہ زکاء کے نام ایک خط میں لکھتے ہیں کہ
    "میں قوم کا ترک سلجوقی ہوں۔
    دادا میرا ماوراء النہر سے شاہ عالم کے وقت میں ہندوستان آیا۔"

    اور میرا قصہ کچھ یوں ہے کہ
    میں قوم کا ترک ترکمانی ہوں ( سلجوقی بھی ترکمانوں کے 24 بڑے قبائل میں سے ایک ہیں)
    اور میرا دادا بھی ماوراء النہر سے 1930 کی دہائی میں افغانستان آیا۔

    غالب کے والد کا نام 'عبداللہ' بیگ خان تھا اور میرے والد کا نام 'عبداللہ' ترکمان ہے۔
    غالب کے والد راجہ بختاور سنگھ کی رفاقت میں ایک جنگ کے دوران مارے گئے
    لیکن خوش قسمتی سے میرے والد افغان روس جنگ میں صحیح سلامت بچ گئے اور 90 کی دہائی میں افغانستان سے پاکستان ہجرت کی۔۔

    غالب 1797 کو سرزمین ہندوستان میں اس وقت پیدا ہوئے جب وہاں مسلم حکومت کا ستارہ اپنی آب و تاب کے ساتھ چمک رہا تھا۔
    اور میں
    ٹھیک دو سو سال بعد 1997 کو اسی خاک ہندوستان میں اس وقت پیدا ہوا جب یہاں پاکستان کے نام سے ایک خودمختار مسلم مملکت کا قیام عمل میں آچکا تھا۔

    غالب گھر کے نزدیک ایک کتب فروش سے کتابیں کرائے پر لے کر پڑھا کرتے تھے اور میرا بچپن عمرو عیار کے قصے اور رسالے کرائے پر پڑھ کر گزرا۔۔
    یہاں تک کہ جب میں نے 12 برس کی عمر میں پبلک لائبرری میں عضویت حاصل کی تو مجھے یاد ہے کہ اولین کتاب جو میں گھر لایا تھا وہ "دیوان غالب" تھی۔۔

    وہاں غالب شاہ کے مصاحب ہو کر اتراتے تھے اور اب چونکہ سسٹم جمہوری ہوچکا ہے اسلیے یہاں ان کی تقلید میں ہم سیاستدان کا مصاحب بن کر اتراتے ہیں اور کابل میں ہمارے ایک MNA کے مصاحب(سیکریٹری) کی حیثیت سے وظیفہ خوار ہیں اور شاہ کو دعا دیتے ہیں۔۔
    الغرض غالب کے نام نے ہمیں کم سنی میں ہی اپنے حلقہ دام میں اسیر کر لیا اور ہم نے اس صد رنگ گلستاں سے عمر بھر کا پیمان وفا باندھ لیا۔۔
    ہم سخن فہم ہونے کا دعوا نہیں کرتے لیکن غالب کے طرفدار ضرور ہیں اور اپنا تو عقیدہ یہی ہے بقول غالب!
    "تھے ظہوری و عرفی و طالب
    اپنے اپنے زمانے میں زمانے میں "غالب"
    نہ ظہوری ہے اب، نہ طالب ہے
    "اسد اللہ خان غالب" ہے
     
    • پسندیدہ پسندیدہ × 4
    • زبردست زبردست × 2
  2. سید عاطف علی

    سید عاطف علی محفلین

    مراسلے:
    7,144
    جھنڈا:
    SaudiArabia
    موڈ:
    Cheerful
    آپ کو اردو کیسے آتی ہے ؟
    اردو میں عضویت (عربی) استعمال نہیں ہوتا بلکہ رکنیت استعمال ہوتا ہے ۔البتہ اصل دونوں کی عربی ہی ہے ۔ رکنیت ہو یا عضویت۔
     
    • معلوماتی معلوماتی × 2
  3. رحمت الله ترکمن

    رحمت الله ترکمن محفلین

    مراسلے:
    26
    جھنڈا:
    Afghanistan
    موڈ:
    Cheerful
    سید صاحب، لفظ اردو کے تو مطلب ہی مکسچر اور لشکر کے ہیں۔اکثر الفاظ فارسی، ترکی، عربی، ہندی سے ہی اخذ کیے گئے ہیں۔ ان زبانوں کے الفاظ آپ نکالنا چاہیں تو باقی کچھ نہیں رہتا
     
    • دوستانہ دوستانہ × 1
  4. احمد محمد

    احمد محمد محفلین

    مراسلے:
    298
    جھنڈا:
    Pakistan
    موڈ:
    Breezy
    بہت خوب۔۔۔

    ہمیں تو غالب سے اُنس تھا پر لگتا ہے اب آپ سے بھی رہے گا۔ :)
     
  5. رحمت الله ترکمن

    رحمت الله ترکمن محفلین

    مراسلے:
    26
    جھنڈا:
    Afghanistan
    موڈ:
    Cheerful
    غالب کے
    غالب سے محبت رکھنے والوں کے ہم غلام ہیں
     
    • پسندیدہ پسندیدہ × 1
    • زبردست زبردست × 1
  6. احمد محمد

    احمد محمد محفلین

    مراسلے:
    298
    جھنڈا:
    Pakistan
    موڈ:
    Breezy
    کیوں نہ ہو محبت، مئے غالب دل میں جو کھنچتی ہے۔ اور آپ کو غلامی کی کیا پڑی صاحب، آپ تو پہلے ہی ہمارے محبوب کے ناطے میں سے ہیں۔
     
  7. احسان قمی

    احسان قمی محفلین

    مراسلے:
    52
    جھنڈا:
    India
    موڈ:
    Psychedelic
    غ
    غالب ندیم دوست سے آتی ہے بوئے دوست
    دوست کے دوست کا دوست ہونے کے فلسفے پہ کھری اترتی ہے آپ کی بات
     
  8. سید عاطف علی

    سید عاطف علی محفلین

    مراسلے:
    7,144
    جھنڈا:
    SaudiArabia
    موڈ:
    Cheerful
    ترکمن صاحب اردو یقینا ایک مکسچر ہے لیکن ہر مکسچر کے اجزائے ترکیبی میں ایک تناسب بھی ہوتا ہے اگر مکسچر میں اپنی مرضی سے تناسب رکھیں گے تو پتہ چل جاتا ہے ۔ :)
     
    • پسندیدہ پسندیدہ × 1
    • متفق متفق × 1
  9. رحمت الله ترکمن

    رحمت الله ترکمن محفلین

    مراسلے:
    26
    جھنڈا:
    Afghanistan
    موڈ:
    Cheerful
    اگر کہیں غلطی ہو گئی ہو تو نشاندہی کر دیجیے گا۔۔ انشااللہ آپ حضرات کی رہنمائی میں سیکھ جائینگے۔۔دراصل میرا تعلق جنوبی ترکستان سے ہے۔۔ لیکن اردو سے محبت ہے
     
    • پسندیدہ پسندیدہ × 3
    • دوستانہ دوستانہ × 2
  10. سید عاطف علی

    سید عاطف علی محفلین

    مراسلے:
    7,144
    جھنڈا:
    SaudiArabia
    موڈ:
    Cheerful
    آپ کو اردو سے یقیناََ محبت ہے اور آپ کی تحریروں سے عیاں بھی ہے سو ہمیں آپ سے محبت ہے ۔
     
  11. محمد خلیل الرحمٰن

    محمد خلیل الرحمٰن مدیر

    مراسلے:
    7,281
    جھنڈا:
    Pakistan
    موڈ:
    Festive
    اردو محفل میں خوش آمدید رحمت الله ترکمن بھائی!
     
  12. فلسفی

    فلسفی محفلین

    مراسلے:
    2,583
    جھنڈا:
    Pakistan
    موڈ:
    Pensive
    یہ خوب لکھا آپ نے۔ اللہ کرے زور قلم زیادہ۔
     
  13. رحمت الله ترکمن

    رحمت الله ترکمن محفلین

    مراسلے:
    26
    جھنڈا:
    Afghanistan
    موڈ:
    Cheerful
    بہت بہت شکریہ جناب
     
    • دوستانہ دوستانہ × 1
  14. رحمت الله ترکمن

    رحمت الله ترکمن محفلین

    مراسلے:
    26
    جھنڈا:
    Afghanistan
    موڈ:
    Cheerful
    اللہ سلام
    اللہ سلامت رکھے جناب
     
    • دوستانہ دوستانہ × 1
  15. محمداحمد

    محمداحمد لائبریرین

    مراسلے:
    21,674
    جھنڈا:
    Pakistan
    موڈ:
    Depressed
    خوش آمدید رحمت اللہ صاحب!

    غالب سے آپ کی محبت قابل رشک ہے۔
     
    • پسندیدہ پسندیدہ × 1

اس صفحے کی تشہیر