میرے پسندیدہ اشعار

[سیما علی]

خاروں سے پوچھیئے نہ کسی گل سے پوچھئے
صدمہ چمن کے لٹنے کا بلبل سے
میر انیس۔

 

[سیما علی]

منعِ گریہ نہ کر تو اے ناصح
اس میں بے اختیار ہیں ہم بھی
میر

 

[سیما علی]

بہار ہو چکی اور شور بلبلو کا گیا
مرے دماغ سے اس گل کی ہائے بو نہ گئی

جعفر علی حسرتؔ

 

[سیما علی]

وے صورتیں الہی کس ملک بستیاں ہیں
اب دیکھنے کو جن کے آنکھیں ترستیاں ہیں
سوداؔ دہلوی

 

[سیما علی]

بیگانگی ہے اسکی ملاقات میں ہنوز
وا حسرتا! کہ فرق ہے دن رات میں ہنوز
۔مصحفیؔ

 

[سیما علی]

مقتلِ وقت میں خاموشی گواہی کی طرح
دل بھی کام آیا ہے گمنام سپاہی کی طرح

 

[سیما علی]

اگرچہ تجھ سے بہت اختلاف بھی نہ ہوا
مگر یہ دل تری جانب سے صاف بھی نہ ہوا

 

[شمشاد]

تیری صورت پر گمان دشت و صحرا ہائے ہائے
تیرے قدموں میں بہاریں زندگی اے زندگی
جلیل حشمی

 

[سیما علی]

بطفیل دامن مرتضی میں بتاؤں کیا مجھے کیا ملا
کہ علی ملے تو نبی ملے جو نبی ملے تو خدا ملا
کامل شطاری

 

[سیما علی]

میں نیکی ہوں بُرائی کی جزاہوں
ہوں پانی، آگ کی لیکن سزا ہوں
قناعت کی ہے اطلس زیر خرقہ
میں اندر شاہجہاں بار گدا ہوں
میں چپ ہوں غنچہ صد لب کی مانند
میں مثل بوُ خموشی میں صدا ہوں
صداقت سے درازی عمر کی ہے
مثالِ سرو میں دائم ہرا ہوں
ہو مژدہ بھولے بھٹکے عاشقوں کو
کہ میں رحمان اُن کا رہنما ہوں
رحمان باباؒ ؒ

 

[سیما علی]

یہ کون دل کے اندھیروں سے شام ہوتے ہی
چراغ لے کے گزرتا دکھائی دیتا ہے
صہبا اختر

 

[سیما علی]

تو ہی رہتا ہے دیر تک موجود
بزم میں تو جہاں سے اٹھتا ہے
تابش دہلوی

 

[سیما علی]

ایک اک کر کے ستاروں کی طرح ڈوب گئے
ہائے کیا لوگ مرے حلقہ احباب میں تھے
محسن احسان

 

[سیما علی]

فاصلے ایسے بھی ہوں گے یہ کبھی سوچا نہ تھا
سامنے بیٹھا تھا میرے اور وہ میرا نہ تھا
عدیم ہاشمی

 

[سیما علی]

کون کہتا ہے کہ موت آئی تو مر جائوں گا
میں تو دریا ہوں سمندر میں اتر جائوں گا
احمد ندیم قاسمی

 

[شمشاد]

یہ کہنا تھا ان سے محبت ہے مجھ کو
یہ کہنے میں مجھ کو زمانے لگے ہیں
خمارؔ بارہ بنکوی

 

[سیما علی]

شکوئہ ظلمت شب سے تو کہیں بہتر تھا
اپنے حصے کی کوئی شمع جلاتے جاتے
احمد فراز

 

[سیما علی]

جہاں جہاں بھی ملے خار چُن لیے میں نے
کہاں کہاں پہ مرا ذوقِ غم پناہ نہ تھا
پہنچ کے یوں سرِ منزل بھلا دیا تم نے
میں ہم سفر تھا تمہارا غبارِ راہ نہ تھا
محسن بھوپالی

 

[سیما علی]

اپنے انداز تکلم کو بدل دے ورنہ
میرا لہجہ بھی ترے ساتھ بدل سکتا ہے

• ناظم بریلوی

 

[سیما علی]

تمہارا ہاتھ جو آیا ہے ہاتھ میں میرے
اب اعتبار کا موسم ہرا سا لگتا ہے

نکل کے دیکھو کبھی نفرتوں کے پنجرے سے
تمام شہر کا منظر کھلا سا لگتا ہے
منظر بھوپالی