میرے پسندیدہ اشعار

[محمد اسامہ سَرسَری]

دریا بہ حباب اندر، طوفاں بہ سحاب اندر
محشر بہ حجاب اندر، ہونا ہو تو ایسا ہو
شاعر: ابن انشا
مکمل غزل​

 

[محمد اسامہ سَرسَری]

تیز ہے وقت کی رفتار بہت
اور بہت تھوڑی سی فرصت ہے مجھے
شاعر: میراجی
مکمل غزل​

 

[محمد اسامہ سَرسَری]

عجیب موڑ پہ ٹھہرا ہے قافلہ دل کا
سکون ڈھونڈنے نکلے تھے وحشتیں بھی گئیں
شاعر: امجد اسلام امجد
مکمل غزل
امجد صاحب کی مزید غزلیں​

 

[محمد اسامہ سَرسَری]

دل لگاتا ہُوں سو بہانوں سے
پر یہ تیرے سِوا نہیں لگتا
جب سے اچھا لگا ہے اِک گُل رُو
مجھ کو کچھ بھی بُرا نہیں لگتا
شاعر: سائمن ڈیوڈ ضیا
مکمل غزل​

 

[محمد اسامہ سَرسَری]

کیا بتاؤں میں تمھیں آسانیوں کی مشکلیں
سینکڑوں غم دے گیا اک غم کا ٹُھکرانا مجھے
شاعر: اقبال اشعر
مکمل غزل​

 

[محمد اسامہ سَرسَری]

بہارِ قرب سے پہلے اُجاڑ دیتی ہیں
جدائیوں کی ہوائیں محبتوں کے چمن
شاعر: احمد فراز
مکمل غزل​

 

[محمد اسامہ سَرسَری]

دوستو، عشق ہے خطا لیکن
کیا خطا درگزر نہیں ہوتی
شاعر: ابن انشا
مکمل غزل​

 

[محمد اسامہ سَرسَری]

اقرار میں کہاں ہے انکار کی سی خوبی
ہوتا ہے شوق غالب اس کی نہیں نہیں پر
شاعر: میرتقی میر
مکمل غزل​

 

[محمد اسامہ سَرسَری]

دیا دکھائی مجھے تو اُسی کا جلوہ میرؔ
پڑی جہان میں جا کر نظر جہاں میری
شاعر: میرتقی میر
مکمل غزل​

 

[محمد اسامہ سَرسَری]

بستی جلی ، خبر ہوئی شائع کچھ اس طرح
آتش زنوں کے تیل کا نقصان ہوگیا
شاعر: امجد اکبر​

 

[سیما علی]

کمبخت آنکھ اُٹھی نہ کبھی اُن کے رُوبرُو
‏ہم اُن کو جانتے تو ہیں، پہچانتے نہیں
‏✍️ خمار بارہ بنکوی

 

[سیما علی]

عہد کوتاہ قداں میں یہ غنیمت ہے بہت
‏ہم اگر اپنے ہی قامت کے برابر رہ جائیں
‏✍️ عالمتاب تشنہ

 

[سیما علی]

فراقؔ عشق ہی ایسے میں آڑے آئے تو آئے
‏حیات نیزہ سنبھالے ہوئے ، اجل بہ کمیں
‏✍️ فراقؔ گورکھپوری

 

[سیما علی]

اِسی دورانِ اسیری میں کبھی ہم سے مِلو
‏جانے کب خاک کے پنجرے میں پرندہ نہ رہے
‏،✍️ خورشید رضوی

 

[سیما علی]

اجالوں کو ڈھونڈو سحر کو پکارو
اندھیروں میں رونے سے کیا فائدہ ہے

ضیاء فتح آبادی

 

[سیما علی]

سو بار تار تار کیا تو بھی اب تلک
ثابت وہی ہے دست و گریباں کی دوستی

شیخ ظہور الدین حاتم

 

[سیما علی]

اب ہم ہیں اور کشمکشِ اضطرابِ دل
‏وہ دن گئے کہ دعویِٰ صبر و قرار تھا

‏✍️ حبیب اشعر دہلوی

 

[سیما علی]

دنیا میں ہوں دنیا کا طلب گار نہیں ہوں
بازار سے گزرا ہوں خریدار نہیں ہوں

زندہ ہوں مگر زیست کی لذت نہیں باقی
ہر چند کہ ہوں ہوش میں ہشیار نہیں ہوں
اکبر الہ آبادی

 

[سیما علی]

اندھیرا کتنا ہی گہرا ہو
سحر کی راہ میں حائل
کبھی بھی ہونہیں سکتا
سویرا ہوکے رہتا ہے
امیدوں کے سمندر میں
تلاطم آتے رہتے ہیں
سفینے ڈوبتے بھی ہیں
سفر لیکن نہیں رکتا
مسافر ٹوٹ جاتے ہیں
مگر مانجھی نہیں تھکتا
سفر طے ہوکے رہتا ہے
کبھی مایوس مت ہونا

 

[سیما علی]

نازاں نہ ہو خِرد پہ جو ہونا ہے وہ ہی ہو
دانش تری نہ کچھ مری دانشوری چلے

ابراہیم ذوق