میرا بھالو، گول کچالو :نظم از:: محمد خلیل الرحمٰن

محمد خلیل الرحمٰن نے 'آپ کی شاعری (پابندِ بحور شاعری)' کی ذیل میں اس موضوع کا آغاز کیا، ‏نومبر 16, 2019

  1. محمد خلیل الرحمٰن

    محمد خلیل الرحمٰن مدیر

    مراسلے:
    7,963
    جھنڈا:
    Pakistan
    موڈ:
    Festive
    میرا بھالو، گول کچالو
    از محمد خلیل الرحمٰن

    بھالو کو بہلاتی ہوں میں
    چوٹ لگے سہلاتی ہوں میں
    شام ڈھلے ٹہلاتی ہوں میں
    ہر ہفتے نہلاتی ہوں میں
    کھاتا ہے بس اُبلے آلو
    میرا بھالو، گول کچالو

    یوں تو یہ ہے سیدھا سادا
    سیر سپاٹے کا دلدادہ
    نخرے اس کے بہت زیادہ
    گویا ہے بچوں کا دادا
    اور بلی کا ہے یہ خالو
    میرا بھالو گول کچالو

    اک دن اس کے جی میں آیا
    دادی کا اِک پان چُرایا
    ان سے چھُپ کر اس کو کھایا
    کڑواہٹ سے خود گھبرایا
    دادی چیخیں "گندا بھالو!"
    میرا بھالو، گول کچالو


    دادی نے جب شور مچایا
    ان کا نوکر دوڑا آیا
    بھالو اب تو خود گھبرایا
    خالہ نے پھر اسے بچایا
    اسے بچانے آئے خالو
    میرا بھالو گول کچالو

    آنکھ کھلی تو سب اُلٹا تھا
    بھالو میرے ساتھ تھا سویا
    میں نے یہ سب خواب میں دیکھا
    جگا رہی تھیں مجھ کو خالہ
    اور سویا تھا میرا بھالو
    میرا بھالو، گول کچالو








     
    آخری تدوین: ‏نومبر 16, 2019
    • زبردست زبردست × 8
    • پسندیدہ پسندیدہ × 7
  2. محمد خلیل الرحمٰن

    محمد خلیل الرحمٰن مدیر

    مراسلے:
    7,963
    جھنڈا:
    Pakistan
    موڈ:
    Festive
    اساتذہ و محفلین سے گزارش ہے کہ تنقیدی نظر سے دیکھیں۔ جزاک اللہ۔
     
    • دوستانہ دوستانہ × 1
  3. محمداحمد

    محمداحمد لائبریرین

    مراسلے:
    21,907
    جھنڈا:
    Pakistan
    موڈ:
    Amazed
    بہت خوب!

    زبردست خلیل بھائی!
     
    • دوستانہ دوستانہ × 1
  4. سید عاطف علی

    سید عاطف علی محفلین

    مراسلے:
    7,484
    جھنڈا:
    SaudiArabia
    موڈ:
    Cheerful
    بہت بہترین نظم ہے ۔ زبر دست۔:star2:
     
    • دوستانہ دوستانہ × 1
    • متفق متفق × 1
  5. ظہیراحمدظہیر

    ظہیراحمدظہیر محفلین

    مراسلے:
    2,513
    جھنڈا:
    Pakistan
    موڈ:
    Busy
    زبردست! اچھی نظم ہے خلیل بھائی! مزا آیا پڑھ کر ۔ بہت داد و تحسین!
    خلیل بھائی ، چند مصرعوں میں روانی کم لگی مجھے اور ذراسی تبدیلی سے بہتری محسوس ہوئی ۔
    "نخرے اس کے بہت زیادہ" ۔ اسے اگر "نخرے اس کے حد سے زیادہ" پڑھا جائے تو رواں تر محسوس ہوتا ہے ۔
    "دادی کا اِک پان چُرایا ۔ ان سے چھُپ کر اس کو کھایا " ۔ اگر "سب سے چھپ کر اُس کو کھایا" پڑھا جائے تو ذہنی تصویر اور اچھی بنتی ہے ۔
    یہ میری ناقص رائے ہے ۔ آپ بہتر جانتے ہیں ۔
     
    • پسندیدہ پسندیدہ × 1
    • دوستانہ دوستانہ × 1
  6. محمد خلیل الرحمٰن

    محمد خلیل الرحمٰن مدیر

    مراسلے:
    7,963
    جھنڈا:
    Pakistan
    موڈ:
    Festive
    آداب عرض ہے جناب
     
  7. محمد خلیل الرحمٰن

    محمد خلیل الرحمٰن مدیر

    مراسلے:
    7,963
    جھنڈا:
    Pakistan
    موڈ:
    Festive
    تشکر۔
     
  8. محمد خلیل الرحمٰن

    محمد خلیل الرحمٰن مدیر

    مراسلے:
    7,963
    جھنڈا:
    Pakistan
    موڈ:
    Festive
    آداب۔ آداب!

    سج گئی نظم آپ کی اصلاح سے۔

    استادِ محترم الف عین کی رائے کے ساتھ سید عاطف علی بھائی۔ اور آپ کی آرا کا بھی شدت سے انتظار رہتا ہے۔
     
    • دوستانہ دوستانہ × 1
  9. فاخر رضا

    فاخر رضا محفلین

    مراسلے:
    2,784
    زبردست سر
    بچوں کا ادب تخلیق کرنے کا شکریہ
     
    • دوستانہ دوستانہ × 1
    • متفق متفق × 1
  10. سید عاطف علی

    سید عاطف علی محفلین

    مراسلے:
    7,484
    جھنڈا:
    SaudiArabia
    موڈ:
    Cheerful
    تقریر کی لذت اور آپ کی حوصلہ افزائی کے ضمن میں مجھے بھی ایک آدھ مقامات پر لفظی ترتیب کا احساس ہوا تھا (ظہیر بھئی والی ترتیب :) ) اور یہ بھی :
    ان کا نوکر دوڑا آیا
    یہاں "ان" پر "نوکر" کو ترجیح کی وجہ سے نوکر پہلے ہو تو زیادہ موافق تر لہجہ بنتا ہے۔ یعنی "نوکر ان کا دوڑا آیا"۔
    کڑواہٹ سے خود گھبرایا۔
    یہاں خود کی جگہ پھر یا وہ ہو تو بہتر ہے۔ (کیوں کہ "خود" کی وجہ سے مصرع کو ایک خاص رخ ملجاتا ہے جس کا محل اور ضرورت یہاں نہیں ۔ )
    یہاں بھی خود کے بجائے کچھ اور ہو تو بہتر ہو۔جیسے دیکھ کے اس کو وہ گھبرایا وغیرہ۔
    یہ دونوں مصرع جیسے کچھ ٹکرا سے گئے ۔
    یہ مصرع رواں نہیں ۔ پھر کہہ لیں جیسے ۔
    "اٹھو اٹھو" بولیں خالہ۔ وغیرہ ۔ لیکن اس کے ساتھ اگلا مصرع بھی دوپارہ پیوستہ کرنا پڑے کیوں کہ وہ "اور سے شروع ہوتا ہے۔۔۔
    ویسے ان معمولی نوعیت کے ملاحظات کے باوجود بھی یہ نظم بہت دلکش ہے ۔
     
    • پسندیدہ پسندیدہ × 2
    • دوستانہ دوستانہ × 1
  11. الف عین

    الف عین لائبریرین

    مراسلے:
    33,850
    جھنڈا:
    India
    موڈ:
    Psychedelic
    بہتری تو ہر کلام کی ممکن ہے، لیکن غلطی تو کوئی نہیں تھی، اس لیے پسندیدگی کا اظہار کیا تھا۔ ظہیر اور عاطف صاحبان کے مشورے اچھے ہیں، قبول کر لیں۔
     
    • پسندیدہ پسندیدہ × 2
    • دوستانہ دوستانہ × 2
  12. فرقان احمد

    فرقان احمد محفلین

    مراسلے:
    9,082
    خلیل بھیا! بلاشبہ یہ بہت پیاری نظم ہے۔ ہماری مانیں تو آپ اس طرف مزید توجہ دیجیے۔ ہمارے خیال میں، آپ کا اصل میدان یہ ہے۔ بچوں کے لیے نظمیں تخلیق کرنا یُوں بھی کارِ دُشوار ہے، یہ ہر شاعر کے بس کی بات بھی نہیں۔ بہت اعلیٰ! زبردست!
     
    • پسندیدہ پسندیدہ × 2
    • دوستانہ دوستانہ × 2
  13. سید عاطف علی

    سید عاطف علی محفلین

    مراسلے:
    7,484
    جھنڈا:
    SaudiArabia
    موڈ:
    Cheerful
    ویسے بر سبیل تذکرہ ، یہ کچالو ہوتا کیا ہے ؟ (یعنی اصلاََ کونسا پھل :) ) براہ مہربانی اسے زلیخا کے قصے سے تعبیر نہ کیا جائے ۔ یہ واقعی معصومانہ سوال ہے۔ :)
     
    • پسندیدہ پسندیدہ × 3
  14. الف نظامی

    الف نظامی لائبریرین

    مراسلے:
    14,482
    جھنڈا:
    Pakistan
    موڈ:
    Cool
    کڑواہٹ سے جی گھبرایا
    یہ چلے گا؟
     
    • زبردست زبردست × 1
    • دوستانہ دوستانہ × 1
  15. محمد خلیل الرحمٰن

    محمد خلیل الرحمٰن مدیر

    مراسلے:
    7,963
    جھنڈا:
    Pakistan
    موڈ:
    Festive
    کچالو اروی کی ایک قسم ہے جو چاٹ کے طور پر ابال کر نمک وغیرہ لگا کر کھائی جاتی ہے۔ اسی طرح کچے آلو کو بھی کچالو کہتے ہیں۔
     
    • دوستانہ دوستانہ × 1
    • متفق متفق × 1
  16. جاسمن

    جاسمن مدیر

    مراسلے:
    12,555
    جھنڈا:
    Pakistan
    موڈ:
    Fine
    بہت پیاری، راج دلاری سی نظم ہے۔:)
     
    • دوستانہ دوستانہ × 1
  17. عاطف ملک

    عاطف ملک محفلین

    مراسلے:
    1,092
    جھنڈا:
    Pakistan
    موڈ:
    Innocent
    بہت خوبصورت نظم ہے خلیل سر:)
     
    • دوستانہ دوستانہ × 1
  18. محمد شکیل خورشید

    محمد شکیل خورشید محفلین

    مراسلے:
    201
    جھنڈا:
    Pakistan
    موڈ:
    Tolerant
    بچوں کا ادب، قصہ پارینہ ہوتا جا رہا ہے،
    ایک جہاد ہے جو آپ شروع کر رہے ہیں، بہت اعلیٰ درجے کا بچوں کا ادب تخلیق کر کے
     
    • دوستانہ دوستانہ × 1
    • متفق متفق × 1

اس صفحے کی تشہیر