کفایت ہاشمی
محفلین
مجھے کیوں نہ آئے گا پسند آپ کا مشورہ ، جزاک اللہ۔ میں ضرور رابطہ کرتا ہوں محترمہ شگفتہ صاحبہ سے ۔۔
تعارف من این حروف نویستم
- صاحب لڑی کفایت ہاشمی
- تاریخ ابتداء
کفایت ہاشمی
محفلین
معاف کیجئے گا ، میں نے نظر نہ کی کہ آپ منتظم یعنی ٹیم لیڈر ہیں ۔
میر انیس
لائبریرین
کفایت صاحب السلام علیکم اور محفل میں خوش آمدید
میں شمشاد کی بات کی وضاحت کردوں ۔ دراصل محفل میں ایک سیکشن لائبریری کے نام سے موجود ہے جہاں پر مختلف کتابوں کو برقیانے کا کام کیا جاتا ہے پہلے کسی بھی کتاب کو اسکین کرکے لائبریری میں بھیجا جاتا ہے پھر یہاں کی مدیر سیدہ شگفتہ صاحبہ اسکے صفحات کو لائبریری کے ارکان کے سپرد کردیتی ہیں سارے ارکان مل کر ن صفحات کو ٹائپ کرکے جلد ہی کتاب کی شکل دے دیتے ہیں۔ اگر آپ اپنی کتاب کو اسکین کرکے سیدہ شگفتہ کو دے دیں گے تو پھر اس پر ٹائپنگ کا کام انکی ترجیہات کے مطابق اپنی باری پر شروع ہوجائے گا
میں شمشاد کی بات کی وضاحت کردوں ۔ دراصل محفل میں ایک سیکشن لائبریری کے نام سے موجود ہے جہاں پر مختلف کتابوں کو برقیانے کا کام کیا جاتا ہے پہلے کسی بھی کتاب کو اسکین کرکے لائبریری میں بھیجا جاتا ہے پھر یہاں کی مدیر سیدہ شگفتہ صاحبہ اسکے صفحات کو لائبریری کے ارکان کے سپرد کردیتی ہیں سارے ارکان مل کر ن صفحات کو ٹائپ کرکے جلد ہی کتاب کی شکل دے دیتے ہیں۔ اگر آپ اپنی کتاب کو اسکین کرکے سیدہ شگفتہ کو دے دیں گے تو پھر اس پر ٹائپنگ کا کام انکی ترجیہات کے مطابق اپنی باری پر شروع ہوجائے گا
کفایت ہاشمی
محفلین
وعلیکم السلام ۔
جی میں نے ایک عدد مراسلہ سیدہ صاحبہ کو ’’داغ‘‘ دیا ہے ، دیکھئے کیا جواب آتا ہے ۔
سیدہ شگفتہ
لائبریرین
السلام علیکم ، کفایت ہاشمی صاحب ، اردو محفل میں خوش آمدید !
کیا آپ مذکورہ مسودہ کا اسکین ارسال کر سکتے ہیں ؟
کیا آپ مذکورہ مسودہ کا اسکین ارسال کر سکتے ہیں ؟
کفایت ہاشمی
محفلین
وعلیکم السلام
جی یہی تو مشکل ہے ۔ اصل میں ، میں نے مسودے پر نظر ثانی کے دوران خوب حذف و اضافے کیے ہیں اس لیے اس کو سکین کرنا تو دگنی مشکل ہوگی ۔ ایک میرے لیے دوسرا خود ٹائپ کرنے والے کیلئے۔ اس لیے میں نے یہ عرض کیا تھا کہ میں خود ہی ٹائپ کر وں اور کوئی بندہ خدا اس کو برقیا دے ۔
نبیل
تکنیکی معاون
برادرم کفایت، آپ کے نزدیک برقیانے سےکیا مراد ہے؟ اگر ٹائپنگ مکمل ہو جائے تو اسی کو ہم برقیانا کہتے ہیں۔ اگر آپ نے ان پیج میں ٹائپنگ مکمل کر لی ہو تو اسے یونیکوڈ میں تبدیل کرنا زیادہ مشکل نہیں رہتا۔
کفایت ہاشمی
محفلین
جناب من !
میری برقیانہ سے یہ مراد ہے کہ مسودے کو کتاب کی صورت دے دی جائے ۔صرف ٹائپ سے تو کتاب نہیں بن جاتی۔ اسکی سیٹنگ اور صوتی حسن کا ’’پانی ‘‘ بھی تو چڑھانا ہوتا ہے۔
نبیل
تکنیکی معاون
کفایت، آپ کی بات اس حد تک ضرور درست ہے کہ کتاب کی شکل دینے کے لیے بہتر کمپوزنگ اور فارمیٹنگ کی ضرورت ہے۔ ای بک بنانا اہم ضرور ہے لیکن یہ واحد مقصد نہیں ہے۔ ٹائپنگ سے تحریری متن حاصل ہو جاتا ہے جو بنیادی طور پر کسی فونٹ یا فارمیٹ کا محتاج نہیں ہوتا ہے۔ تحریری متن سرچ انجن پر انڈکس ہو جاتا ہے جس کے بعد اسے انٹرنیٹ کی دنیا میں ہمیشہ کی زندگی مل جاتی ہے اور یہ متن ادب کے شائقین اور محققین کے لیے قابل دسترس ہو جاتا ہے۔ آپ کے پاس اگر ان پیج ڈاکومنٹ موجود ہے تو یہ بھی ایک شکل میں ای بک ہی ہے، اگرچہ اس میں تلاش ممکن نہیں ہوگی۔
سیدہ شگفتہ
لائبریرین
السلام علیکم ، ٹائپنگ اور پروف ریڈنگ دونوں مراحل کے لیے اسکین / اصل کتابی متن کی ضرورت ہوتی ہے ۔ ٹائپنگ کے بعد پروف ریڈنگ کا مرحلہ دقیق ہوتا ہے ۔ حالیہ صورت میں ٹائپنگ کے ساتھ پروف ریڈنگ کے مراحل آپ انجام دے سکیں گے ؟
باذوق
محفلین
دلچسپ اور قابل مطالعہ کتاب نظر آتی ہے۔
ڈاؤن لوڈ کر کے ابھی مطالعہ شروع کیا ہے۔ شروعات کے صفحات ہی سے طرز تحریر کا سحر طاری ہونے لگتا ہے۔ جبکہ اس کتاب کے سال اشاعت (1969ء) سے اندازہ ہوا تھا کہ قدیم اردو ہوگی مگر بہرحال اتنی قدیم تو نہیں ہے۔
آباد شاہ پوری نے اپنے "دیباچہ" میں جو یہ باتیں لکھی ہیں ۔۔۔ زائد از 40 سال بعد والی موجودہ صورتحال بھی کم و بیش اتنی ہی محسوس ہوتی ہے ۔۔۔۔
کفایت ہاشمی
محفلین
وعلیکم السلام
جی بالکل میں ان شاءاللہ پروف ریڈنگ کرلوں گا۔ اور میں ہی کیوں ، آپ میں سے کوئی بھی اس میں میری مدد کرے گا تو اس کو بھی اجر ملے گا۔ان شاءاللہ
کفایت ہاشمی
محفلین
ماشاء اللہ ۔ مجھے سچ مچ خوشی ہوئی کہ آپ اس کتاب کو پڑھ رہے ہیں۔ محترم آباد شاہ پوری مرحوم نے اس سرگزشت کو ترتیب دیا تھا یعنی اس کو ادبی سانچے میں انھوں نے ہی ڈھالا۔اللہ ان کی اس خدمت کو قبول فرمائے اور انھیں اپنی جوار رحمت میں جگہ عطا فرمائے آمین
میرے محترم !
یہ تو محض ایک شخص کی داستان ہے جو منظرعام پر آگئی ورنہ لاکھوں ایسی صورتحال سے دوچار ہوئے ہوں گے۔یہ بھی بتاتا چلوں کہ اس سرگزشت کی اشاعت کے بعد سوشلسٹ حلقے اس سچائی کو برداشت نہ کرسکے اور دادا جان رحمہ اللہ پر قاتلانہ حملہ تک کروایا گیا جس میں وہ سخت زخمی ہوئے تھے۔
اللہ ہمیں آزمائش سے بھی محفوظ فرمائے ورنہ جس طرح کے ہم مسلمانوں کے حالات و اعمال ہیں، بعید نہیں کہ جو کچھ سوویٹ یونین نے ترکستان میں ظلم وستم کیا ، وہی کچھ اسلام آباد ،لاہور و کراچی کی گلی محلوں میں ہو۔
پاکستان کو بنانے کے بعد اسے کسی اور ہی ڈگر پر چلا دیا گیا ۔کبھی تو یہاں سوشلزم کے نعرے لگائے گئے تو کبھی سیکولرازم کی بات کی گئی ۔حتی کہ قائد اعظم کو بھی سیکولر ثابت کرنے کی سرتوڑ کوشش ہوئی ۔یہ بات سب جانتے ہیں کہ کوئی چیز اپنے مقصد تخلیق سے ہٹ کر کام کرے تو اس کے وجود کا فائدہ نہیں رہتا !!!!