منتخب اشعار برائے بیت بازی!

[شمشاد]

یوں ہم سے اصول محبت اپنایا نہ گیا
ان سے آیا نہ گیا، ہم سے بلایا نہ گیا

 

[عمر سیف]

اس کے اندر اک فنکار چھپا بیٹھا ہے
جانتے بوجھتے جس شخص نے دھوکا کھایا۔

 

[الف عین]

آ عندلیب مل کے کریں آہ و زاریاں
تو ہائے گل پکار میں چلاؤں ہائے دل

 

[جیہ]

لوں وام بختِ خفتہ سے یک خوابِ خوش ولے
غالب یہ خوف ہے کہ کہاں سے ادا کروں

 

[توقیر]

نہیں معلوم کس کے دم سے تھی محفل مری محفل
نہ اب وہ کیف محفل میں نہ اب وہ حُسن محفل میں

 

[عمر سیف]

نہ جانے کس لیے دُنیا کی نظریں پھر گئیں ہم سے
تمھیں دیکھا، تمھیں چاہا، قصور اس کے سوا کیا ہے

 

[فرقان احمد]

یار پہلو میں نہیں ویرانہ ہے میخانہ آج
گردشِ قسمت بنی ہے گردشِ پیمانہ آج

حفیظ جالندھری

 

[طاہر شیخ]

جلا رہا ہوں خود اپنے لہو سے دل کے چراغ
نہ جانے کتنی محبت ہے روشنی سے مجھے

نامعلوم

 

[فیصل عظیم فیصل]

محبت روشنی سے خوب لیکن
مرا مسکن ازل سے یہ اندھیرے

 

[فرقان احمد]

احباب سے گزارش ہے کہ بیت بازی کے اصول و ضوابط کو سامنے رکھا جائے، شکریہ!

یار پہلو میں نہیں ویرانہ ہے میخانہ آج
گردشِ قسمت بنی ہے گردشِ پیمانہ آج

'ج'

 

[فہد اشرف]

جس بادل کی آس میں جوڑے کھول لیے ہیں سہاگن نے
وہ پربت سے ٹکرا کر برس چکا صحراؤں میں
بشیر بدر

 

[فیصل عظیم فیصل]

نہ خیال تھا کہ اصول ہے یہی ساتھ سب کے چلا کروں
تیرا شکریہ کہ بتا دیا کبھی بات یوں نہ کیا کروں
مجھے حرف حرف یہ زندگی جسے جوڑنا ہے کلام میں
یہی زندگی میری دوست ہے اسے چاہتوں میں جیاکروں

ن

 

[طاہر شیخ]

نعمت غم میرا حصہ مجھ کو دے دے اے خدا
جمع رکھ میری خوشی سارے زمانے کے لیے
حفیظ جالندھری

اب ی سے

 

[سیما علی]

یہ کہاں کی دوستی ہے کہ بنے ہیں دوست ناصح
کوئی چارہ ساز ہوتا کوئی غم گسار ہوتا !!!!!!!

 

[مومن فرحین]

ابھی تو دور سے آئی تھی بنسری کی صدا
دکھوں میں ڈوبی ہوئی درد میں نہائی ہوئی
نہ جانے کان میں کیا کہہ گئی کہ یاد آئی
کہانی میری کہی اور تیری بھلائی ہوئی

 

[سیما علی]

یہ ملاقات ملاقات نہیں ہوتی ہے
بات ہوتی ہے مگر بات نہیں ہوتی ہے

حفیظ جالندھری​

​

 

[سیما علی]

کسی کو اپنے عمل کا حساب کیا دیتے,
سوال سارے غلط تھے جواب کیا دیتے .

یہ بزم مئے ہے یاں کوتاہ دستی میں ہے محرومی
جو بڑھ کر خود اٹھا لے ہاتھ میں وہ جام اسی کا ہے

شاد عظیم آبادی

 

[سیما علی]

یہ سانحہ بھی محبت میں بارہا گزرا
کہ اس نے حال بھی پوچھا تو آنکھ بھر آئی

 

[سیما علی]

یہ بزم مے ہے یاں کوتاہ دستی میں ہے محرومی
جو بڑھ کر خود اٹھا لے ہاتھ میں مینا اسی کا ہے

شاد عظیم آبادی

 

[الف عین]

یہ بزم مئے ہے یاں کوتاہ دستی میں ہے محرومی
جو بڑھ کر خود اٹھا لے ہاتھ میں وہ جام اسی کا ہے

شاد عظیم آبادی

مینا اسی کا ہے
درست شکل تو شاید یون ہے