تیسری سالگرہ محفل کی سالگرہ کا پکوان ڈے ۔۔

[عندلیب]

میں بھی سونچ رہی ہوں کہ کوئی حیدرآبادی کھانے کی ترکیب ارسال کردوں‌۔

 

[فہیم]

میں بھی سونچ رہی ہوں کہ کوئی حیدرآبادی کھانے کی ترکیب ارسال کردوں‌۔

اگر ہوسکے تو حیدر آبادی بینگن کی ترکیب ارسال کریں
جو جھینگوں کے ساتھ پکتے ہیں

ویسے تو مجھے بینگن پسند نہیں لیکن جھینگوں کی وجہ سے پوچھ رہا ہوں

 

[ماوراء]

13 جولائی تک آپ تراکیب پوسٹ کر سکتے ہیں۔​

 

[سارا]

ماوراء ترکیب کے ساتھ تصویر بھی لگانی ہے یا ایسے بھی ترکیب لکھی جا سکتی ہے۔۔۔

 

[ابن سعید]

مرضی ہے سارہ اپیا آپ کی کہ آپ اپنی بات کیسے زیادہ بہتر سمجھا سکتی ہیں۔

 

[حجاب]

پکوان ڈے اُس وقت تک جاری ہے جب تک سعود سارے کھانے ہضم نہ کر لے

 

[ماوراء]

سارا، ضروری نہیں ہے تصویر۔ صرف ترکیب کافی ہے۔

 

[سارا]

'' دھواں گوشت ''

بغیر ہڈی کا گوشت (بکرے یا گائے کا) آدھا کلو۔۔چھوٹی بوٹیاں
پیاز 3 عدد (بڑی)
پودینہ ایک گھٹی
سبز دھنیا آدھی گھٹی
زیرہ ایک چمچ
نمک سرخ مرچ حسب ذائقہ
دہی 2 کپ
لہسن و ادرک 3 چمچ
2 سے 3 ہری مرچیں
گھی ایک چھوٹا کپ

ترکیب :
1۔۔آدھے پیاز اور لہسن و ادرک کو باریک پیس لیں۔۔(میں بلینڈر میں ہی باریک کر لیتی ہوں)
2۔۔گوشت کو دھو کر اس میں یہ پسا ہوا پیاز و اردک 'نمک مرچ ایک چمچ خشک دھنیا و زیرہ ڈال کر 2 کپ پانی ڈال کر پکنے کے لیے رکھ دیں۔۔
3۔۔جب پانی خشک ہو جائے تو گھی ڈال کر خوب اچھی طرح بھون لیں۔۔تا کہ گھی کا کچا پن ختم ہو جائے اور گوشت گھی چھوڑنے لگے۔۔
4۔۔دہی کو پھینٹ لیں۔۔اور گوشت میں ڈال کر بھونتے رہیں جب تک مصالحہ خشک نہ ہو جائے۔۔
5: بقایا پیاز کو بہت باریک لچھے دار کاٹ لیں۔۔
6: پودینے کے پتے اور سبز دھنیا و سبز مرچیں باریک کاٹ لیں۔۔
7۔۔۔پیاز 'سبز مرچیں 'سبز دھنیا'پودینہ سب گوشت میں ملا کر پانچ منٹ تک بھونیں۔۔۔
8۔۔ ایک کوئلے کو چولہے پر دہکا لیں اور گوشت کے اوپر روٹی کا ٹکڑا رکھ کر اس پر یہ دہکتا ہوا کوئلہ رکھ دیں۔۔کوئلے کے اوپر 2 سے 3 قطرے گھی کے ٹپکائیں جب دھواں چھوڑنے لگے تو ڈھکن فورا بند کر دیں۔۔
پانچ منٹ چولہے پر پڑا رہے دیں بالکل ہلکی آنچ پر۔۔۔اس کے بعد چولہا بند کر کے کوئلہ اور روٹی کا ٹکڑا اٹھا لیں۔۔دھواں گوشت تیار ہے۔۔

 

[ابن سعید]

گڑ کا رول


اشیاء

- گڑ: ------- آدھے سے کچھ کم
- روٹی: ---- ایک عدد (باسی)


ترکیب:

ایک عدد روٹی نکالیں اور اسے بائیں ہاتھ کی ہتھیلی پر رکھ لیں۔
دوسرے ہاتھ سے لپک کر گڑ کا ڈبہ گھسیٹیں اور اس میں گڑ کے ٹکڑوں کا جائزہ لیں۔ اگر ٹکڑے دستیاب نہ ہوں تو سل بٹے سے توڑنا ہوگا (ایک ہی ہاتھ سے۔)
ٹکڑے کو چٹکی سے باریک کر کے روٹی کے درمیان ایک لکیر کی مانند پھیلا لیں۔
پھر اس طرح لپیٹیں کہ باسی روٹی ٹوٹ کر بکھرنے نہ پائے
اب اسے کھاتے ہوئے کھیلنے نکل جائیں (گڑ کا ڈبہ کھلا چھوڑ کر)۔
رول کو ذرا خیال سے پکڑیں ونہ گڑ کے ٹکڑے گر سکتے ہیں (اگر گر جائیں تو اٹھا کر رول کو کھولے بغیر اس میں دوبارہ ڈال لیں)۔

نوٹ: واضح رہے اس پورے کام میں آپ کو ہاتھ بالکل نہیں دھونا ہے۔

 

[سارا]

یہ تو آپ نے اپنے بچپن کے (یا سب کے بچپن کے ) گڑ کے رول کی ترکیب بتائی ہے۔۔

 

[ابن سعید]

اونئین وِد سالٹ


یہ ایک دیسی ڈش ہے پر نام ولایتی اس لئے ہے کیوں کہ ہم اسے بغیر نام کے استعمال کرتے ہیں۔ یہ ڈش عموماً کھیتوں میں کام کرتے ہوئے یا بھینس چراتے ہوئے کھائی جاتی ہے۔


اجزاء

- پیاز ------- ایک عدد (اگر بہت چھوٹے ہوں تو دو عدد)
- نمک ------ ایک اوسط ڈلی (پاؤڈر قطعی نہیں)
- روٹی ----- دو (یا تین)


ترکیب:

کھیت کی منڈیر پر بیٹھیں اور رومال کھول کر گھر سے لائے ہوئے اجزاء ترکیبی کو باہر نکالیں۔
سب سے پہلے پیاز کو چھیلیں۔
پھر دونوں روٹیوں کو بائیں ہاتھ کی ہتھیلی پر تلے اوپر رکھیں۔
نمک کی ڈلی اور چھیلا ہوا پیاز اس کے اوپر رکھیں۔
روٹی کا ایک نوالہ توڑیں اور روکھا ہی منھ میں ڈال لیں پھر نمک کی ڈلی کو دانتوں سے توڑیں۔ چھوٹے ٹکڑے کو نوالے میں شامل کر لیں جبکہ بڑے کو واپس روٹی پر رکھ دیں۔ اس کے بعد داہنے ہاتھ سے ہی پیاز اٹھا کر دانتوں سے کاٹ لیں۔
اب اس نوالے کو چبانا شروع کر دیں۔
اگر دانت سے توڑتے ہوئے نمک کا چھوٹا ٹکڑا نہ ٹوٹے تو منھ میں رہ گئے ٹکڑے کو جبڑوں کر درمیان رکھ کر مزید ٹکڑے بنائیں۔ اور ایک کو چھوڑ کر بقیہ کو زبان کی مدد سے گلپڑوں میں پھنسا لیں۔ یہ اگلے نوالے مین کام آئیں گے۔
اس عمل کو اسی ترتیب سے اخیر تک دہرائیں۔
پانی اگر ساتھ لائے ہوں تو پی لیں ورنہ شام میں گھر لوٹ کر پئیں۔ پیاس زیادہ لگنے کی صورت میں آس پاس ٹیوب ویل کی تلاش کریں۔

نوٹ: اگر اس دوران ناک بہہ جائے تو چٹکی سے صاف کرکے چٹکی کو قریب پڑے مٹی کے ڈھیلے پر اچھی طرح رگڑ لیں۔ اور اس کے بعد کرتے کے دامن سے چٹکی صاف کرکے آگے کھانے لگیں (کون دیکھ رہا ہے بھلا!!)۔

 

[ماوراء]

سبحان اللہ ۔۔ کیا کہنے۔۔۔ سعود بھیا یہ تراکیب آزمائی ہوئی ہیں نا؟

 

[ابن سعید]

جی اپیا!

بارہا!!

اور اب میں ان دنوں کو یاد کرتا ہوں۔ بہت!!

خیر ایسے ڈھیروں پکوان ہیں جن پر اپنا گزارہ ہوتا تھا۔ مثلاً "کڑوا تیل اور رائس"

 

[ثوبیہ ناز]

سبحان اللہ سعود بھائی میرا تو پیٹ آپ کی صحت مند ترکیب پڑھ کے ہی بھر گیا تھا
باقی کی مشقت آپ کو مبارک ہو

 

[شمشاد]

مکئی کی روٹی اوپر مکھن لگا ہو اور ساتھ میں ساگ پکا ہوا ہو وہ بھی روٹی کے اوپر ہی رکھ لیں۔ ساتھ میں اگر لسی مل جائے، ٹھنڈی اور نمکین، واہ جی واہ۔ روٹی کو توڑ کر ساگ کے ساتھ کھاتے جائیں اور لسی کے گھونٹ بھرتے جائیں۔ اس کے آگے فائیو سٹار ہوٹلوں کی ڈشیں بھی ہیچ ہیں۔

خیال رکھیں ایسا نہ ہو کہ صرف ساگ کو ڈش سمجھ کر کھا جائیں اور روٹی کو میزبان کو یہ کہہ کر لوٹا دیں کہ پلیٹ واپس لے لیں۔

 

[ثوبیہ ناز]

ہائےےےےےے ساگ سچی ترس گئی ہوں ساگ کو
ویسے دودھ میں چینی ملا کے اس میں روٹی کے ٹُکرے بھگو کے کبھی کھا کے دیکھیں میں تو آج تک بڑے شوق سے کھاتی ہوں
اب یہ مت سمجھ لینا کہ میں بوڑھی ہوں جس کے منہ میں دانت نہیں

 

[شمشاد]

وہ تو خیر بہانہ بنایا جا سکتا ہے کہ عبد الرافع کے لیے بنائے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گنے کے رس کی کھیر

اجزاء :

گنے کا رس ایک بڑا دیگچہ، آدھ کلو چاول، ڈھیر سارے اُپلے، تین یا چار پیڑھیاں، دو تین سہلیاں اور پوری رات

کھیر بنانے کی ترکیب

اُپلوں کو آگ لگا کر تھوڑی دیر تک رکھا رہنے دیں۔
گنے کا رس ایک دُھلے ہوئے بڑے دیگچے میں ڈالیں۔
چاول بھی اچھی طرح دھو کر اُسی دیگچے میں ڈال دیں۔
اب اس دیگچے کو اُپلوں کی آگ پر رکھ دیں۔

اس کے قریب ہی پیڑھیاں بچھا لیں اور سہلیوں کو بٹھا لیں۔
اب ساری گپیں ماریں اور کبھی کبھار دیگچے میں چمچ ہلاتی جائیں۔
صبح تک کھیر تیار ہو جائے گی۔

گرما گرم کھانے کا بھی مزہ ہے لیکن ٹھنڈی کر کے کھانے کا زیادہ مزہ ہے۔ ٹھنڈی کھیر کے اوپر اگر تھوڑی سی دہی ڈال کر کھائیں تو اور مزہ آئے گا۔

 

[حجاب]

چوں چوں کا مربّہ

اجزاء ۔ چند معصوم چوں چوں کرتے چوزے ، بلکل اس جیسے جو تصویر میں ہیں ان میں سے پکڑ لیں ۔

شکر ۔ آدھا کلو ۔
گھی 4 کھانے کے چمچے ۔

ترکیب ۔
چوزے پکڑ کے معصوموں کو ذبح کریں ، اچھی طرح صاف کر لیں ، شکر میں پانی ڈال کر چولہے پر چڑھائیں ، شیرہ بنا لیں ، شیرہ تیار ہو جائے تو چوزے اُس میں ڈال دیں ساتھ گھی بھی ڈال دیں اب اچھی طرح پکائیں ، جب بے چارے معصوم چوزوں پر شکر اچھی طرح لگ جائے تو اُتار لیں اور ٹھنڈا کر کے مربّے کی طرح کاٹ لیں ، چوں چوں کا مربّہ تیار ہے ۔

 

[حجاب]

اونئین وِد سالٹ


یہ ایک دیسی ڈش ہے پر نام ولایتی اس لئے ہے کیوں کہ ہم اسے بغیر نام کے استعمال کرتے ہیں۔ یہ ڈش عموماً کھیتوں میں کام کرتے ہوئے یا بھینس چراتے ہوئے کھائی جاتی ہے۔


اجزاء

- پیاز ------- ایک عدد (اگر بہت چھوٹے ہوں تو دو عدد)
- نمک ------ ایک اوسط ڈلی (پاؤڈر قطعی نہیں)
- روٹی ----- دو (یا تین)


ترکیب:

کھیت کی منڈیر پر بیٹھیں اور رومال کھول کر گھر سے لائے ہوئے اجزاء ترکیبی کو باہر نکالیں۔
سب سے پہلے پیاز کو چھیلیں۔
پھر دونوں روٹیوں کو بائیں ہاتھ کی ہتھیلی پر تلے اوپر رکھیں۔
نمک کی ڈلی اور چھیلا ہوا پیاز اس کے اوپر رکھیں۔
روٹی کا ایک نوالہ توڑیں اور روکھا ہی منھ میں ڈال لیں پھر نمک کی ڈلی کو دانتوں سے توڑیں۔ چھوٹے ٹکڑے کو نوالے میں شامل کر لیں جبکہ بڑے کو واپس روٹی پر رکھ دیں۔ اس کے بعد داہنے ہاتھ سے ہی پیاز اٹھا کر دانتوں سے کاٹ لیں۔
اب اس نوالے کو چبانا شروع کر دیں۔
اگر دانت سے توڑتے ہوئے نمک کا چھوٹا ٹکڑا نہ ٹوٹے تو منھ میں رہ گئے ٹکڑے کو جبڑوں کر درمیان رکھ کر مزید ٹکڑے بنائیں۔ اور ایک کو چھوڑ کر بقیہ کو زبان کی مدد سے گلپڑوں میں پھنسا لیں۔ یہ اگلے نوالے مین کام آئیں گے۔
اس عمل کو اسی ترتیب سے اخیر تک دہرائیں۔
پانی اگر ساتھ لائے ہوں تو پی لیں ورنہ شام میں گھر لوٹ کر پئیں۔ پیاس زیادہ لگنے کی صورت میں آس پاس ٹیوب ویل کی تلاش کریں۔

نوٹ: اگر اس دوران ناک بہہ جائے تو چٹکی سے صاف کرکے چٹکی کو قریب پڑے مٹی کے ڈھیلے پر اچھی طرح رگڑ لیں۔ اور اس کے بعد کرتے کے دامن سے چٹکی صاف کرکے آگے کھانے لگیں (کون دیکھ رہا ہے بھلا!!)۔

سعود ، کھیت خرید لوں اور ساتھ بھینس تو یہ ترکیب آزماؤں گی ، مگر ناک صاف کرنے کے لیئے رومال رکھوں گی اور یہ گلپھڑے ہیں کہ گودام نمک اگلے نوالے کے لیئے کیسے اسٹور ہوگا وہاں

 

[حجاب]

مچھلی کے پائے

ایک مچھلی لیں

اب مچھلی کے پائے تلاش کریں ، مل جائیں تو بتائیں ترکیب لکھ دوں گی ، ورنہ صبر کریں