محفل کی خاموشی ہے یا اظہار کی تنہائی --------- عزم بہزاد

[مغزل]

غزل

محفل کی خاموشی ہے یا اظہار کی تنہائی
ہر سرگوشی میں پنہاں ہے اک پندارکی تنہائی

ایک بہار کے آجانے سے کیسے کم ہو جائے گی
ایک طویل خزاں میں لپٹے اک گلزار کی تنہائی

ہجر کی دھوپ سے ڈرنے والا اک سائے میں جا بیٹھا
لیکن جس کو سایہ سمجھا تھی دیوار کی تنہائی

آگے جانے کی خواہش بھی کتنا آگے لے آئی
اک بے منظر راہ گزر ہے اور رفتار کی تنہائی

اشیاء کی ترتیب میں خود کو تنہا کرتا رہتا ہوں
گھر میں لاکر رکھ دیتا ہوں میں بازار کی تنہائی

عزم قریب آنے والوں سے اپنا حال نہ کہہ دینا
ہوسکتا ہے تم کو رلادے پھر انکار کی تنہائی

عزم بہزاد​

اتوار کی شام عزم صاحب کے دولت کدے پر ان سے ملاقات رہی ، جو کلام مجھے یاد رہا پیش خدمت ہے ۔
امید ہے آپ کی آراء میرا حوصلہ بڑھائے گی ۔والسلام

 

[پیاسا صحرا]

آگے جانے کی خواہش بھی کتنا آگے لے آئی
اک بے منظر راہ گزر ہے اور رفتار کی تنہائی

بہت خوب کیا بات ہے محترم ۔
عجب سی بے رنگی کا احساس ہوا غزل کو پڑھ کر ۔
یا یوں سمجھ لیں کہ عجیب قسم کی اداسی کے گھیرے میں آ گیا ۔
بہت خوب غزل جناب ۔ شکریہ شئیر کرنے کا۔

 

[مغزل]

بہت بہت شکریہ جناب ، ایسا ہی کہ لفظ سیدھا دل و دماغ پر اثر انداز ہوتے ہیں۔
ایک بار پھر بہت شکریہ۔

 

[محمد نعمان]

بہت خوب محمود بھیا۔۔۔۔آپکی یہ چنیدہ غزلیات ہمیں سیراب کر دیتی ہیں۔۔۔۔
بہت شکریہ

 

[محمداحمد]

تنہائی کی ردیف ہی جان لیوہ ہے اور قلم عزم بہزاد کا۔

ع۔ جو ہے ہمارا حال اُسے کس طرح کہیں۔

 

[مغزل]

بہت بہت شکریہ نعمان صاحب اور احمد صاحب۔ سدا خوش رہیں۔ والسلام

 

[محمد وارث]

بہت خوبصورت غزل ہے، شکریہ محمود صاحب شیئر کرنے کیلیے، نوازش!

 

[مغزل]

بہت شکریہ وارث صاحب۔

 

[شاہ حسین]

بہت خوب جناب

 

[مغزل]

شکریہ شاہ جی ۔ بڑی محبت

 

[رابطہ]

واہ واہ
کیا خوبیِ تنہائی ہے

 

[مغزل]

شکریہ رابطہ صاحبہ / صاحب
بڑی محبت جناب کی

 

[الف نظامی]

عزم قریب آنے والوں سے اپنا حال نہ کہہ دینا
ہوسکتا ہے تم کو رلادے پھر انکار کی تنہائ

 

[مغزل]

شکریہ الف نظامی صاحب