چودہویں سالگرہ محفلین کے لیے اشعار

فاتح

 

اگر نشانِ سفر تک کہیں نہیں ، نہ سہی
میں رینگ رینگ کے ، یہ شب نہیں گزاروں گا

شکست سے ، میرا اخلاق اجنبی ھے ندیم
سحر مِلے نہ مِلے ، رات سے نہ ھاروں گا​

 

م حمزہ بھیا
سر سے پا تک وہ گلابوں کا شجر لگتا ہے
با وضو ہو کے بھی چھوتے ہوئے ڈر لگتا ہے

بشیر بدر

 

بہت بہت شکریہ شاہ جی ۔
آپ کی بے پناہ خلوص و محبت کا ۔

 

نور وجدان

میں دوستوں سے تھکا ، دشمنوں میں جا بیٹھا
دُکھی تھے وہ بھی ، سو میں اپنے دُکھ بُھلا بیٹھا

سنی جو ، شہرتِ آسُودہ خاطری میری
وہ اپنے درد لیے ، میرے دِل میں آ بیٹھا

بس ایک بار ، غرورِ اَنا کو ٹھیس لگی
میں تیرے ھجر میں ، دستِ دُعا اٹھا بیٹھا

خدا گواہ کہ لٹ جاؤں گا ، اگر میں کبھی
تجھے گنوا کے ، تیرا دَرد بھی گنوا بیٹھا

تیرا خیال جب آیا تو ، یوں ھُوا محسُوس
قفس سے اُڑ کے پرندہ ، شجر پہ جا بیٹھا

سزا ملی ھے مجھے ، گردِ راہ بننے کی
گناہ یہ ھے کہ ، میں کیوں راستہ دِکھا بیٹھا

کٹے گی کیسے ، اس انجامِ نا شناس کی رات
ھَوا کے شوق میں ، جو شمع ھی بُجھا بیٹھا

مجھے خدا کی خدائی میں ، یہ ھُوا محسوس
کہ جیسے عرش پہ ھو ، کوئی دُوسرا بیٹھا

​

 

عرفان سعید

خورشیدِ زندگی کی ، تمازت غضب کی تھی
تُو راہ میں مِلا ، تو شجر کا مزا مِلا

دیکھا جو غور سے تو ، مجسّم تُجھی میں تھا
وہ حُسن جو خیال سے بھی ، ماورا مِلا

 

محمد خلیل الرحمٰن

یُوں تو اُس جلوہ گہِ حُسن میں ، کیا کیا دیکھا
جب تجھے دیکھ چُکے ، کوئی نہ تجھ سا دیکھا

 

سید ذیشان

خوشا نصیب ، جسے فیضِ عشقِ شور انگیز
بقدرِ ظرف مِلا ، ظرف سے سِوا نہ مِلا

 

سید شہزاد ناصر ہور کرو ٹیگ
وہ رِند ہُوں کہ فنا ہے مِری بقا کی طرح
ابد کے دوش پہ ہُوں پیرِ تسمہ پا کی طرح
شادو بھائی کی عرفیت میں نے پیر تسمہ پا رکھی ہے،یہ جسے چمٹ جائیں کوئی مائی کا لعل پیر فقیرجھاڑ پھونک والا ایسا نہیں جو انہیں اتار سکے۔

 

اوشو
دربار میں اب سطوتِ شاہی کی علامت
درباں کا عصا ہے کہ مصنّف کا قلم ہے
آوارہ ہے پھر کوہِ ندا پر جو بشارت
تمہیدِ مسرت ہے کہ طولِ شبِ غم ہے
جس دھجی کو گلیوں میں لیے پھرتے ہیں طفلاں
یہ میرا گریباں ہے کہ لشکر کا علَم ہے
جس نور سے ہے شہر کی دیوار درخشاں
یہ خونِ شہیداں ہےکہ زرخانۂ جم ہے
حلقہ کیے بیٹھے رہو اک شمع کو یارو
کچھ روشنی باقی تو ہے ہر چند کہ کم ہے​

 

ملک بلال عرف اوشو جی پھوٹو میں ہر وقت گواچے گواچے ہی رہتے ہیں، خواب نگر کا بنت کار بندہ ہے اٹھتے بیٹھتے، چلتے پھرتے خواب ہی دیکھتا رہتا ہے، اللہ کرے اسے اس کے خوابوں کی تعبیر مل جائے، آمین۔

 

یہ تو شرمندہ ہی کر دیا آپ نے

 

کیا خوب کہا احمد بھائی بارے

 

بہت نوازش جاسمن صاحبہ۔۔۔ یاد رکھنے کا۔۔۔ اور وہ بھی اتنے خوبصورت انداز میں

 

نوازش نوازش۔۔۔ اور آمین

 

نایاب

کہاں گئے وہ لوگ جنہیں ظلمت منظور نہیں تھی
دیا جلانے کی کوشش میں‌خود جل جانے والے