تیرہویں سالگرہ محفلین کے لئے اشعار

[یاز]

یاز صاحب کے لیے:

وقت کی ناؤ کے ناخدا ہم نہ تھے
رہ گئی جی ہی میں جی کی ٹھانی ہوئی

مفت پائی نہیں دولتِ بےخودی
کوچے کوچے کی ہے خاک چھانی ہوئی

بہت شکریہ و نوازش (وغیرہ)۔

 

[اکمل زیدی]

(تھوڑی سی ترمیم کے ساتھ)
ہمیں تیر لگے ہیں یہاں کچھ کمان سے
کہ ہم نظر نظر میں تھے پہلی اڑان سے

 

[اکمل زیدی]

ہمارا اکثر کام (آفس کا) اردو محفل کی وجہ سے تعطل کا شکار ہو جاتا ہے اور میری مصروفیت سب کے سامنے ہوتی ہے تو اکثر یہی کہا جاتا ہے کے لگے ہونگے اسی (اردو محفل) میں۔۔۔۔اسی پر عرض ہے ۔۔۔

تیرے نام پہ لوگوں نے ہمیں الزام دیے
ضبط کیا، خاموش رہے، تردید نہ کی

 

[اکمل زیدی]

ایک اور ۔۔۔
میرا صاف سادہ مزاج تھا
تیری زلف نے پیچ ڈال دیے

 

[محمد تابش صدیقی]

(تھوڑی سی ترمیم کے ساتھ)
ہمیں تیر لگے ہیں یہاں کچھ کمان سے
کہ ہم نظر نظر میں تھے پہلی اڑان سے

آہ۔ کیا یاد دلا دیا۔
تاک میں دشمن بھی تھے اور پشت پر احباب بھی
پہلا پتھر کس نے مارا ، یہ کہانی پھر سہی

سرگوشی

پتھر کو منفی ریٹنگ پڑھا جائے

 

[فاخر رضا]

آہ۔ کیا یاد دلا دیا۔
تاک میں دشمن بھی تھے اور پشت پر احباب بھی
پہلا پتھر کس نے مارا ، یہ کہانی پھر سہی

سرگوشی

پتھر کو منفی ریٹنگ پڑھا جائے

جہاں بیری ہوگی وہاں پتھر تو آئیں گے بھیا

 

[لاریب مرزا]

گزشتہ سالوں میں محفلین کے لیے اشعار کے سلسلوں کے روابط ڈھونڈے تو یہ روابط ملے:

دوسری سالگرہ - اراکین اشعار کے آئینے میں
آٹھویں سالگرہ - محفلین اشعار کے آئینے میں

ان دھاگوں میں اکثر تصاویر غائب ہو چکی ہیں۔

ایسا ہی ایک سلسلہ غدیر زہرا نے گیارہویں سالگرہ پر گیارہویں سالگرہ - محفلین کے نام سے شروع کیا تھا اور بہت خوبصورت اشعار محفلین کے لیے منتخب کیے تھے۔

 

[La Alma]

لاریب مرزا کے لیے

جس بزم میں تو ناز سے گفتار میں آوے
جاں کالبدِ صورتِ دیوار میں آوے

 

[La Alma]

نور سعدیہ شیخ کے شوقِ جستجو کی نذر

برنگ شعلہ غمِ عشق ہم سے روشن ہے
کہ بے قراری کو ہم برقرار رکھتے ہیں

 

[La Alma]

ہادیہ کے لیے

جن کے کردار سے آتی ہو صداقت کی مہک
ان کی تدریس سے پتھر بھی پگھل سکتے ہیں

 

[La Alma]

مریم افتخار کی نذر

محفل میں چار چاند لگانے کے باوجود
جب تک نہ آپ آئے اجالا نہ ہو سکا

 

[جان]

ایک دوست کے نام
ذِکر تیرا ہے رُوح میں رقصاں
تجھ کو مانگے ہے چشمِ تَر میری

 

[شکیب]

کسی بہت ہی خاص کے لیے
(غمناک میوزک کے ساتھ)

یہ آلو بھی لے لو، یہ پالک بھی لے لو
بھلے چھین لو مجھ سے بھنڈی ھماری
مگر مُجھ کو لوٹا دو بکرے کا سالن
وہ قیمہ ،کلیجی، وہ نلّی نہاری

 

[فہد اشرف]

زبدۃ المحفلین کی نذر
جس بزم میں ساغر ہو نہ صہبا ہو نہ خم ہو
رندوں کو تسلی ہے کہ اس بزم میں تم ہو

 

[نایاب]

ان دھاگوں میں اکثر تصاویر غائب ہو چکی ہیں۔

ڈراپ باکس نے بڑا ظلم ڈھایا ۔ میری سب شراکت تصاویر کی صورت تھی ۔ اب تو بس کراس ہیں ۔ کوئی اچھی اپلوڈنگ سائٹ بارے آگہی سے نوازیں ۔
بہت دعائیں

 

[La Alma]

سین خے کے لیے

وہ رنگ کا ہجوم سا وہ خوشبوؤں کی بھیڑ سی
وہ لفظ لفظ سے جواں وہ حرف حرف سے حسیں

 

[La Alma]

@قرةالعین اعوان کے لیے

صحنِ چمن کو اپنی بہاروں پہ ناز تھا
وہ آ گئے تو ساری بہاروں پہ چھا گئے

 

[La Alma]

جاسمن کی نذر

خیر سے رہتا ہے روشن نام نیک
حشر تک جلتا ہے نیکی کا چراغ

 

[محمد عدنان اکبری نقیبی]

محترم الف عین سر اور محترم محمد وارث سر کے لیے ہدیہ عقیدت !

جن کے کردار سے آتی ہو صداقت کی مہک
ان کی تدریس سے پتھر بھی پگھل سکتے ہیں​

 

[La Alma]

حمیرا عدنان کی شوخی کی نذر

خوب رو ہیں سیکڑوں لیکن نہیں تیرا جواب
دل ربائی میں ادا میں ناز میں انداز میں