تیرہویں سالگرہ محفلین کے لئے اشعار

[مریم افتخار]

سبھی محفلین کے لیے:

اقدار نہ گرنے دینگے ہم
افکار نہ مٹنے دینگے ہم
تکنیک کی آندھی میں اپنی
اردو کو نہ اڑنے دینگے ہم

ہم اردو ویب کے شیدائی
محفل کی شمع کے پروانے

 

[جاسمن]

سبھی محفلین کے لیے:

اقدار نہ گرنے دینگے ہم
افکار نہ مٹنے دینگے ہم
تکنیک کی آندھی میں اپنی
اردو کو نہ اڑنے دینگے ہم

ہم اردو ویب کے شیدائی
محفل کی شمع کے پروانے

بہت خوب!

 

[مریم افتخار]

ابن سعید بھیا کے لیے:

نرم دمِ گفتگو، گرم دمِ جستجو
رزم ہو یا بزم ہو، پاک دل و پاکباز

 

[مریم افتخار]

جاسمن بجو کے لیے:
تو غزل اوڑھ کے نکلے یا دھنک اوٹ چھپے
لوگ جس روپ میں دیکھیں تجھے پہچانتے ہیں

یار تو یار ہیں اغیار بھی اب محفل میں
مَیں تیرا ذکر نہ چھیڑوں تو برا مانتے ہیں

 

[محمد وارث]

آپ کی طرف سے شعر آیا، خوشی آئی!
مگر خاصا ان فٹ ہے، ورک آؤٹ کروا کے وزن کم کروائیں اس کا!

اب اتنی بھی کیا گرفت۔ چاند والی بے وزنی کیفیت تو آج کل دنیا کی ہر محفل میں اچھلتی کودتی پھر رہی ہے اسے بھی اسی کھاتے میں ڈال دیں!

 

[مریم افتخار]

محمد تابش صدیقی بھائی کے لیے:

جبیں پر سادگی نیچی نگاہیں بات میں نرمی
مخاطب کون کر سکتا ہے تم کو لفظ تابش سے

سرگوشی

یہاں تابش سے مراد چکاچوند لیا جائے.

 

[مریم افتخار]

عرفان سعید بھائی کے لیے:

لڑائی ظلمتِ شب سے ہے جاری
سرِ بام اک دیا رکھے ہوئے ہیں

کسی کے رنگ میں ڈھلتے نہیں ہیں
ہم اپنی کیمیا رکھے ہوئے ہیں

ہمیں تفہیمِ دنیا کے معمے
خلا اندر خلا رکھے ہوئے ہیں

 

[مریم افتخار]

یاز صاحب کے لیے:

وقت کی ناؤ کے ناخدا ہم نہ تھے
رہ گئی جی ہی میں جی کی ٹھانی ہوئی

مفت پائی نہیں دولتِ بےخودی
کوچے کوچے کی ہے خاک چھانی ہوئی

 

[مریم افتخار]

La Alma بہنا کے لیے:

سکوت شہر سخن میں وہ پھول سا لہجہ
سماعتوں کی فضا خواب خواب کر دے گا

 

[نایاب]

محترم جاسمن بٹیا کے لیئے
سچی ہیں جس کی محبتیں سچی ہیں جس کی چاہتیں
سچے ہیں جس کے پیار کے جذبات ماں ہی تو ہے


میری سب بہنوں بیٹیوں کے نام ڈھیروں دعاؤں کے ہمراہ
بہت دعائیں

 

[ام اویس]

کچھ لوگ میری دنیا میں خوشبو کی طرح ہیں
محسوس تو ہوتے ہیں دکھائی نہیں دیتے

 

[عرفان سعید]

عرفان سعید بھائی کے لیے:

لڑائی ظلمتِ شب سے ہے جاری
سرِ بام اک دیا رکھے ہوئے ہیں

کسی کے رنگ میں ڈھلتے نہیں ہیں
ہم اپنی کیمیا رکھے ہوئے ہیں

ہمیں تفہیمِ دنیا کے معمے
خلا اندر خلا رکھے ہوئے ہیں

بہت خوب!

 

[ام اویس]

مریم افتخار کے لیے

رنگ پیراہن کا خُوشبو زلف لہرانے کا نام
موسمِ گُل ہے تمہارے بام (محفل ) پر آنے کا نام

 

[ام اویس]

جاسمن جی کے لیے

جن کے کردار سے آتی ہو صداقت کی مہک
ان کی تدریس سے پتھر بھی پگھل سکتے ہیں

 

[مریم افتخار]

اور لاسٹ بٹ ناٹ دا لیسٹ:

محمد امین صدیق بھیا کے لیے شعر کہنے کو بہت جی چاہ رہا ہے لیکن کوئی ذرا سا بھی مطابقت(مشکل اردو) والا مل کے ہی نہیں دے رہا.
وہ محض رحمت و رافت کہ بہرِ اہل جہاں
ذہن میں آتا ہے مگر شعر مکمل نہیں ہونے دیتا. محفلین سے درخواست ہے کہ ہمارے امین بھیا کے لیے ہماری جانب سے شعر ڈھونڈنے میں ہماری مدد کیجیے.

 

[فاخر رضا]

روٹھے ہوئے محفلین کے لئے

گلوں میں رنگ بھرے باد نو بہار چلے
چلے جو آؤ تو چرسی کا کاروبار چلے

 

[فاخر رضا]

کچھ لوگ انتظار میں ہیں کہ کبھی تو کہے گا
روٹھے ہو تم تم کو کیسے مناؤں پیا

 

[جاسمن]

جاسمن بجو کے لیے:
تو غزل اوڑھ کے نکلے یا دھنک اوٹ چھپے
لوگ جس روپ میں دیکھیں تجھے پہچانتے ہیں

یار تو یار ہیں اغیار بھی اب محفل میں
مَیں تیرا ذکر نہ چھیڑوں تو برا مانتے ہیں

ہائے اللہ!

 

[محمد تابش صدیقی]

محفل پر موجود اساتذہ کے لیے۔ چاہے وہ محفل کے اساتذہ ہوں یا کسی تعلیمی ادارے میں۔

کتنی محبتوں سے پہلا سبق پڑھایا
میں کچھ نہ جانتا تھا، سب کچھ مجھے سکھایا
اَن پڑھ تھا اور جاہل ، قابل مجھے بنایا
دنیا ئے علم و دانش کا راستہ دکھایا
اے دوستو ملیں تو بس ایک پیام کہنا
استادِ محترم کو میرا سلام کہنا​

 

[نبیل]

گزشتہ سالوں میں محفلین کے لیے اشعار کے سلسلوں کے روابط ڈھونڈے تو یہ روابط ملے:

دوسری سالگرہ - اراکین اشعار کے آئینے میں
آٹھویں سالگرہ - محفلین اشعار کے آئینے میں

ان دھاگوں میں اکثر تصاویر غائب ہو چکی ہیں۔