ساغر صدیقی محبت کے مزاروں تک چلیں گے - ساغر صدیقی

[کاشفی]

غزل
(ساغر صدیقی)

محبت کے مزاروں تک چلیں گے
ذرا پی لیں! ستاروں تک چلیں گے

سنا ہے یہ بھی رسم عاشقی ہے
ہم اپنے غمگساروں تک چلیں گے

چلو تم بھی! سفر اچھا رہے گا
ذرا اجڑے دیاروں تک چلیں گے

جنوں کی وادیوں سے پھول چن لو
وفا کی یادگاروں تک چلیں گے

حسین زلفوں کے پرچم کھول دیجیے
مہکتے لالہ زاروں تک چلیں گے

چلو ساغر کے نغمے ساتھ لے کر
چھلکتی جوئے باراں تک چلیں گے​

 

[فرخ منظور]

واہ خوبصورت غزل ہے! شکریہ کاشفی صاحب!

 

[کاشفی]

واہ خوبصورت غزل ہے! شکریہ کاشفی صاحب!

شکریہ سخنور صاحب! جیتے رہیں۔

 

[امجد میانداد]

ذرا پی لیں! ستاروں تک چلیں گے

کیا بات ہے ساغر کی، شکریہ کاشفی یہ میری فیورٹس میں سے ہے۔

 

[کیفی]

غزل
(ساغر صدیقی)

محبت کے مزاروں تک چلیں گے
ذرا پی لیں! ستاروں تک چلیں گے

سنا ہے یہ بھی رسم عاشقی ہے
ہم اپنے غمگساروں تک چلیں گے

چلو تم بھی! سفر اچھا رہے گا
ذرا اجڑے دیاروں تک چلیں گے

جنوں کی وادیوں سے پھول چن لو
وفا کی یادگاروں تک چلیں گے

حسین زلفوں کے پرچم کھول دیجیے
مہکتے لالہ زاروں تک چلیں گے

چلو ساغر کے نغمے ساتھ لے کر
چھلکتی جوئے باراں تک چلیں گے​

عمدہ انتخاب

 

[فرحان محمد خان]

سنا ہے یہ بھی رسم عاشقی ہے
ہم اپنے غمگساروں تک چلیں گے
واہ واہ