مبارک آنسو (نعتیہ کلام)

محمد اسامہ سَرسَری نے 'حمد، نعت، مدحت و منقبت' کی ذیل میں اس موضوع کا آغاز کیا، ‏فروری 24, 2013

  1. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    یہ نعت میں نے دس سال پہلے لکھی تھی، مستند کتب دیکھ کر، باتیں تو الحمدللہ سب مستند ہیں، مگر کچھ فنی خرابیاں ہیں، اگر کوئی ہمدرد صاحب اصلاح کرنا چاہے تو مجھے بذریعہ مکالمہ اغلاط پر متنبہ کردے۔​
    نہ آبِ حیواں ، نہ آبِ احمر۔۔۔نہ آبِ زمزم ، نہ آبِ کوثر​
    کوئی نہ اس دم سنبھل رہا تھا۔۔۔نبی{ﷺ} کے آنسو نکل رہے تھے​
    ”وَاِنْ تُعَذِّبُ“ کی پوری آیت۔۔۔زباں پہ شب بھر رہی تلاوت​
    یہ خوف دل کو کچل رہا تھا۔۔۔نبی{ﷺ} کے آنسو نکل رہے تھے​
    خدا نے پاس اپنے جب بلایا۔۔۔وہ ماریہؓ کے جگر کا ٹکڑا​
    دلِ منور پگھل رہا تھا۔۔۔نبی{ﷺ} کے آنسو نکل رہے تھے​
    کسی یہودی کا اک جنازہ۔۔۔نبی{ﷺ} کے جب سامنے سے گزرا​
    جنازہ جوں جوں نکل رہا تھا۔۔۔نبی{ﷺ} کے آنسو نکل رہے تھے​
    قریش نے بوبکرؓ کو مارا۔۔۔نبی{ﷺ} نے روکر گلے لگایا​
    ابوبکرؓ بھی مچل رہا تھا۔۔۔نبی{ﷺ} کے آنسو نکل رہے تھے​
    ہوئے جو حمزہؓ کے ٹکڑے ٹکڑے۔۔۔رسول{ﷺ} بھی ہچکیوں سے روئے​
    بھتیجا اندر سے جل رہا تھا۔۔۔نبی{ﷺ} کے آنسو نکل رہے تھے​
    جنابِ مصعب کی پچھلی عشرت۔۔۔بتا رہے تھے نبیِ رحمت{ﷺ}​
    زباں پہ قصہ بھی چل رہا تھا۔۔۔نبی{ﷺ} کے آنسو نکل رہے تھے​
    کی چوری اک بندۂ خدا نے۔۔۔تو ہاتھ آقا{ﷺ} نے اس کے کاٹے​
    لہو جب اس کا نکل رہا تھا۔۔۔نبی{ﷺ} کے آنسو نکل رہے تھے​
    تھا ان{ﷺ} کا بے قابو جب کلیجا۔۔۔خدا نے نصرت کا وعدہ بھیجا​
    بدر کا منظر بدل رہا تھا۔۔۔نبی{ﷺ} کے آنسو نکل رہے تھے​
    ہے تو جس امت میں اے اساؔمہ!۔۔۔نبی{ﷺ} کو اسکے ہی غم نے کھایا​
    وہ غم نبی{ﷺ} سے نہ ٹل رہا تھا۔۔۔نبی{ﷺ} کے آنسو نکل رہے تھے​
     
    • زبردست زبردست × 7
    • پسندیدہ پسندیدہ × 5
  2. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
  3. سید زبیر

    سید زبیر محفلین

    مراسلے:
    4,362
    جھنڈا:
    Pakistan
    موڈ:
    Dunce
    ماشا اللہ ،بہت خوبصورت انداز کلام
    ہے تو جس امت میں اے اساؔمہ!۔۔۔ نبی{ﷺ} کو اسکے ہی غم نے کھایا
    وہ غم نبی{ﷺ} سے نہ ٹل رہا تھا۔۔۔ نبی{ﷺ} کے آنسو نکل رہے تھے
    جزاک اللہ
     
    • پسندیدہ پسندیدہ × 1
    • متفق متفق × 1
  4. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    بہت شکریہ بھائی حوصلہ افزائی کا۔
     
  5. فاتح

    فاتح لائبریرین

    مراسلے:
    15,751
    جھنڈا:
    Pakistan
    موڈ:
    Hungover
    کیا خوب نعت لکھی ہے۔ واہ
     
    • پسندیدہ پسندیدہ × 1
  6. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    بھائی حوصلہ افزائی کا بہت بہت بہت بہت شکریہ۔ اللہ آپ کو ہمیشہ خوش رکھے۔
     
    • دوستانہ دوستانہ × 1
  7. محمد یعقوب آسی

    محمد یعقوب آسی محفلین

    مراسلے:
    6,818
    جھنڈا:
    Pakistan
    موڈ:
    Buzzed
    محمد اسامہ سَرسَری صاحب۔
    سب سے پہلے تو مبارک ہو، کہ نعتِ نبی (صلی اللہ علیہ وسلم) اللہ کی خاص توفیق سے ہوا کرتی ہے۔
    فنیات اور زبان کے کچھ معاملات البتہ ہیں۔
     
    • پسندیدہ پسندیدہ × 1
    • متفق متفق × 1
  8. محمد یعقوب آسی

    محمد یعقوب آسی محفلین

    مراسلے:
    6,818
    جھنڈا:
    Pakistan
    موڈ:
    Buzzed
    ’’اگر تو عذاب دیتا ہے تو وہ بندے تو تیرے ہی ہیں‘‘ ۔۔ اللہ اکبر۔
    تُعَذِّبُ ۔۔۔ لکھا درست ہے، مگر یہاں ویسے پڑھا نہیں جا رہا۔ مجھے ذال پر دال کا شبہ ہوا تھا۔ اتنے حصے کا فانٹ بدلا جا سکے تو بہتر ہو گا۔
     
    • پسندیدہ پسندیدہ × 1
  9. محمداحمد

    محمداحمد لائبریرین

    مراسلے:
    22,176
    جھنڈا:
    Pakistan
    موڈ:
    Amazed
    سبحان اللہ ۔۔۔!

    اور ماشاءاللہ
     
    • پسندیدہ پسندیدہ × 1
  10. محمد یعقوب آسی

    محمد یعقوب آسی محفلین

    مراسلے:
    6,818
    جھنڈا:
    Pakistan
    موڈ:
    Buzzed
    جہاں تک مجھے علم ہے سیدنا ابو بکر رضی اللہ عنہ کے نام میں کاف مجزوم ہے۔ ’’بَ کْ ر‘‘، کسی معتبر کتاب سے دیکھ لیجئے گا۔

    ہیں کرنیں ایک ہی مِشعل کی، بو بکر و عمر عثمان و علی​
    ہم مرتبہ ہیں یارانِ نبی کچھ فرق نہیں ان چاروں میں​
    ۔۔ رضی اللہ عنہم ۔۔ صلی اللہ علیہ وسلم ۔۔

    تاہم مسئلہ یہاں بھی ہے۔ عُمر (میم مجزوم کے ساتھ) کئی مقامات پر پڑھا ہے۔ عُ مْ ر ۔۔
    اسی لئے کہا کہ کسی معتبر کتاب سے دیکھ لیجئے گا۔ علمائے حدیث نے جناب امام بخاری رحمہ اللہ کی لغت کو بالاعتبار درست مانا ہے۔
     
    • متفق متفق × 1
  11. محمد یعقوب آسی

    محمد یعقوب آسی محفلین

    مراسلے:
    6,818
    جھنڈا:
    Pakistan
    موڈ:
    Buzzed
    ’’مارا‘‘ اور ’’پیٹا‘‘ کے معانی میں فرق ہے۔ ’’مارا‘‘ پر ’’جان سے مار دیا‘‘ کا گمان ہو سکتا ہے۔ دیکھ لیجئے گا۔
     
    • متفق متفق × 1
  12. محمد یعقوب آسی

    محمد یعقوب آسی محفلین

    مراسلے:
    6,818
    جھنڈا:
    Pakistan
    موڈ:
    Buzzed
    ہچکیوں میں ۔۔ یا ۔۔ ہچکیوں سے ۔۔۔ کسی اہلِ زبان کی رائے لے لیجئے تو بہتر ہے۔
     
  13. محمد یعقوب آسی

    محمد یعقوب آسی محفلین

    مراسلے:
    6,818
    جھنڈا:
    Pakistan
    موڈ:
    Buzzed
    درست املاء ’’بدر‘‘ (دال مجزوم کے ساتھ)، یہ تو قرآن شریف سے ثابت ہے۔ اور لغت بھی اس کے تابع ہے۔
    توجہ فرمائیے گا۔
     
    • متفق متفق × 2
  14. محمد یعقوب آسی

    محمد یعقوب آسی محفلین

    مراسلے:
    6,818
    جھنڈا:
    Pakistan
    موڈ:
    Buzzed
    اللہ کریم توفیقِ مزید سے نوازے ۔

    دیکھئے میری خواہش یہ ہوتی ہے کہ خاص طور پر حمد ہو یا نعت ہو۔ یہاں ثناء کس کی بیان ہو رہی ہے! اللہ جل جلالہٗ اور محمد الرسول اللہ صلی اللہ علیہ وسلم کی! ۔۔۔ یہاں تو اپنی ساری صلاحیتوں کا عطر پیش کرنا ہے! فکری، نظری، قلبی، لسانی؛ ہر سطح پر وہاں پہنچ کر بات کرنی ہے کہ اپنے لکھے پر پیار آئے!

    آپ میری بات کا مدعا سمجھ رہے ہیں نا؟ و ما توفیقی الا باللہ۔

    محمد اسامہ سَرسَری صاحب۔
     
    • پسندیدہ پسندیدہ × 1
  15. محمد یعقوب آسی

    محمد یعقوب آسی محفلین

    مراسلے:
    6,818
    جھنڈا:
    Pakistan
    موڈ:
    Buzzed
    مفاعلاتن، مفاعلاتن، مفاعلاتن، مفاعلاتن ۔۔۔ بحرِ مرغوب (پروفیسر حبیب اللہ خان غضنفر امروہوی ’’اردو کا عروض‘‘)
    ۔۔۔۔۔۔۔۔۔۔۔
     
    • معلوماتی معلوماتی × 1
  16. مہ جبین

    مہ جبین محفلین

    مراسلے:
    6,246
    جھنڈا:
    Pakistan
    موڈ:
    Relaxed
    کسی یہودی کا اک جنازہ۔۔۔ نبی{ﷺ} کے جب سامنے سے گزرا
    جنازہ جوں جوں نکل رہا تھا۔۔۔ نبی{ﷺ} کے آنسو نکل رہے تھے
    کی چوری اک بندۂ خدا نے۔۔۔ تو ہاتھ آقا{ﷺ} نے اس کے کاٹے
    لہو جب اس کا نکل رہا تھا۔۔۔ نبی{ﷺ} کے آنسو نکل رہے تھے
    میں محترم محمد یعقوب آسی صاحب اور محمد اسامہ سَرسَری صاحب سے ایک سوال اپنی کم علمی کے سبب کرنا چاہ رہی ہوں ، کیا یہ دونوں واقعات درست ہیں؟
    میں صرف علم کی تشنگی کی خاطر یہ سوال کر رہی ہوں اعتراض کرنا مقصود نہیں ، براہِ مہربانی ان واقعات کی صحت کے متعلق کچھ ارشاد فرمائیں، نوازش ہوگی۔
    ویسے نعتِ پاک بہترین ہے ماشاءاللہ
     
    • پسندیدہ پسندیدہ × 2
    • متفق متفق × 1
  17. محمد یعقوب آسی

    محمد یعقوب آسی محفلین

    مراسلے:
    6,818
    جھنڈا:
    Pakistan
    موڈ:
    Buzzed
    سند کے حوالے سے آپ کے اعتماد پر اعتماد کیا ہے۔
    یہ گزارشات مکالمے کی بجائے یہاں لکھنے کی ایک وجہ تو یہ رہی کہ میری نظر الفاظ ’’بذریعہ مکالمہ‘‘ سے چوک گئی۔ اور دوسری وجہ؟ کہ معاملہ نعت کا ہے، سو بہتر ہے کہ میرا کہا دوسرے احباب بھی دیکھ لیں اور اگر کہیں مجھ سے فروگزاشت ہو گئی ہے تو مجھے بھی علم ہو جائے۔

    ۔۔۔
     
    • پسندیدہ پسندیدہ × 1
  18. محمد یعقوب آسی

    محمد یعقوب آسی محفلین

    مراسلے:
    6,818
    جھنڈا:
    Pakistan
    موڈ:
    Buzzed
    محترمہ مہ جبین کا سوال اہم ہے۔

    صاحبِ کلام کا کہنا ہے کہ
    مجھے اس قدر باریکی سے معلومات حاصل نہیں ہے۔ اسی لئے عرض کر دیا کہ
    وہ ضرور وضاحت فرمائیں گے! اور یہ اُن پر لازم بھی ہو جاتا ہے۔
     
    • پسندیدہ پسندیدہ × 1
    • متفق متفق × 1
  19. عبدالقدوس راشد

    عبدالقدوس راشد محفلین

    مراسلے:
    487
    جھنڈا:
    Pakistan
    موڈ:
    Breezy
    ماشاءاللہ بہت خوبصورت
    محبت رسول صلی اللہ علیہ وسلم میں ڈوب کر لکھی گئی نعت
     
    • پسندیدہ پسندیدہ × 1
  20. نیلم

    نیلم محفلین

    مراسلے:
    11,419
    جھنڈا:
    England
    موڈ:
    Lurking
    سبحان اللہ
     
    • پسندیدہ پسندیدہ × 1

اس صفحے کی تشہیر