طارق شاہ
محفلین
غزل
شفیق خلشؔ
غم نہیں اِس کا ہم مَرے ہی جیئے
مُطمئن اِس پہ ہیں کھرے ہی جیئے
اُن سے اِظہار سے ڈرے ہی جیئے
اب کِیا، اب کِیا کرے ہی جیئے
عُمر بھر وصل کی اُمید پہ سر
اُن کی دہلیز پر دَھرے ہی جیئے
ہم وہ ممنُونِ خوش تخیّل ہیں
اُن کو بانہوں میں جو بَھرے ہی جیئے
کب سپاٹ اُن کا تھا چَلن مجھ سے
ساتھ میرے وہ کُھردَرے ہی جیئے
سوچ کر خوف سے نجات مِلی!
کیا گرفت اپنی جب مَرے ہی جیئے
درسِ عِبرت ہو شخصیّت اُس کی
نفرتیں خود میں جو بَھرے ہی جیئے
کیا غَرِیب الوَطن کا عُذر ، کہ جب
ہم وَطن میں بھی یُوں مَرے ہی جیئے
یاد کب کم رہی وہ تکیۂ زِیست
جس پہ سر اپنا ہم دَھرے ہی جیئے
مد میں تھا ہجر کا وہ اِستِحصال
خواہشِ قُرب میں مَرے ہی جیئے
تہہ چڑھی یُوں خلِشؔ پہ اُلفت کی!
زرد موسم میں بھی ہَرے ہی جیئے
لاکھ سمجھانے پر بھی سب کے، خلِشؔ
عِشق میں اُن کی سر پِِھرے ہی جیئے
شفیق خلشؔ
شفیق خلشؔ
غم نہیں اِس کا ہم مَرے ہی جیئے
مُطمئن اِس پہ ہیں کھرے ہی جیئے
اُن سے اِظہار سے ڈرے ہی جیئے
اب کِیا، اب کِیا کرے ہی جیئے
عُمر بھر وصل کی اُمید پہ سر
اُن کی دہلیز پر دَھرے ہی جیئے
ہم وہ ممنُونِ خوش تخیّل ہیں
اُن کو بانہوں میں جو بَھرے ہی جیئے
کب سپاٹ اُن کا تھا چَلن مجھ سے
ساتھ میرے وہ کُھردَرے ہی جیئے
سوچ کر خوف سے نجات مِلی!
کیا گرفت اپنی جب مَرے ہی جیئے
درسِ عِبرت ہو شخصیّت اُس کی
نفرتیں خود میں جو بَھرے ہی جیئے
کیا غَرِیب الوَطن کا عُذر ، کہ جب
ہم وَطن میں بھی یُوں مَرے ہی جیئے
یاد کب کم رہی وہ تکیۂ زِیست
جس پہ سر اپنا ہم دَھرے ہی جیئے
مد میں تھا ہجر کا وہ اِستِحصال
خواہشِ قُرب میں مَرے ہی جیئے
تہہ چڑھی یُوں خلِشؔ پہ اُلفت کی!
زرد موسم میں بھی ہَرے ہی جیئے
لاکھ سمجھانے پر بھی سب کے، خلِشؔ
عِشق میں اُن کی سر پِِھرے ہی جیئے
شفیق خلشؔ