غزل: کبھی آیت، کبھی تفسیر میں الجھے ہوئے ہیں ٭ رشید ندیم

محمد تابش صدیقی نے 'پسندیدہ کلام' کی ذیل میں اس موضوع کا آغاز کیا، ‏مارچ 22, 2021

  1. محمد تابش صدیقی

    محمد تابش صدیقی منتظم

    مراسلے:
    26,399
    جھنڈا:
    Pakistan
    موڈ:
    Breezy
    کبھی آیت، کبھی تفسیر میں الجھے ہوئے ہیں
    ہم ابھی اپنی اساطیر میں الجھے ہوئے ہیں

    کوئی آئینِ قدامت ہمیں گھیرے ہوئے ہے
    ہم پرانی کسی تحریر میں الجھے ہوئے ہیں

    تو کبھی مسجد و محراب سے باہر بھی نکل
    ہم ترے خواب کی تعبیر میں الجھے ہوئے ہیں

    زلفِ ایام سلجھتی ہی نہیں ہے ہم سے
    یوں تری زلفِ گرہ گیر میں الجھے ہوئے ہیں

    ہم زیاں کارِ ازل، دشمنِ فہم و تحقیق
    ہم ابھی شکوۂ تقدیر میں الجھے ہوئے ہیں

    ابھی باقی ہے یہاں کوئے ملامت کا طواف
    ہم ابھی تہمتِ تکفیر میں الجھے ہوئے ہیں

    کیسے ناکردہ گناہوں کی سزا ہے ہم کو
    جانے کس جرم کی تعزیر میں الجھے ہوئے ہیں

    کوئی صورت نہیں امکانِ رہائی کی ندیمؔ
    جانے کس حلقۂ زنجیر میں الجھے ہوئے ہیں

    ٭٭٭
    رشید ندیم
     
    • پسندیدہ پسندیدہ × 4
  2. سید عمران

    سید عمران محفلین

    مراسلے:
    15,310
    جھنڈا:
    Pakistan
  3. محمد تابش صدیقی

    محمد تابش صدیقی منتظم

    مراسلے:
    26,399
    جھنڈا:
    Pakistan
    موڈ:
    Breezy
    ؟؟؟
     
    • پر مزاح پر مزاح × 1
  4. سید عمران

    سید عمران محفلین

    مراسلے:
    15,310
    جھنڈا:
    Pakistan
    نجانے آپ ان اشعار کی کیا شرح کریں؟؟؟
     
    • پر مزاح پر مزاح × 1
  5. محمد تابش صدیقی

    محمد تابش صدیقی منتظم

    مراسلے:
    26,399
    جھنڈا:
    Pakistan
    موڈ:
    Breezy
    یہ پڑھنے والے کی صوابدید پر ہے کہ وہ شعر کی جو تشریح کر لے۔
    اور ضروری نہیں کہ تمام اشعار ہی پسندیدہ ہوں اور ان سے متفق بھی ہوا جائے۔ :)
     
    • دوستانہ دوستانہ × 1
  6. سید عمران

    سید عمران محفلین

    مراسلے:
    15,310
    جھنڈا:
    Pakistan
    اشعار کی پسندیدگی اور ہے اور ارسال کنندہ شخصیت کی اور!!!
    :):):)
     
    • دوستانہ دوستانہ × 1
  7. La Alma

    La Alma لائبریرین

    مراسلے:
    2,232
    حسب حال
     
    • پسندیدہ پسندیدہ × 1
  8. محمد تابش صدیقی

    محمد تابش صدیقی منتظم

    مراسلے:
    26,399
    جھنڈا:
    Pakistan
    موڈ:
    Breezy
    میں شخصیت سے واقف نہیں۔ :)
     
  9. سید عمران

    سید عمران محفلین

    مراسلے:
    15,310
    جھنڈا:
    Pakistan
    مگر ہم تو آپ کی شخصیت سے واقف ہیں!!!
    خیر اصل مدعا یہ ہے کہ جہاں تک ہم سمجھے شاعر قرآن فہمی سے الجھنے کی بات کررہا ہے اور قرآن کو آئینِ قدامت کہہ رہا ہے۔۔۔
    اگر ہم غلط سمجھے تو اصلاح کردیں!!!
     
    • دوستانہ دوستانہ × 1
  10. محمد تابش صدیقی

    محمد تابش صدیقی منتظم

    مراسلے:
    26,399
    جھنڈا:
    Pakistan
    موڈ:
    Breezy
    ہو سکتا ہے کہ واقعی شاعر کا وہی مفہوم ہے، جہاں تک آپ پہنچے۔ میں ذاتی طور پر یا یوں کہہ لیں کہ اپنے نظریہ کے مطابق اس شعر کا مخاطب ان لوگوں کو سمجھوں گا کہ جو قرآن کو سمجھ کر اس پر عمل کرنے کے بجائے اس میں لیت و لعل کرتے ہیں اور فلسفیانہ موشگافیوں کے ذریعہ اپنی مرضی کا مفہوم اخذ کرنا چاہتے ہیں۔ اب یہ ہرگز ضروری نہیں کہ شاعر نے بھی یہ شعر اسی مفہوم سے کہا ہو۔ :)
    البتہ دوسرا شعر میری پسند کے دائرہ سے باہر ہے۔ بس جب کوئی کلام پیش کرتا ہوں تو پوری غزل شعر کرنا ہی مناسب سمجھتاہوں۔ :)

    ہم تو فیض، جالب اور ساحر جیسے سرخ انقلابیوں کے اشعار بھی اسلامی انقلاب کے لیے پڑھا کرتے ہیں۔ :)
     
    • دوستانہ دوستانہ × 1
  11. سید عمران

    سید عمران محفلین

    مراسلے:
    15,310
    جھنڈا:
    Pakistan
    :thumbsup::thumbsup::thumbsup:
     
  12. سید عاطف علی

    سید عاطف علی لائبریرین

    مراسلے:
    11,959
    جھنڈا:
    SaudiArabia
    موڈ:
    Cheerful
    ویسے اردو میں اساطیر مونث ہے یا مذکر ؟
     
    • پسندیدہ پسندیدہ × 1
  13. محمد عدنان اکبری نقیبی

    محمد عدنان اکبری نقیبی لائبریرین

    مراسلے:
    19,077
    جھنڈا:
    Pakistan
    موڈ:
    Cheerful
    مزے دار ،
    بہت عمدہ
     
  14. فاخر رضا

    فاخر رضا محفلین

    مراسلے:
    3,443
    اس شعر کی تشریح شاعر نے اس طرح کی ہے
    محمد تابش صدیقی
     
    • پسندیدہ پسندیدہ × 2
  15. ظہیراحمدظہیر

    ظہیراحمدظہیر محفلین

    مراسلے:
    3,746
    جھنڈا:
    Pakistan
    موڈ:
    Busy
    اساطیرمؤنث ہے ، عاطف بھائی ۔
     
    • پسندیدہ پسندیدہ × 2
  16. سید عاطف علی

    سید عاطف علی لائبریرین

    مراسلے:
    11,959
    جھنڈا:
    SaudiArabia
    موڈ:
    Cheerful
    میں تو اسے اردو میں نہ جانے کیوں اسے مذکر سمجھتا تھا اب تک ۔ :)
    عربی میں تو خیر مونث ہی ہے ۔ ویسے کیا اس کی کوئی مثال ملے گی ؟ ۔ اس کا واحد صیغہ اسطورہ ہے شاید ۔بمعنی myth۔
    اچھا ہوا "جلد" ہی پتہ چل گیا ورنہ پطرس بخاری اور ظفر علی خان صاحبان کا واقعہ تازہ ہو جاتا ۔۔۔ :)
    پطرس بخاری ریڈیو اسٹیشن کے ڈائریکٹر تھے. ایک مرتبہ مولانا ظفر علی خان کو تقریر کے لیے بلایا,تقریر کی ریکاڈنگ کے بعد مولانا پطرس کے دفتر میں آ کر بیٹھ گئے.بات شروع کرنے کی غرض سے اچانک مولانا نے پوچھا
    " پطرس ! یہ تانپورے اور تنبورے میں کیا فرق ہوتا ہے ؟ "
    پطرس نے ایک لمحہ سوچا اور بولے " مولانا آپ کی عمر کیا ہو گی ؟
    اس پر مولانا گڑبڑا گئے اور بولے " بھئی ,یہی کو پچھتر سال ہو گی.
    پطرس کہنے لگے " مولانا جب آپ نے پچھتر سال یہ فرق جانے بغیر گزار دیے تو دو چار سال اور گزار لیجیے "
     
    • پر مزاح پر مزاح × 3
  17. ظہیراحمدظہیر

    ظہیراحمدظہیر محفلین

    مراسلے:
    3,746
    جھنڈا:
    Pakistan
    موڈ:
    Busy
    مثال تو کوئی یاد نہیں آرہی عاطف بھائی ۔ یہ مؤنث سماعی ہی ہے یعنی اسی طرح سنا ہے کہ ۔۔۔ اساطیر تھیں ۔ "اساطیر تھے" کبھی سماعت سے نہیں گزرا۔ نوراللغات اور فرہنگ آصفیہ میں تو اساطیر کا لفظ ہی موجود نہیں ہے ۔ البتہ فیروزاللغات میں ہے اور مولوی صاحب نے اسے مؤنث ہی لکھا ہے ۔ اس وقت کام پر ہوں اور آنلائن چیک کیا ہے۔ دیگر لغات گھر پر ہیں ۔ جا کر دیکھوں گا اور آپ کو نتیجے سے آگاہ کردوں گا ان شاء اللہ ۔
     
    آخری تدوین: ‏مارچ 22, 2021
    • پسندیدہ پسندیدہ × 2
  18. ظہیراحمدظہیر

    ظہیراحمدظہیر محفلین

    مراسلے:
    3,746
    جھنڈا:
    Pakistan
    موڈ:
    Busy
    عاطف بھائی ، پندرہ منٹ کی تحقیق کا خلاصہ یہ ہے کہ اساطیر کا لفظ فرہنگِ آصفیہ ، نوراللغات ، امیر مینائی کی امیراللغات اور شان الحق حقی کی فرہنگِ تلفظ میں موجود نہیں ہے۔ فیروزاللغات اور علمی لغت دونوں نے اسے مؤنث لکھا ہے ۔ فرہنگِ عامرہ اور مقتدرہ کی لغت کبیر میں یہ لفظ تو موجود ہے لیکن اس کی تجنیس کا کوئی ذکر نہیں ۔

    انٹر نیٹ پر تحقیق سے معلوم ہوا کہ گوپی چند نارنگ ، وزیر آغا ، ، قرۃ العین حیدر اور ن-م راشد جیسے معتبر مصنفین نے اساطیر کو مؤنث ہی استعمال کیا ہے ۔
     
    • پسندیدہ پسندیدہ × 2
    • زبردست زبردست × 1

اس صفحے کی تشہیر