نظر لکھنوی غزل: وہ چشمِ نم وہ قلب وہ سوزِ جگر کہاں٭ نظرؔ لکھنوی

محمد تابش صدیقی

محمد تابش صدیقی

منتظم
دادا مرحوم کی ایک غزل احباب کے ذوق کی نذر:

وہ چشمِ نم وہ قلب وہ سوزِ جگر کہاں
چلنے کو راہِ عشق میں رختِ سفر کہاں​

خالی صدف ہے نقدِ متاعِ گہر کہاں
آنکھیں ہی رہ گئی ہیں حیائے نظر کہاں​

بچتا ہے سنگ و خشت کی زد سے یہ سر کہاں
یہ کوئے عاشقی ہے تم آئے ادھر کہاں​

وہ گل وہ گلستاں وہ بہاریں وہ نغمگی
پہلی سی وہ لطافتِ شام و سحر کہاں​

سب بوالہوس ہیں حُسن رہے اب حجاب میں
سوءِ نظر تو عام ہے حُسنِ نظر کہاں​

اس دورِ پُر فتن میں نہیں دل سے دل کو راہ
ہم جنس ہیں پر اُنس ہے باہم دگر کہاں​

کب سے ہوں جستجو میں پہ ملتا نہیں سراغ
گم ہو کے رہ گئی ہے مری رہ گزر کہاں​

اس آستاں پہ بیٹھ گئے ہم تو اے نظرؔ
ہم کو نہیں دماغ پھریں در بدر کہاں
٭٭٭
محمد عبد الحمید صدیقی نظر لکھنوی​
 
اکمل زیدی

اکمل زیدی

محفلین
جواب دینے کے لیے داخل ہوں یا شمولیت اختیار کریں۔
Top