شکیل بدایونی غزل-دھندلی دھندلی فضا نہ صبح نہ شام -شکیل بدایونی

[پیاسا صحرا]

ٴغزل

دھندلی دھندلی فضا نہ صبح نہ شام
ہائے کم بخت زندگی کا نظام

دیدہ و دل ہیں خوگرِ آلام
تیرے قربان ساقیا اک جام

حسن کی چشمِ اولیں کی قسم
عشق نے پا لیا خود اپنا مقام

قفسِ مرگِ بے اماں کی قسم
زندگی ہے فریبِ دانہ و دام

آپ نے کس نظر سے دیکھا تھا
دل ابھی تک ہے موردِ الزام

شکیل بدایونی​

 

[فرخ منظور]

واہ! شکیل بدایونی کی بہت خوبصورت غزل ہے ۔ بہت شکریہ پیاسا صحرا

 

[کاشفی]

بہت خوب جناب۔

 

[پیاسا صحرا]

شکریہ سخنور, محمود احمد غزنوی اور کاشفی صاحب ۔