نظر لکھنوی غزل: دل میں یادِ صنم ارے توبہ ٭ نظرؔ لکھنوی

[محمد تابش صدیقی]

دل میں یادِ صنم ارے توبہ
کفر اور در حرم ارے توبہ

صبحِ خنداں کو دل ترستا ہے
ظلمتِ شامِ غم ارے توبہ

مے ہے ساقی ہے ابر ہے لیکن
توڑیں توبہ کو ہم ارے توبہ

زندگی کیا اسی کو کہتے ہیں
غم ہی غم، غم ہی غم ارے توبہ

بجھ نہ جائے چراغ یہ دیکھو
لو ہے ایماں کی کم ارے توبہ

دل کہ نازک سا آبگینہ ہے
اس پہ کوہِ الم ارے توبہ

زندگی کی نظرؔ مسافت کیا
بس یہی دو قدم ارے توبہ

محمد عبد الحمید صدیقی نظرؔ لکھنوی​

 

[ظہیراحمدظہیر]

دل میں یادِ صنم ارے توبہ​

کفر اور در حرم ارے توبہ​

​

واہ! کیا بات تھی اساتذہ کی !!!

 

[فاتح]

واہ واہ سبحان اللہ

 

[سید عاطف علی]

واہ واہ ۔۔سبحان اللہ