کاشفی

محفلین
غزل
(مخدوم محی الدین)
عشق کے شعلے کو بھڑکاؤ کہ کچھ رات کٹے
دل کے انگارے کو دہکاؤ کہ کچھ راٹ کٹے

ہجر میں ملنے شبِ ماہ کے غم آئے ہیں
چارہ سازوں کو بھی بلواؤ کہ کچھ رات کٹے

کوئی جلتا ہی نہیں، کوئی پگھلتا ہی نہیں
موم بن جاؤ پگھل جاؤ کہ کچھ رات کٹے

چشم و رخسار کے اذکار کو جاری رکھو
پیار کے نامہ کو دہراؤ کہ کچھ رات کٹے

آج ہوجانے دو ہر ایک کو بدمست و خراب
آج ایک ایک کو پلواؤ کہ کچھ رات کٹے

کوہِ غم اور گراں اور گراں اور گراں
غم زدو تیشے کو چمکاؤ کہ کچھ رات کٹے
 

کاشفی

محفلین
غزل
(مخدوم محی الدین)
عشق کے شعلے کو بھڑکاؤ کہ کچھ رات کٹے
دل کے انگارے کو دہکاؤ کہ کچھ راٹ کٹے


 

طارق شاہ

محفلین

آج ہوجانے دو ہر ایک کو بدمست و خراب
آج ایک ایک کو پلواؤ، کہ کچھ رات کٹے

کوہِ غم اور گراں اور گراں اور گراں
غم زدو ! تیشے کو چمکاؤ کہ کچھ رات کٹے


کیا کہنے :)
بہت ہی خُوب شیئرنگ :)
 
Top