سولھویں سالگرہ عالمی مشاعرہ 2021 بسلسلہ جشنِ یومِ تاسیس شانزدہم

[علی وقار]

بھائی بس ایک لنک پر کلک کرکے فارم میں اپنا نام لکھنا تھا ۔۔۔ کوئی لمبا چوڑا فارم بھی نہیں پر کرنے میں گھبراہٹ ہو۔ اس سے زیادہ کیا آسانی کی جائے؟

میری دانست میں اس فارم کے پُر کیے جانے کی خبر تو شاید اب تک محترم ظہیراحمدظہیر کو بھی نہ ہوئی ہو گی۔

 

[نور وجدان]

نور بٹیا ۔یہ کون ہیں انکے تو 2007 سے اب تک صفر کی خطیر تعداد میں قابل قدر مراسلے ہیں ۔

یہ عاطف ملک صاحب ہیں. ابھی جا کے بزم سخن پر نگاہ کی
اس کے علاوہ
محمد شکیل خورشید
میم الف
محمد احمد
نیرنگ خیال

بھی ہیں
..

 

[گُلِ یاسمیں]

نور بٹیا ۔یہ کون ہیں انکے تو 2007 سے اب تک صفر کی خطیر تعداد میں قابل قدر مراسلے ہیں ۔

جانتے ہوں گے کہ صفر لگائے بغیر 10 پورا نہیں ہوتا تو 100 اور اس سے اگلے والے کیسے پورے ہوں گے۔

 

[محمد ریحان قریشی]

اس بار کوشش ہوگی کہ شرکت کو یقینی بناؤں۔

 

[علی وقار]

اس بار کوشش ہوگی کہ شرکت کو یقینی بناؤں۔

لیجیے، ایک اور شاعر نے حامی بھر لی۔

 

[محمد تابش صدیقی]

ایک مشورہ یہ ہے کہ جو مشاعرہ آخری دفعہ ہوا تھا، وہاں سے شعراء کے نام لے کر اور اس کے بعد آنے والے معلوم شعراء کو ذاتی مکالمہ بھیجا جائے دعوت نامہ کی صورت میں۔
بہت سے شعراء غیر فعال یا کم فعال ہیں، تو انھوں نے یہ لڑی ہو سکتا ہے کہ نہ دیکھی ہو۔
مکالمہ کی وجہ سے ان میں سے اکثر تک اطلاع پہنچ جائے گی۔

اپنا نام خود پیش کرتے لوگ شرماتے ہیں۔ آپ بلائیں گے تو انکار کرنے والے کم ہی ہوں گے۔

 

[محمد احسن سمیع راحلؔ]

ایک مشورہ یہ ہے کہ جو مشاعرہ آخری دفعہ ہوا تھا، وہاں سے شعراء کے نام لے کر اور اس کے بعد آنے والے معلوم شعراء کو ذاتی مکالمہ بھیجا جائے دعوت نامہ کی صورت میں۔
بہت سے شعراء غیر فعال یا کم فعال ہیں، تو انھوں نے یہ لڑی ہو سکتا ہے کہ نہ دیکھی ہو۔
مکالمہ کی وجہ سے ان میں سے اکثر تک اطلاع پہنچ جائے گی۔

اپنا نام خود پیش کرتے لوگ شرماتے ہیں۔ آپ بلائیں گے تو انکار کرنے والے کم ہی ہوں گے۔

چلیں، آپ کے کہنے پر یہ بھی کر دیکھ لیتے ہیں
یہ نسخہ بھی کارگر نہ گیا تو پھر ہماری طرف سے الوداع

 

[محمد شکیل خورشید]

جی میں بھی حاضر ہوں
شام تک فارم بھی پر کردوں گا
واقعی نور وجدان صاحبہ کے ٹیگ کرنے پرہی یہاں پہنچ پایا

 

[سید عاطف علی]

یہ عاطف ملک صاحب ہیں. ابھی جا کے بزم سخن پر نگاہ کی

اچھا اچھا ! یہ عاطف ملک تو ہمارے بھی دوست ہیں بھئی ۔

 

[محمد احسن سمیع راحلؔ]

سو حسبِ حکم مکرمی تابش بھائی، دو درجن کے قریب محفلین کو دعوت نامہ ارسال کر دیا گیا ہے۔
ع۔ دیکھیں کیا گزرے ہے قطرے پہ گہر ہونے تک

 

[وسیم]

سو حسبِ حکم مکرمی تابش بھائی، دو درجن کے قریب محفلین کو دعوت نامہ ارسال کر دیا گیا ہے۔
ع۔ دیکھیں کیا گزرے ہے قطرے پہ گہر ہونے تک

یہ نصف صدی کا قصہ ہے دو چار برس کی بات نہیں

 

[محمد ریحان قریشی]

عباد اللہ اور منذر رضا اگر شرکت فرمائیں تو مشاعرے کو چار چاند لگ جائیں گے۔

 

[محمد احسن سمیع راحلؔ]

عباد اللہ اور منذر رضا اگر شرکت فرمائیں تو مشاعرے کو چار چاند لگ جائیں گے۔

عباد اللہ سے تو میں واقف نہیں ۔۔۔ منذر کو تو زمانہ ہوا شریک محفل دیکھے۔ اگر آپ کا محفل سے باہر ان سے رابطہ ہے تو ضرور مدعو کیجیے۔

 

[ظہیراحمدظہیر]

حاضر جناب!
راحل بھائی، آپ سے کئی دن پہلے اس سلسلے میں بات ہو ہی چکی ہے ۔ مشاعرے کے لئے جب آپ حکم کریں بندہ حاضر ہے ۔

 

[محمد احسن سمیع راحلؔ]

حاضر جناب!
راحل بھائی، آپ سے کئی دن پہلے اس سلسلے میں بات ہو ہی چکی ہے ۔ مشاعرے کے لئے جب آپ حکم کریں بندہ حاضر ہے ۔

واللہ میں نے ٹیگ نہیں کیا

سرگوشی

اور نہ ٹیگ کرنے کو کہا

 

[جاسمن]

ایک ہو گئے آپ، ایک ہو گئے ظہیر بھائی، پھر تابش بھائی، اور خلیل بھائی تو ہیں ہی۔ چار تو آپ ہی ہو گئے۔ بس چھ اور شاعر ڈھونڈ لیتے ہیں۔ اس میں کیا مشکل ہے؟ ارے ہاں، ریحان قریشی صاحب اور شکیل صاحب بھی تو ہیں۔ داد دینے کے لیے تو ہم ہیں ہی۔

محمد احمد

 

[جاسمن]

سو حسبِ حکم مکرمی تابش بھائی، دو درجن کے قریب محفلین کو دعوت نامہ ارسال کر دیا گیا ہے۔
ع۔ دیکھیں کیا گزرے ہے قطرے پہ گہر ہونے تک

مجھے تو نہیں ملا۔

 

[الف عین]

آج کل کے اصلاح سخن کے شعرا بھی تو فعال ہیں محفل میں
اشرف علی مقبول فاخر طالش طور
اس کے علاوہ جو نام یاد آ رہے ہیں
عظیم
عرفان علوی
رشید حسرت
امین شارق اگر وہ اصلاح کے بعد غزل پیش کر سکیں۔

 

[محمل ابراہیم]

السلام علیکم

اہل لڑی! کہوں یا اہلِ بزم!

کس طرح کے فارم کو فل کرنے کی بات ہو رہی مجھے سمجھ نہیں آ رہا۔ برائے مہربانی کوئی سمجھائے مجھے

 

[محمد احسن سمیع راحلؔ]

آج کل کے اصلاح سخن کے شعرا بھی تو فعال ہیں محفل میں
اشرف علی مقبول فاخر طالش طور
اس کے علاوہ جو نام یاد آ رہے ہیں
عظیم
عرفان علوی
رشید حسرت
امین شارق اگر وہ اصلاح کے بعد غزل پیش کر سکیں۔

تقریبا تمام ہی فعال شعرا کو دعوت نامہ ارسال کر دیا گیا ہے استاد محترم. تاہم ابھی تک معاملہ ڈانواں ڈول ہی دکھائی دے رہا ہے. جوں ہی کوئی حتمی ترتیب بنی، ان شاء اللہ آپ کو مسند صدارت سنبھالنے کی زحمت دی جائے گی. آپ کے سایہ شفقت کے بغیر یہ ممکن نہ ہوگا.