ط سے طوطا یا ت سے توتا

ہم بچپن سے سنتے اور پڑھتے آئے ہیں کہ ط سے طوطا ہوتا ہے
لیکن آفتاب اقبال نے اپنے پروگرام خبرزار (آپ چینل) کے سیکشن فرنگِ آصفیہ میں نیا شوشہ چھوڑ دیا کہ ط سے طوطا نہیں بلکہ ت سے توتا ہوتا ہے

اردو محفل پر موجود اردودان و ماہرینِ اردو رہنمائی فرمائیں

 

ت سے توتا درست ہے۔

 

طوطا اصل میں ت سے ہی ہوتا ہے؛ تاہم، اُردو میں اب ایسے ہی رائج ہو گیا ہے اس لیے اسے غلط تصور نہیں کیا جاتا ہے۔ بقول شخصے، طوطا بھلے ت سے ہو، ہم اسے ط سے لکھیں گے کیونکہ طوطے کی ناک بھی تو ط جیسی ہے۔ دراصل، توتا کو ت سے تسلیم نہیں کیا گیا اور اب طوطا، ط سے لکھنے کا ہی چلن ہے۔ آفتاب صاحب درست فرماتے ہیں تاہم اُن کی سُنتا کون ہے!

 

فرقان بھائی
آج ہی آپ نے میری نظم پڑھی ہے
آپ کو اس کا حوالہ دینا چاہیے تھا

 

اس کا حوالہ تو آفتاب اقبال کو بھی دینا چاہیے تھا۔

 

توتا ت سے ہی ہوتا ہے۔ عرصہ قبل کسی گدھے نے بچوں کی درسی کتب میں اسے ط سے لکھا اور بچوں کے ذہنوں میں وہیں سے ط سے طوطا بیٹھ گیا۔ اب وہی بچے دو دو نسلیں گزار کر بوڑھے ہو گئے ہیں لیکن بچپن میں ان کے دماغوں میں ڈالی جانے یہ غلطی اب بھی چل رہی ہے۔

 

وہ "شخصے" مشتاق یوسفی تھے۔

 

ط کسی مقامی لفظ میں نہیں ہوتا کہ یہ درآمد شدہ حرف ہے۔ لیکن وقت کے ساتھ کئی الفاظ میں لوگوں نے ت کو ط کر دیا ہے

 

ڈکشنریوں میں تو ایسا بہت کچھ لکھا ہے جو صرف وہیں بولا یا لکھا جاتا ہے...
مثلاً قلفی کو قفلی!!!

 

جوش نے بھی یادوں کی برات میں شاید اسے توتا ہی کہا اور لکھا ہے مگر یوسفی صاحب بھی درست فرماتے ہیں۔ طوطا غلط العام ہے سو فصیح ہے!

 

کیا علم ہے کہ یہ کب ہوا؟ “طوطا” کا پہلا استعمال کس نے اور کب کیا؟

 

فاتح صاحب نے اس طرف اشارہ کیا ہے لیکن مجھے علم نہیں ہے۔ اغلب یہی ہے کہ کسی درسی کتاب کا شاخسانہ ہے جیسے درسی کتب میں بہت سے اشعار اور غزلیں غلط منسوب ہو گئی ہیں۔

 

اس کا کوئی سراغ نہ مل سکا۔ تاہم، یہاں ایک دلچسپ بحث موجود ہے۔

 

شاید کسی نے فارسی کے "طُوطی" سے متاثر ہو کر توتے کو بھی طوطا کر دیا ہو گا۔

 

چونکہ طوطی بولتا ہے تو "طوطا" بھی بول سکتا ہے!

 

90 کی دہائی کی درسی کتب میں طوطا ط سے ہے اور پوری اردو دنیا اب اسے ایسے ہی لکھتی ہے۔ غلط العام ہے بھی تو اب رائج العام ہو چکا ہے

 

ستر کی دہائی کے وسط میں جب میں "کچی" کا قاعدہ الف انار، ب بکری پڑتا تھا تو ت تختی اور ط طوطا ہی تھے۔

 

فارسی کے "طُوطی" کے کیا معنی ہیں؟

 

تو پھر مسئلہ ہی ختم ۔ سرکار نے خود اسے غلط العام بنایا ہے

 

توتا۔۔۔ دیگر معانی میں سے ایک