کل شب میں نے بھی فرہنگ آصفیہ سے رجوع کیا تھا، مجھے تو حیرت ہوئی کہ دہلوی صاحب نے کیوں غلط تلفظ کو لغت میں جگہ دی ... کیا کافر بالفتح فا فارسی سے اردو میں وارد ہوا؟ یا اہل ہند کی اختراع ہے؟ تعجب ویسے اساتذہ پر بھی ہوا کہ خواہ مخواہ ضرورت شعری کے نام پر غلط تلفظ کو دوام دیا، حالانکہ اساتذہ کا وظیفہ ہی عوام کی اغلاط کی درستی ہونا چاہیے ...
راحل بھائی ،
علی بھائی ، قافیہ معمولہ تو قافیے کی ایک قسم ہے اور قافیے کے اصولوں کے مطابق ہے ۔ بلکہ اکثر اس کو شعر کے محاسن میں شمار کیا جاتا ہے ۔اس میں کسی عروضی اصول کو نہیں توڑا گیا ۔ چنانچہ یہ ضرورت شعری کے ضمن میں نہیں آئے گا ۔ ضرورت شعری کی تعریف میں بنیادی بات یہ ہے کہ وہاں کسی اصول سے انحراف کیا گیا ہو ۔
عربی سے درست تلفظ اردو میں آیا تو ہے ... اور معروف بھی ہے ...پھر خواہ مخواہ اس میں بگاڑ پیدا کرنے کی کیا ضرورت رہی؟ کافر تو بفتح فا عام بول چال میں بھی کبھی بھلا نہیں لگتا ... یا یہ ہو کہ شروع سے ہی غلط تلفظ یا معنی رواج اس طور رواج پا گئے ہوں کہ اصل معنی یکسر فراموش ہو چکے ہوں تو کوئی بات بھی ہے ... جیسےلفظ صحن ہے، شاید کوئی اسے پلیٹ کے معنی میں استعمال کرتا ہو ... مگر لفظ کافر تو اردو میں قدیما درست تلفظ کے ساتھ رائج رہا ہے، پھر خواہ مخواہ ایک غلط تلفظ کو رواج دینے کا کیا جواز ہے؟ لسانیات کے اصول اپنی جگہ لیکن اہل زبان کی شعوری کوشش یہی ہونی چاہیے کہ کسی غیر زبان کے لفظ کو اپناتے ہوئے اس کے اصل تلفظ کی حتی الوسع رعایت رکھیں، جبکہ کوئی صوتیاتی مجبوری بھی نہ ہو.
ضرورت تو رہی ہو گی لیکن ضرورتِ شعری نہیں۔ شاید یہاں ہر فرقے کا اپنا اپناکافِر/ کافَر ہو۔
سب کا اپنا اپنا کافرہونہ ہو، کافِر پر سب متفق ہیں
راحل بھائی ، لگتا ہے کہ آج آپ کی طرف حیران کرنے کا دن منایا جارہا ہے .
میرا گلہ تو یہی ہے کہ غالب اور داغ کے پائے کے اساتذہ کو تو اس بات کا زیادہ التزام کرنا چاہیے تھا کہ تلفظ کی رعایت رکھتے ... یہ تو "کیچ 22" والی صورتحال ہو گئی ایک طرح سے ... خیر مجھے محسوس ہو رہا ہے کہ اب میں بحث برائے بحث کی طرف جارہا ہوں اس لیے اس قضیے کو یہیں تمام کرتا ہوں
راحل بھائی ، یقیناً آج آپ یومِ حیرانی منارہے ہیں۔میرا گلہ تو یہی ہے کہ غالب اور داغ کے پائے کے اساتذہ کو تو اس بات کا زیادہ التزام کرنا چاہیے تھا کہ تلفظ کی رعایت رکھتے ... یہ تو "کیچ 22" والی صورتحال ہو گئی ایک طرح سے ... خیر مجھے محسوس ہو رہا ہے کہ اب میں بحث برائے بحث کی طرف جارہا ہوں اس لیے اس قضیے کو یہیں تمام کرتا ہوں
جنابِ من! میں تو اپنے تئیں محض ریسرچر ٹائپ کا بندہ ہوں۔ کم از کم میری ذات سے آپ کو کوئی تکلیف نہ ہو گی۔ اس کی میں ضمانت دیتا ہوں۔ میں تو محض گفتگو کو آگے بڑھانے کے لیے کوئی نہ کوئی مراسلہ کر دیتا ہوں، اور بس۔
شکریہ ظہیر صاحب قبلہ، آپ کا قیمتی اور معلوماتی مراسلہ پڑھنے کے بعد بہت سی باتیں یاد آ گئیں۔
کافر اردو میں فارسی سے آیا ہے اور فارسی میں فتح کے ساتھ ہی رائج ہے،ہاں یہ ضرور ہے کہ فارسی کا فتح اردو سے مختلف ہے. عنصری کے اشعار دیکھیں جو کہ قدیم فارسی شعرا میں سے ہے:
اردو میں موسَم ہی درست ہے
اسی طرح اردو میں ف کی کسر کے ساتھ کافِر ہی درست ہے اگرچہ کافَر بھی بہت باندھا گیا ہے۔ والد مرحوم تو عام بول چال میں بھی کافَر، ف پر فتحہ کے ساتھ ہی بولتے تھے، اس بحث سے والد کی یاد آ گئی
ہم کافر کو بچپن سےفے کے زبر کے ساتھ استعمال کرتے رہے اور وہی ہمیں بھلا بھی لگتا رہا تا آنکہ ہماری زبان کو تعریب و تفریس کے ڈینٹ پڑ نے لگے ۔ اب ہمیں دونوں ہی بھلے لگنے لگے ہیں ۔
لسانیات میں الفاظ و اصوات کی تبدیلیاں انتظامی کم اور فطری و تدریجی نوعیت کی زیادہ ہوتی ہیں ۔ اس میں مجبوریوں اور مختاریوں والی بات صرف تب قابل اعتنا ہے جب آپ زبان میں کسی اصطلاح کو داخل کر رہے ہوں جیسے کوئی قانونی و فقہی اصطلاح وغیرہ ۔
صوتیاتی مجبوری سے میری مراد کسی مخصوص آواز کا دوسری زبان میں موجود نہ ہوناتھی ... جیسے عربی حروف ث، ض، ع وغیرہ کی منفرد آواز ہمارے یہاں نہیں ... لیکن حرکات کو بلا ضرورت اوپر نیچے کرنا مجھے توعجیب لگتا ہے ...
)
نہیں بھائی ۔ اس پر حیران نہیں بلکہ پریشان ہورہا ہوں کہ کہیں آپ نے بھی وہ "میں نہ مانوں" والی روش اپنانے کی تو نہیں ٹھان لی ۔جیسے آپ حضرات اشارہ کیا کہ زبان کا ارتقا ایک نہایت سست اور غیر محسوس عمل ہے ... سو اس بات کا تعین کرنا بھی متنازع ہو سکتا ہے کہ کافر بالفتح فا کو اساتذہ نے اس لیے استعمال کیا کہ اس وقت کے ثقہ اہل زبان اسے یوں ہی بولتے تھے ... یا پھر اہل زبان نے اساتذہ سے مرعوب ہو کر اس تلفظ کو اپنا لیا (اسی کو میں نے "گپچ بائیس" کہا تھا
ظہیر بھائی سے درخواست ہے کہ میرے اس اٹکل پر خدارا حیران مت ہوئیے گا
