1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $453.00
    اعلان ختم کریں

صحابیات کرام رضی اللہ عنہن نظم بہ نظم

محمد اسامہ سَرسَری نے 'حمد، نعت، مدحت و منقبت' کی ذیل میں اس موضوع کا آغاز کیا، ‏مارچ 6, 2014

  1. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    صحابیات کرام رضی اللہ عنہن کے مناقب پر مشتمل یہ نظمیں بندے نے بچوں کے ایک رسالے کے لیے لکھی ہیں ، اگر کسی صاحب کو ان میں کوئی بات فنی یا فکری لحاظ سے غلط محسوس ہو تو ضرور آگاہ کرے اور اصلاحی تجویز بھی دے تو اس کا احسان ہوگا۔

    فہرست
    1. اُم المؤمنین حضرت خدیجہ رضی اللہ عنہا
    2. اُم المؤمنین حضرت عائشہ رضی اللہ عنہا
    3. اُم المؤمنین حضرت زینب بنت خزیمہ رضی اللہ عنہا
    4. اُم المؤمنین حضرت سودہ رضی اللہ عنہا
    5. اُم المؤمنین حضرت حفصہ رضی اللہ عنہا
    6. اُم المؤمنین حضرت ام سلمہ رضی اللہ عنہا
    7. اُم المؤمنین حضرت زینب بنت جحش رضی اللہ عنہا
    8. اُم المؤمنین حضرت جویریہ رضی اللہ عنہا
    9. اُم المؤمنین حضرت ام حبیبہ رضی اللہ عنہا
    10. اُم المؤمنین حضرت میمونہ بنت حارث رضی اللہ عنہا
    11. اُم المؤمنین حضرت صفیہ رضی اللہ عنہا
    12. سیدہ حضرت زینب رضی اللہ عنہا بنت رسول اللہ صلی اللہ علیہ وسلم
    13. سیدہ حضرت رقیہ رضی اللہ عنہا بنت رسول اللہ صلی اللہ علیہ وسلم
    14. سیدہ حضرت ام کلثوم رضی اللہ عنہا بنت رسول اللہ صلی اللہ علیہ وسلم
    15. سیدہ حضرت فاطمہ زہراء رضی اللہ عنہا بنت رسول اللہ صلی اللہ علیہ وسلم
    16. حضرت ام رومان رضی اللہ عنہا
    17. حضرت فاطمہ بنت قیس رضی اللہ عنہا
    18. حضرت اسماء بنت عمیس رضی اللہ عنہا
    19. حضرت حبیبہ بنت ہاشم رضی اللہ عنہا
    20. حضرت خنساء بنت عمرو رضی اللہ عنہا
    21. حضرت ہند بنت عتبہ رضی اللہ عنہا
    22. حضرت ماریہ قبطیہ رضی اللہ عنہا
    23. حضرت ارویٰ بنت عبدالمطلب رضی اللہ عنہا
    24. حضرت ام ہانی بنت ابو طالب رضی اللہ عنہا
    25. حضرت فاطمہ بنت اسد رضی اللہ عنہا
    26. حضرت ام معبد رضی اللہ عنہا
    27. حضرت ام حکیم رضی اللہ عنہا
    28. حضرت صفیہ بنت عبدالمطلب رضی اللہ عنہا
    29. حضرت ام عمارہ رضی اللہ عنہا
    جاری ہے ۔ ۔ ۔
     
    آخری تدوین: ‏جنوری 16, 2016
    • زبردست زبردست × 8
    • پسندیدہ پسندیدہ × 3
  2. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    اُم المؤمنین حضرت خدیجہ رضی اللہ عنہا
    خدیجہ تھا نام اور لقب طاہرہ تھا
    تجارت کا ان کی بڑا دائرہ تھا

    بڑی شان والی تھیں حضرت خدیجہ
    سبھی سے نرالی تھیں حضرت خدیجہ

    محمد
    (صلی اللہ علیہ وسلم) کے شانہ بہ شانہ کھڑی تھیں
    محمد(صلی اللہ علیہ وسلم) سے پندرہ برس یہ بڑی تھیں

    فضیلت یہ حاصل ہوئی ہے انھی کو
    کہ ہمت کی کملی اُڑھائی نبی کو

    کل امت سے پہلے مسلماں ہوئیں یہ
    تو گویا ہماری بڑی ماں ہوئیں یہ

    کیا دین پر مال سارا ہی قرباں
    نچھاور کیے اپنے روح و دل و جاں

    ہیں یہ شعر ان کے لیے سَرسَرؔی سے
    جنھوں نے سنا ”زَمِّلُوْنِیْ
    نبی سے

    ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔

    اُم المؤمنین حضرت عائشہ رضی اللہ عنہا
    یہ ہیں تذکرے محترم عائشہ کے
    ہیں امت پہ بے حد کرم عائشہ کے

    سلام ان کو جبریل نے آکے بھیجا
    ہیں کیا کہنے رب کی قسم عائشہ کے

    کیا خود پہ بہتان برداشت انھوں نے
    پہاڑوں کے جیسے تھے غم عائشہ کے

    براءت میں آیات نازل ہوئیں جب
    ہوئے ختم رنج و الم عائشہ کے

    ہوئے ان کے حجرے میں مدفون آقا
    فضائل ہیں کیا یہ بھی کم عائشہ کے

    پسندیدہ اوصاف ہر دور ہی میں
    لکھے جارہے ہیں قلم عائشہ کے

    احادیث کا اک ذخیرہ دیا ہے
    ہیں ممنوں عرب اور عجم عائشہ کے

    مفسِّر ، محدِّث ، مدرِّس ، معلِّم
    ہر اک ہے قدم با قدم عائشہ کے

    ہیں صدیقہؔ امی ہماری اسامہ!
    تو ہیں ’’بیٹیاں ، بیٹے ‘‘ ہم عائشہ کے

     
    آخری تدوین: ‏اگست 18, 2016
    • زبردست زبردست × 7
    • پسندیدہ پسندیدہ × 3
  3. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    اُم المؤمنین حضرت زینب بنت خزیمہ رضی اللہ عنہا

    سخاوت کا مکتب خزیمہ کی بیٹی
    ہے نام ان کا زینب ، خزیمہ کی بیٹی

    کھلا کر غریبوں کو بتلاگئی ہیں
    امیروں کا منصب خزیمہ کی بیٹی

    کوئی پوچھے گر ، کون ہے ماں ہماری؟
    تو کہہ دیں گے ہم سب ”خزیمہ کی بیٹی“

    خدا کو ہوئیں تین ہجری میں پیاری
    کہ تھیں رحمتِ رب خزیمہ کی بیٹی

    ملا نام ان کو ہے ’’ام المساکین‘‘
    اسامہ کا مطلب ، خزیمہ کی بیٹی
     
    آخری تدوین: ‏مارچ 6, 2014
    • زبردست زبردست × 4
    • پسندیدہ پسندیدہ × 3
  4. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    اُم المؤمنین حضرت سودہ رضی اللہ عنہا
    خدا کی عبادت میں آگے تھیں سودہ
    نبی کی اطاعت میں آگے تھیں سودہ

    فقیروں میں تقسیم کرتی تھیں دولت
    کہ جود و سخاوت میں آگے تھیں سودہ

    دیا اپنا حق عائشہ کو انھوں نے
    کہ ایثار و الفت میں آگے تھیں سودہ

    ملا ان کو امت کی ماں کا جو رتبہ
    تو شفقت ، محبت میں آگے تھیں سودہ

    کیا رشک ان پر بہت عائشہ نے
    کہ ہر اک سعادت میں آگے تھیں سودہ

    نبی مسکراتے تھے باتوں پہ ان کی
    اسامہ! ظرافت میں آگے تھیں سودہ

     
    آخری تدوین: ‏مارچ 6, 2014
    • زبردست زبردست × 5
    • پسندیدہ پسندیدہ × 2
  5. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    اُم المؤمنین حضرت حفصہ رضی اللہ عنہا
    نصیب ان کا اچھا تھا ، اچھی تھیں حفصہ
    محمد تھے شوہر تو بیوی تھیں حفصہ

    کتب میں روایات ہیں ساٹھ ان کی
    احادیث کی ایک راوی تھیں حفصہ

    عبادت خدا کی وہ کرتیں مسلسل
    تہجد بھی ہر رات پڑھتی تھیں حفصہ

    گھڑی آخری آئی جب بھی تھا روزہ
    بہت روزے رکھنے کی عادی تھیں حفصہ

    سوالات کرتی تھیں پیارے نبی سے
    طلب علم بے حد ہی کرتی تھیں حفصہ

    ہمارا ہے ایمان از روئے قرآن
    کہ ہم میں سے ہر اک کی امی تھیں حفصہ

    فضیلت یہ کیا کم ہے ان کی اسامہ!
    کہ فاروقِ اعظم کی بیٹی تھیں حفصہ

     
    آخری تدوین: ‏مارچ 6, 2014
    • زبردست زبردست × 5
    • پسندیدہ پسندیدہ × 2
  6. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    اُم المؤمنین حضرت ام سلمہ رضی اللہ عنہا

    سعادت سے بھرپور تھیں ام سلمہ
    بھلائی سے معمور تھیں ام سلمہ

    احادیث کثرت سے مروی ہیں ان سے
    فقاہت میں مشہور تھیں ام سلمہ

    وطن چھوڑا ، حبشہ گئیں اور مدینے
    غمِ دیں سے مجبور تھیں ام سلمہ

    ابو سلمہ اور سلمہ دونوں جدا تھے
    اور ان سے بہت دور تھیں ام سلمہ

    رہے ام سلمہ سے راضی محمد
    (صلی اللہ علیہ وسلم)
    محمد سے مسرور تھیں ام سلمہ

    خدا کی تھیں مقبول بے حد ، جبھی تو
    نبی کی بھی منظور تھیں ام سلمہ

    کہیں کیوں نہ ماں ان کو اپنی اسامہ!
    ارے اُمِّ پُرنور تھیں ام سلمہ

     
    • زبردست زبردست × 4
    • پسندیدہ پسندیدہ × 3
  7. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    اُم المؤمنین حضرت زینب بنت جحش رضی اللہ عنہا


    تھا نام ان کا زینب ، محمد کی بیوی
    وہ یعنی کہ جحش اور امیمہ کی بیٹی

    نکاح ان کا مذکور قرآن میں ہے
    ولیمے میں پردے کی آیت ہے اتری

    رکھا کرتیں روزے بھی کثرت سے زینب
    شب و روز بے حد نمازیں تھیں پڑھتی

    کہا بنتِ صدیق نے ان کی بابت
    کہ عادت کی اچھی ہیں ، باتوں کی سچی

    روایت ہیں ان سے بھی گیارہ حدیثیں
    ملی تھیں ہمیں ایسی پیاری سی امی

    ’’وہ پہلے ملے گی جو سب سے سخی ہو‘‘
    نبیs کی تھی ان کے لیے پیش گوئی

    اسامہ مگن جن کی یادوں میں ہے آج
    تھا سالِ وفات ان کا سن بیس ہجری

     
    • زبردست زبردست × 4
    • پسندیدہ پسندیدہ × 3
  8. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    اُم المؤمنین حضرت جویریہ رضی اللہ عنہا


    ہوئے خوب ان کے بھی وارے نیارے
    کہ تھے ان کی قسمت کے روشن ستارے

    خدا کی محبت ، نبی کی اطاعت
    رہیں زندگی بھر انھی کے سہارے

    نبی کو بھی محبوب تھیں یہ بہت ہی
    نبی بھی تھے ان کو دل و جاں سے پیارے

    تعلق تھا ان کا بنی مصطلق سے
    ہوئے ان کی برکت سے آزاد سارے

    نبی سے دعاؤں کو سیکھا انھوں نے
    عبادت سے دن رات انھوں نے سنوارے

    ہیں یہ بھی وہ امت کی پیاری سی امی
    جنھوں نے ہیں افرادِ امت نکھارے

    حدیثیں بھی مروی ہیں ان سے اسامہ!
    صحابہ سبھی تھے ہدایت کے تارے

     
    • زبردست زبردست × 4
    • پسندیدہ پسندیدہ × 3
  9. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    اُم المؤمنین حضرت ام حبیبہ رضی اللہ عنہا

    بہت نیک سیرت تھیں امِّ حبیبہ
    بڑی خوب صورت تھیں امِّ حبیبہ

    تھا نام ان کا رملہ نہیں ہے جو معروف
    کہ مشہورِ کُنْیَت تھیں امِّ حبیبہ

    یہ خوش تھیں نبی سے ، نبی ان سے خوش تھے
    بھلی ، خوش طبیعت تھیں امِّ حبیبہ

    حدیثیں بھی منقول ان سے ہیں بے حد
    امینِ روایت تھیں امِّ حبیبہ

    نوافل بھی کثرت سے پڑھتی تھیں ہر روز
    سراپا اطاعت تھیں امِّ حبیبہ

    ہے امت کی قسمت کہ ماں ایسی پائی
    بہت باسعادت تھیں امِّ حبیبہ

    اسامہ! ہر اک کا بھلا چاہ تو بھی
    بہی خواہ نہایت تھیں امِّ حبیبہ

     
    • زبردست زبردست × 5
    • پسندیدہ پسندیدہ × 2
  10. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    اُم المؤمنین حضرت میمونہ بنت حارث رضی اللہ عنہا


    محمد(صلی اللہ علیہ وسلم) کی زوجہ تھیں میمونہ حارث
    سعادت میں عمدہ تھیں میمونہ حارث

    مقام ان کو کیا خوب اونچا ملا تھا
    طبیعت کی سادہ تھیں میمونہ حارث

    چھیالیس احادیث مروی ہیں ان سے
    روایت میں اعلیٰ تھیں میمونہ حارث

    ہوئی ان کی شادی مقامِ ’’سرِف‘‘ میں
    ہوئی فوت اسی جا تھیں میمونہ حارث

    مثالی تھا ان کا صلہ رحمی کرنا
    سراپا ہی تقوی تھیں میمونہ حارث

    مہارت تھی فقہی مسائل میں ان کو
    ذہانت میں بالا تھیں میمونہ حارث

    یہ زوجِ نبی آخری تھیں اسامہ!
    کہ قسمت میں یکتا تھیں میمونہ حارث

     
    • زبردست زبردست × 4
    • پسندیدہ پسندیدہ × 2
  11. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    اُم المؤمنین حضرت صفیہ رضی اللہ عنہا


    تھے ماں باپ اعلیٰ قبیلوں کے سردار
    یوں سارے عرب میں بڑی تھیں صفیّہ

    تھے باپ ان کے ہارون ، موسیٰ چچا تھے
    حسب اور نسب میں بڑی تھیں صفیّہ

    اطاعت محمد کی کرتی تھیں دن بھر
    عباداتِ شب میں بڑی تھیں صفیّہ

    غنیمت میں ان کو نبی نے لیا تھا
    جو قیدی تھے سب میں بڑی تھیں صفیّہ

    احادیث ان سے بھی مروی ہیں بے حد
    کہ علم و ادب میں بڑی تھیں صفیّہ

    قد و قامت ان کا تھا چھوٹا اسامہ!
    مگر اچھے ڈھب میں بڑی تھیں صفیّہ

     
    • زبردست زبردست × 5
    • پسندیدہ پسندیدہ × 1
  12. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    سیدہ حضرت زینب رضی اللہ عنہا بنت رسول اللہ صلی اللہ علیہ وسلم

    جو تھیں شافعِ روزِ محشر کی بیٹی
    جو تھیں ساقیٔ حوضِ کوثر کی بیٹی

    بہن بھائیوں میں وہ سب سے بڑی تھیں
    وہ سارے رسولوں کے سرور کی بیٹی

    مصائب سہے خوب ہجرت کے دوراں
    تھیں حالاں کہ وہ سب سے بہتر کی بیٹی

    نبی نے نمازِ جنازہ پڑھائی
    قلندر تھیں شاہِ قلندر کی بیٹی

    بہت پیار کرتی تھیں والد سے اپنے
    وہ رحمت کے گہرے سمندر کی بیٹی

    قدم ان کے چومے نہ کیوں کام یابی
    وہ شاہوں کے شاہِ مظفر کی بیٹی

    یہ اعزاز کتنا بڑا ہے اسامہ!
    تھیں زینب خدا کے پیمبر کی بیٹی
     
    • زبردست زبردست × 3
    • پسندیدہ پسندیدہ × 1
  13. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    سیدہ حضرت رقیہ رضی اللہ عنہا بنت رسول اللہ صلی اللہ علیہ وسلم

    محمد کی نورِ نظر تھیں رقیہ
    محمد کی لختِ جگر تھیں رقیہ

    بہت قابل و معتبر تھیں رقیہ
    بہادر تھیں ، بے حد نڈر تھیں رقیہ

    عدوِّ خدا عتبہ نے ان کو چھوڑا
    ضعیف اور بے بال و پر تھیں رقیہ

    ہوئے ان پہ قربان عثمان دل سے
    فدا اپنے عثمان پر تھیں رقیہ

    کی خاوند کے ساتھ ہجرت انھوں نے
    خدا کے لیے در بدر تھیں رقیہ

    تھے عثمان ہی سب سے پہلے مہاجر
    تو ان کی رفیقِ سفر تھیں رقیہ

    اسامہ! نہ کیوں ہوتی یہ نظم اعلیٰ
    کہ جب رونقِ ہر سطر تھیں رقیہ

     
    • زبردست زبردست × 3
    • پسندیدہ پسندیدہ × 1
  14. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    سیدہ حضرت ام کلثوم رضی اللہ عنہا بنت رسول اللہ صلی اللہ علیہ وسلم


    پڑھی جس نے بھی سیرتِ ام کلثوم
    وہ ہے قائلِ عظمتِ ام کلثوم

    نبی رحمتیں لے کے آئے جہاں میں
    تھی ان میں سے اک رحمتِ ام کلثوم

    مصیبت جو آئی تو ہنس کر اٹھائی
    تھی اعلیٰ بہت ہمتِ ام کلثوم

    خدا کے لیے کی مدینے کو ہجرت
    ہے تیار اب جنتِ ام کلثوم

    نبی غمزدہ آپ کی موت پر تھے
    رُلانے لگی الفتِ ام کلثوم

    خواتین تھیں چند ہم نام ان کی
    تو یہ تھی قبولیّتِ ’’ام کلثوم‘‘

    یہ کس کے مناقب بیاں ہورہے ہیں
    اسامہ! یہ تھیں حضرتِ ام کلثوم

     
    • زبردست زبردست × 3
    • پسندیدہ پسندیدہ × 1
  15. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    سیدہ حضرت فاطمہ زہراء رضی اللہ عنہا بنت رسول اللہ صلی اللہ علیہ وسلم


    مساکینِ امت کی غمخوار زہراء
    خواتینِ جنت کی سردار زہراء

    حبیبِ خدا کی تھیں لختِ جگر وہ
    تھے خوش مصطفی اور سرشار زہراء

    بھلے نام والے ، بڑی شان والے
    علی ، فاطمہ یعنی کرار ، زہراء

    بہن بھائیوں میں تھیں سب ہی سے کمسن
    مگر تھیں بہت ہی سمجھ دار زہراء

    علی نے دکھائیں تصوف کی راہیں
    گئیں دے کے تسبیح و اذکار زہراء

    کیا جس نے زیر و زبر سارا باطل
    گئیں پیش کرکے وہ کردار زہراء

    نبی علم کے شہر اور باب حیدر
    اسامہ! ہے پُرنور دیوار زہراء

     
    • زبردست زبردست × 3
    • پسندیدہ پسندیدہ × 1
  16. الف عین

    الف عین لائبریرین

    مراسلے:
    33,583
    جھنڈا:
    India
    موڈ:
    Psychedelic
    خوب، لیکن برات بر وزن فعلن ہے، فعولن نہیں
     
  17. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    تشریف آوری اور حوصلہ افزائی پر ممنون ہوں استاد محترم۔

    براءت میں آیات نازل ہوئیں جب
    ہوئے ختم رنج و الم عائشہ کے
    استاد جی! لغت میں بھی براءَت لکھا ہے ، نیز یہ لفظ قرآنِ کریم میں سورۂ توبہ کا پہلا لفظ بھی ہے اور اس سورت کا ایک نام بھی ہے۔
     
  18. دانش حسین

    دانش حسین محفلین

    مراسلے:
    74
    جھنڈا:
    Pakistan
    موڈ:
    Breezy
    ماشاء اللہ بہت ہی عمدہ کاوش ہے۔
    اللہ آپکو جزائے خیر سے نوازے۔آمین​
     
    • دوستانہ دوستانہ × 1
  19. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    بہت شکریہ بھائی، خوش رہیے۔
    جزاکم اللہ خیرا۔
     
  20. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    حضرت ام رومان رضی اللہ عنہا
    (حضرت عائشہ صدیقہ رضی اللہ عنہا کی والدہ ماجدہ)

    طبیعت جو ان کی بہت ہی بھلی تھی
    شریعت طریقت میں بالکل ڈھلی تھی

    یہ وہ شمع تھی جس نے مکہ کو چھوڑا
    خدا کے لیے سوئے طیبہ چلی تھی

    ابوبکر کی بیوی ، ماں عائشہ کی
    محمدs کی خوش دامنی بھی ملی تھی

    گھرانے کا ہر فرد روشن دیا تھا
    منور مدینے کی ہر اک گلی تھی

    نبی نے انھیں قبر میں خود اتارا
    تو چہرے پہ اس دم بہت بے کلی تھی

    اسامہ! یہ کس شخصیت کی ہیں باتیں
    ہے یہ امِّ روماں جو رب کی ولی تھی
     
    • پسندیدہ پسندیدہ × 2
    • زبردست زبردست × 2

اس صفحے کی تشہیر