1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $453.00
    اعلان ختم کریں

صحابیات کرام رضی اللہ عنہن نظم بہ نظم

محمد اسامہ سَرسَری نے 'حمد، نعت، مدحت و منقبت' کی ذیل میں اس موضوع کا آغاز کیا، ‏مارچ 6, 2014

  1. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    حضرت فاطمہ بنت قیس رضی اللہ عنہا

    عابدہ ، زاہدہ ، صالحہ ، عالمہ
    یعنی ہر حکمِ رب کی تھیں یہ تابعہ

    دخترِ قیس ، زوجہ اسامہ کی تھیں
    نام تھا ان صحابیّہ کا فاطمہ

    خوب صورت بھی تھیں ، خوب سیرت بھی تھیں
    شب تہجد میں ، دن بھر رہیں صائمہ

    کیں حدیثیں روایت انھوں نے بہت
    ہیں یہ مشہور ”جسّاسہ کی راویہ“

    سب صحابہ تھے مشعل ہمارے لیے
    اور اسامہ! ہیں ہم صدقۂ جاریہ

     
    • زبردست زبردست × 2
    • پسندیدہ پسندیدہ × 1
    • دوستانہ دوستانہ × 1
  2. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    حضرت اسماء بنت عمیس رضی اللہ عنہا

    دینِ حق کے واسطے کیں ہجرتیں
    پائی تھیں مال و وطن کی غربتیں

    ابتدائی مومنوں میں سے یہ تھیں
    یوں انھوں نے لی ہیں بے حد سبقتیں

    جعفر و صدیق و حیدر سے ملیں
    رفتہ رفتہ ازدواجی برکتیں

    حضرتِ میمونہ ان کی بہن تھیں
    قومِ ”خثعم“ سے تھیں ان کی نسبتیں

    تھا اسامہ! نام اسماء آپ کا
    پائی تھیں رب کی قسم! کیا قسمتیں!

     
    آخری تدوین: ‏جنوری 16, 2016
    • زبردست زبردست × 2
    • پسندیدہ پسندیدہ × 1
    • دوستانہ دوستانہ × 1
  3. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    حضرت حبیبہ بنت ہاشم رضی اللہ عنہا

    بڑی شان والی تھیں حضرت حبیبہ
    مشقت کی عادی تھیں حضرت حبیبہ

    بہت ہی زیادہ عبادت تھیں کرتی
    خدا کی سوالی تھیں حضرت حبیبہ

    علوم اور فنوں میں تھیں بے حد ہی ماہر
    ذکاوت میں عالی تھیں حضرت حبیبہ

    قدم دشمنوں کے اکھاڑے انھوں نے
    بہادر سپاہی تھیں حضرت حبیبہ

    محبت سے سرشار ہو ہو کے قرآن
    بہت خوب پڑھتی تھیں حضرت حبیبہ

    پھریں داعی بن کر یہ شمعِ ہدایت
    غمِ دیں کی ماری تھیں حضرت حبیبہ

    مگن منقبت میں ہے کس کی اسامہ!
    ہر اک سے نرالی تھیں حضرت حبیبہ

     
    • زبردست زبردست × 2
    • پسندیدہ پسندیدہ × 1
    • دوستانہ دوستانہ × 1
  4. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    حضرت خنساء بنت عمرو رضی اللہ عنہا

    نسب میں بھی تھیں برتر حضرتِ خنسا
    شجاعت کی تھیں پیکر حضرتِ خنسا

    تماضر ان کا اصلی نام ہے ، لیکن
    لقب ان کا ہے اشہر حضرتِ ”خنسا“

    رسولِ پاک سے تھیں یہ بڑی دس سال
    تھیں یعنی کہ معمر حضرت خنسا

    ہوئی تھی پہلی شادی عبدِ عزّٰی سے
    تھیں صابر بیوہ ہوکر حضرتِ خنسا

    بنے مرداس ان کے شوہرِ ثانی
    رہیں ان سے بھی جڑ کر حضرتِ خنسا

    ہوئے چار ان کے بیٹے اور اک بیٹی
    مربّی ان کی مادر حضرتِ خنسا

    بہت سے لائے اسلام ان کی دعوت سے
    مبلغ بھی تھیں بڑھ کر حضرتِ خنسا

    اسامہ! ان کے شعروں کا ہے اک دیوان
    تھیں اک ماہر سخن ور حضرتِ خنسا

     
    • زبردست زبردست × 2
    • پسندیدہ پسندیدہ × 1
    • دوستانہ دوستانہ × 1
  5. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    حضرت ہند بنت عتبہ رضی اللہ عنہا

    ہند بنتِ عتبہ ان کا نام تھا
    اور سخاوت کرنا ان کا کام تھا

    بیوی تھیں حضرت ابوسفیان کی
    ان کا بیٹا رب کا اک انعام تھا

    تھے ابوسفیان سردارِ قریش
    اور کلیجے کا بھی قصہ عام تھا

    دشمنِ اسلام تھے دونوں ، مگر
    دونوں کی تقدیر میں اسلام تھا

    پہلے قصے جو ہوئے تھے سو ہوئے
    پُرسعادت دونوں کا انجام تھا

    ولولے پیدا کیے یرموک میں
    عزم ان کا تازہ صبح و شام تھا

    شاعری کرتی تھیں یہ اے سَرسَرؔی!
    کام یہ اہلِ عرَب میں عام تھا

     
    • زبردست زبردست × 2
    • پسندیدہ پسندیدہ × 1
    • دوستانہ دوستانہ × 1
  6. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    حضرت ماریہ قبطیہ رضی اللہ عنہا

    حامل تھی ان کی زندگی بے حد سرور کی
    کیوں کہ ملی تھی ان کو غلامی حضور کی

    کس ملک میں تھیں اور کہاں یہ پہنچ گئیں
    کیا کیا صعوبتیں ہیں انھوں نے عبور کی

    دی شاہِ مصر نے شہِ عالَم کو ماریہ
    یعنی کہ ابتدا تھی نبی کے ظہور کی

    مصر و عرب میں آپ کی برکت سے ماریہ!
    بنتی گئیں فضائیں ہدایت کے نور کی

    سیریں بہن تھی ، حضرتِ حسان بہنوئی
    امت گواہ جن کے ہے شعر و بحور کی

    زینب کے انتقال سے غمگیں تھے مصطفیٰ
    بیٹے سے ماریہ نے یہ تکلیف دور کی

    یہ رتبہ اے اسامہ! کسی کو نہیں ملا
    امِّ ولد تھیں ماریہ اپنے حضور کی

     
    • زبردست زبردست × 2
    • پسندیدہ پسندیدہ × 1
    • دوستانہ دوستانہ × 1
  7. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    حضرت ارویٰ بنت عبدالمطلب رضی اللہ عنہا

    بڑی جی دار تھیں خاتون ارویٰ
    بہت غم خوار تھیں خاتون ارویٰ

    گناہ و معصیت ، ظلم و ستم سے
    رہی بے زار تھیں خاتون اروی

    بھتیجے پر ہزاروں جان سے قربان
    دیوانہ وار تھیں خاتون ارویٰ

    غریبوں اور ناداروں کے حق میں
    سدا دل دار تھیں خاتون ارویٰ

    سہی ہجرت سگے بیٹے کی کیوں کہ
    سراپا پیار تھیں خاتون ارویٰ

    وصالِ مصطفی پر رنج و غم سے
    بہت دو چار تھیں خاتون ارویٰ

    اسامہ! مرثیہ لکھا نبی کا
    کہ ذی اشعار تھیں خاتون اروی

     
    • زبردست زبردست × 2
    • پسندیدہ پسندیدہ × 1
    • دوستانہ دوستانہ × 1
  8. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    حضرت ام ہانی بنت ابو طالب رضی اللہ عنہا

    ہے یہ شمعِ نورِ ہُدیٰ ام ہانی
    رہا ہند یا فاطمہ نامِ نامی

    ملی ان کو کیا خوب ہے رشتے داری
    نبی تھے کزن اور علی ان کے بھائی

    ہوئی ہے سعادت انھیں بھی یہ حاصل
    انھوں نے نبی کا پیا جھوٹا پانی

    دوا ضعف کی ان کی برکت سے ہم نے
    ”پڑھو تیسرا کلمہ سو بار“ پائی

    بہادر تھیں حضرت علی کی طرح خوب
    کئی بار بے حد شجاعت دکھائی

    نبی سے یہ دریافت کرتی تھیں اکثر
    کلامِ الٰہی کے لفظ و معانی

    زمانہ ہے چاروں خلیفوں کا پایا
    اسامہ ہے لکھتا اب ان کی مساعی

     
    • زبردست زبردست × 2
    • پسندیدہ پسندیدہ × 1
    • دوستانہ دوستانہ × 1
  9. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    حضرت فاطمہ بنت اسد رضی اللہ عنہا

    بھتیجا بنا ساقیِ جامِ کوثر
    نبی ان کو کہتے تھے ماں کے برابر

    اسد نامِ نامی تھا والد کے ان کا
    تو بیٹے تھے ان کے علی شیر حیدر

    ہوئیں موت کے بعد رشکِ صحابہ
    محمدs کے کُرتے میں تکفین پاکر

    بہو آپ کی دخترِ مصطفیٰ تھی
    بہو ساس کا نام تھا ایک یکسر

    نبی کو تھی ان سے بہت ہی محبت
    نبی ان کے گھر آیا کرتے تھے اکثر

    اسامہ! ہوئی ان کی برکت سے تیری
    یہ اک عام سی نظم بھی خوب بہتر

     
    • زبردست زبردست × 2
    • پسندیدہ پسندیدہ × 1
    • دوستانہ دوستانہ × 1
  10. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    حضرت ام معبد رضی اللہ عنہا

    بہت نیک تھیں حضرتِ امِّ معبد
    تمیم آپ کے تھے خدائے مجازی

    سخاوت ، شجاعت ، فصاحت ، بلاغت
    تھا ان کی رگوں میں بھی خونِ حجازی

    گھر ان کا تھا مکے مدینے کے مابین
    ملی ان کو غربت میں بھی بے نیازی

    ہے ان کی فصاحت ، بلاغت کی شاہد
    یہ حلیہ مبارک کی تصویر سازی

    یہ ہیں ان نجومِ ہدایت میں شامل
    جو دن میں تھے صائم تو شب میں نمازی

    لٹایا ہے ان سب نے دیں کے لیے سب
    یا پاتے شہادت یا ہوتے تھے غازی

    جو رہتے تھے زندہ تو جیت ان کی ہوتی
    جو پاتے شہادت تو ان کی تھی بازی

    کبھی جنگ میں تو کبھی رب کے آگے
    وہاں سرفرازی ، یہاں دل گدازی

    نبی ان کے مہماں بنے تھے اسامہ!
    قبول ان کی کی رب نے مہماں نوازی

     
    • زبردست زبردست × 2
    • پسندیدہ پسندیدہ × 1
    • دوستانہ دوستانہ × 1
  11. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    حضرت ام حکیم رضی اللہ عنہا

    شانِ کرم نرالی تھی ام حکیم کی
    ذاتِ کریم عالی تھی ام حکیم کی

    اسلام کر رہے تھے قبول ان کے رشتے دار
    قسمت بدلنے والی تھی ام حکیم کی

    اسلام دشمنی میں جو گزری وہ زندگی
    اسلام نے بچالی تھی ام حکیم کی

    دشمن کے سامنے بھی طبیعت تو دیکھیے
    کیا خوب ہی جلالی تھی ام حکیم کی

    میدانِ کارزار میں پُل پر ہوا نکاح
    شادی بہت مثالی تھی ام حکیم کی

    روشن اسامہ! شمع کی مانند زندگی
    چمکیلی اور ہلالی تھی ام حکیم کی

     
    • زبردست زبردست × 2
    • پسندیدہ پسندیدہ × 1
  12. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    حضرت صفیہ بنت عبدالمطلب رضی اللہ عنہا

    ہمیشہ حق کا بنیں سہارا
    لٹایا مال اپنا دیں پہ سارا

    بہت سمجھ دار تھیں یہ خاتون
    سمجھتیں حق کا ہر اک اشارہ

    تھے حضرتِ حمزہ ان کے بھائی
    کیا گیا جن کو پارہ پارہ

    نبیِ اکرم کی یہ تھیں پھوپھی
    بھتیجا ان کو تھا جاں سے پیارا

    انھوں نے بیٹے کو تربیت سے
    صفاتِ حسنیٰ سے تھا نکھارا

    بہادری کے دکھائے جوہر
    مقابل ان کا ہمیشہ ہارا

    اسامہ! حضرت صفیّہ ہیں یہ
    چمکتا اسلام کا ستارہ

     
    آخری تدوین: ‏اپریل 18, 2016
    • زبردست زبردست × 2
    • پسندیدہ پسندیدہ × 1
  13. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    حضرت ام عمارہ رضی اللہ عنہا

    بلا کی تھیں ذہیں امِّ عُمارہ
    رہیں خندہ جبیں امِّ عُمارہ

    کیا اسلام پر سب کچھ ہی قرباں
    رہِ حق میں جمیں امِّ عُمارہ

    سرِ میدان پانی زخمیوں کو
    پلاتی ہی رہیں امِّ عُمارہ

    سدا کفار کے چھکے چھڑائے
    شجاعت سے لڑیں امِّ عُمارہ

    مصائب کرتی تھیں برداشت ، ہمت
    کبھی ہاری نہیں امِّ عُمارہ

    اسامہ! نظم کا ہے یہ خلاصہ
    سعادت مند تھیں امِّ عُمارہ

     
    • پسندیدہ پسندیدہ × 2
    • زبردست زبردست × 2
  14. الف عین

    الف عین لائبریرین

    مراسلے:
    33,583
    جھنڈا:
    India
    موڈ:
    Psychedelic
    یہ سلسلہ کب ختم ہو رہا ہے، اس کی بھی ای بک بنا دی جائے۔
     
  15. محمد اسامہ سَرسَری

    محمد اسامہ سَرسَری لائبریرین

    مراسلے:
    6,457
    جھنڈا:
    Pakistan
    موڈ:
    Cheerful
    تقریبا بارہ یا پندرہ صحابیات کے بارے میں مزید لکھنے کا ارادہ ہے۔
     
    • پسندیدہ پسندیدہ × 2
  16. قتا دہ شا ذلی

    قتا دہ شا ذلی محفلین

    مراسلے:
    13
    جھنڈا:
    Pakistan
    موڈ:
    Breezy
    واہ اسامہ جی
     
    • دوستانہ دوستانہ × 1
  17. x boy

    x boy محفلین

    مراسلے:
    6,208
    جھنڈا:
    UnitedArabEmirates
    موڈ:
    Breezy
    یہ سب کے سب زبردست ہے بہت داد قبول کیجئے،
    جزاک اللہ، اللہ عزت دے، آمین
     
    • دوستانہ دوستانہ × 1
  18. یوسف سلطان

    یوسف سلطان محفلین

    مراسلے:
    3,615
    جھنڈا:
    Pakistan
    موڈ:
    Shh
    سبحان اللہ
    بہت ہی شاندار نظمیں ہیں
    اللہ پاک آپ کی اس کاوش کو اپنی بارگاہ میں قبول فرماے (آمین)
     
    • پسندیدہ پسندیدہ × 1
  19. ابو المیزاب اویس

    ابو المیزاب اویس محفلین

    مراسلے:
    365
    جھنڈا:
    Pakistan
    موڈ:
    Cheerful
    سبحان اللہ، ماشا اللہ،

    کیا ان مناقب کو دوسرے فورمز پر شئیر کرنے کی اجازت ہے؟
     
    • پسندیدہ پسندیدہ × 1
  20. الف عین

    الف عین لائبریرین

    مراسلے:
    33,583
    جھنڈا:
    India
    موڈ:
    Psychedelic
    اس کی بھی ای بک بنانی تھی لیکن رہ گئی۔ اب ان شاء اللہ بنا دوں گا
     
    • پسندیدہ پسندیدہ × 1

اس صفحے کی تشہیر