طارق شاہ
محفلین
غزل
شفیق خلشؔ
ماہِ رمضاں میں عِبادت کا مزہ کُچھ اور ہے
روزہ سے بڑھ کر نہ رُوحانی غذا کُچھ اور ہے
لوگ سمجھیں ہیں کہ روزوں سےہُوئے ہیں ہم نڈھال
سچ اگر کہدیں جو پُوچھے پر، بِنا کُچھ اور ہے
یُوں تو وقفہ کرکے کھالینے کی بھی کیا بات ہے
بعد اِفطاری کے، روٹی کا نشہ کُچھ اور ہے
اگلی مانگی کا ہمیں افسوس گو کُچھ بھی نہیں
اِس مہینے اے خُدا ! لب پہ دُعا کُچھ اور ہے
نُور وہ پھیلا ہے ہر گھر، جو کبھی دیکھا نہیں
مسجدوں میں کب بھلا اِس سے جُدا کُچھ اور ہے
جب نہیں شیطاں کہ دَیں اِلزام اُس پر سب خلشؔ
اِس مہینے کے گناہوں کی، سزا کُچھ اور ہے
گھر پہ گو، بے رونقی رہتی نہیں اپنے خلشؔ
برکتوں سے اِس مہینے کی ہَوا کُچھ اور ہے
شفیق خلشؔ