شعر جو ضرب المثل بنے

[چودھری ناصر حسین]

ہزار کام مزے کے ہیں داغ الفت میں
جو لوگ کچھ نہیں کرتے کمال کرتے ہیں

داغ دہلوی

بٹھا کے یار کو پہلو میں رات بھر امیرؔ
جو لوگ کچھ نہیں کرتے کمال کرتے ہیں
امیرؔ مینائی

 

[چودھری ناصر حسین]

بٹھا کے یار کو پہلو میں رات بھر امیرؔ
جو لوگ کچھ نہیں کرتے کمال کرتے ہیں
امیرؔ مینائی

دونوں ٹھیک ہیں۔

 

[سید عاطف علی]

آساں کہنے کی کرتے ہیں فرمائش
گویم مشکل۔۔وگرنہ گویم مشکل
غالبا غالب نے کہا ہے ۔

 

[فاتح]

بٹھا کے یار کو پہلو میں رات بھر امیرؔ
جو لوگ کچھ نہیں کرتے کمال کرتے ہیں
امیرؔ مینائی

امیر مینائی کے دیوان کا حوالہ بھی دے سکیں تو ممنون ہوں گا نیز مصرع اولیٰ جس طرح آپ نے درج کیا اس حالت میں بے وزن ہے

 

[سید عاطف علی]

امیر مینائی کے دیوان کا حوالہ بھی دے سکیں تو ممنون ہوں گا نیز مصرع اولیٰ جس طرح آپ نے درج کیا اس حالت میں بے وزن ہے

یہاں غالباً اے امیر ہے ۔

 

[فاتح]

یہاں غالباً اے امیر ہے ۔

اے امیر کر کے وزن تو برابر ہو گیا لیکن حوالہ ندارد۔۔۔
ہم نے امیر مینائی کے دونوں دواوین "صنم خانۂ عشق" اور "مراۃ الغیب" میں تلاش کیا لیکن یہ شعر کہیں نہیں ملا۔
اگر آپ حوالہ دے سکیں تو ممنون ہوں گا۔

 

[شوکت پرویز]

کفر ٹوٹا خدا خدا کر کے
لائے اس بت کو التجا کرکے

 

[شوکت پرویز]

نہ خدا ہی ملا نہ وصالِ صنم
نہ اِدھر کے رہے نہ اُدھر کے رہے

 

[شوکت پرویز]

ہوئے مر کے ہم جو رسوا، ہوئے کیوں نہ غرق دریا؟
نہ کبھی جنازہ اٹھتا نہ کہیں مزار ہوتا
(غالب)

 

[شوکت پرویز]

سدا عیشِ دوراں دکھاتا نہیں
گیا وقت پھر ہاتھ آتا نہیں
(میر حسن ، مثنوی سِحر البیان)

 

[شوکت پرویز]

دشت تو دشت ہے دریا بھی نہ چھوڑے ہم نے
بحرِ ظلمات میں دوڑا دِئے گھوڑے ہم نے
(اقبال، شِکوۃ)

 

[شوکت پرویز]

عروجِ آدمِ خاکی سے انجم سہمے جاتے ہیں
کہ یہ ٹوٹا ہوا تارہ مہِ کامل نہ بن جائے
(اقبال)

 

[سید عاطف علی]

اے امیر کر کے وزن تو برابر ہو گیا لیکن حوالہ ندارد۔۔۔
ہم نے امیر مینائی کے دونوں دواوین "صنم خانۂ عشق" اور "مراۃ الغیب" میں تلاش کیا لیکن یہ شعر کہیں نہیں ملا۔
اگر آپ حوالہ دے سکیں تو ممنون ہوں گا۔

مجھے تو یقین نہیں کہ شعر مینائی ہے۔ کیا عجب کہ صہبائی ہویا کچھ اور۔حوالہ کی درخواست چوہدری ناصر حسین سے دوبارہ کی جاتی ہے۔

 

[شوکت پرویز]

میں بھی منہ میں زبان رکھتا ہوں
کاش پوچھو کہ مدّعا کیا ہے
(غالب)

 

[فاتح]

نہ خدا ہی ملا نہ وصالِ صنم
نہ اِدھر کے رہے نہ اُدھر کے رہے

ہم نے اسے ایک مصرع کے طور پر پڑھ رکھا ہے یعنی
نہ خدا ہی ملا نہ وصالِ صنم نہ اِدھر کے رہے نہ اُدھر کے رہے

اور دوسرا مصرع یوں:
ہاتھ آیا نہ کچھ بھی اے وائے ستم! نہ ادھر کے رہے نہ اُدھر کے رہے

 

[اوشو]

​

نیرنگیِ سیاستِ دوراں تو دیکھیے​

منزل انہیں ملی جو شریکِ سفر نہ تھے​

​

محسن بھوپالی​

 

[شوکت پرویز]

ہم نے اسے ایک مصرع کے طور پر پڑھ رکھا ہے یعنی
نہ خدا ہی ملا نہ وصالِ صنم نہ اِدھر کے رہے نہ اُدھر کے رہے

اور دوسرا مصرع یوں:
ہاتھ آیا نہ کچھ بھی اے وائے ستم! نہ ادھر کے رہے نہ اُدھر کے رہے

جی جناب!
آپ کی پہلی بات درست، یہ صرف ایک مصرع ہی ہے۔
مزید کے لئے یہ مراسلہ دیکھیں! (یہاں اس پر کچھ گفتگو ہوئی تھی)

اعجاز صاحب! فسانۂ عجائب از مرزا رجب علی بیگ سرور لکھنوی میں دو اشعار کی صورت میں یوں درج ہیں۔

گئے دونوں جہان کے کام سے ہم
نہ اِدھر کے ہوئے نہ اُدھر کے ہوئے
نہ خدا ہی ملا نہ وصالِ صنم
نہ اِدھر کے ہوئے نہ اُدھر کے ہوئے

ان اشعار پر رشید حسن خاں صاحب کا نوٹ یوں درج ہے۔

نسّاخ نے سخنِ شعرا میں اسے بہ نام مرزا صادق علی شرر لکھا ہے۔ اس میں ردیف "نہ اِدھر کے رہے نہ اُدھر کے رہے" ہے

اس بناء پر اس کے بارے میں یہ بات سامنے آتی ہے:

ُ
استاد جی!
ممکن ہے اس شعر میں "نہ" ایک حرفی ہی باندھا گیا ہو۔
ممکن ہے اس کا وزن "فاعلن فاعلن فاعلن فاعلن" نہ ہو کر (ظفر کی درج ذیل غزل کی طرح) "فُعِلُن فُعِلُن فُعِلُن فُعِلُن" ہو۔

ظفر آدمی اس کو نہ جانیے گا ہو وہ کیسا ہی صاحبِ فہم و ذکا

جناب فرخ منظور صاحب کے پیغام (مراسلہ نمبر 33) میں دیے گئے پورے شعر کو دیکھ کر بھی اسی وزن کی تائید ہوتی ہے۔

 

[شوکت پرویز]

موت سے کس کو رستگاری ہے
آج وہ کل ہماری باری ہے
(نواب مرزا شوق - مثنوی)

 

[شوکت پرویز]

کیا بھروسا ہے زندگانی کا
آدمی بلبلا ہے پانی کا

 

[بھلکڑ]

بچھڑا کچھ اس ادا سے کہ رت ہی بدل گئی
اک شخص سارے شہر کو ویران کر گیا
کیا یہ شعر اس زمرے میں آئے گا۔۔۔۔۔۔؟