شعر جو ضرب المثل بنے

[طارق شاہ]

یہ مسائلِ تصوّف، یہ تِرا بیان غالب
تجھے ہم ولی سمجھتے، جو نہ بادہ خوار ہوتا

مرزا اسداللہ خاں غالب

 

[طارق شاہ]

تھی لاگ اُس کی تیغ کو ہم سے سو عشق نے
دونوں کو معرکے میں گلے سے مِلادیا

میرتقی میر

 

[طارق شاہ]

ہم آئے گھرمیں تو جا بیٹھے بام پر تم واہ
لگا جو دل تو بتانے لگے اتار چڑھاؤ

شیخ قلندر بخش جرأت

 

[طارق شاہ]

وہ آئیں گھر میں ہمارے خدا کی قدرت ہے
کبھی ہم ان کو کبھی اپنے گھر کو دیکھتے ہیں

مرزا اسداللہ خاں غالب

• نسخۂ نظامی میں وہ ’آئے‘ گھر میں ہمارے لکھا ہے

 

[سید عاطف علی]

علم ہے کچھ اور شے اور آدمیت کچھ اور شے

کتنا طوطے کو پڑھایا، پر وہ حیواں ہی رہا
مرزا رفیع سودا

واہ ۔ طارق صاحب ۔ بہت خوب انتخاب کیا ہے۔لیکن پہلے مصرع میں دوسرا والا "کچھ" زائد لگ رہا ہے۔ یہ شعر غالبا" یوں ہو ۔
علم ہے کچھ اور شے اور آدمیّت اور شے

 

[طارق شاہ]

واہ ۔ طارق صاحب ۔ بہت خوب انتخاب کیا ہے۔لیکن پہلے مصرع میں دوسرا والا "کچھ" زائد لگ رہا ہے۔ یہ شعر غالبا" یوں ہو ۔
علم ہے کچھ اور شے اور آدمیّت اور شے

صحیح کہا آپ نے، میں نادانستہ اس سہو کا مرتکب ہوا
نشاندھی کے لئےصمیم دل سے سپاس گزار ہوں سید صاحب
تشکّر
بہت شاداں رہیں

 

[طارق شاہ]

بھانپ ہی لیں گے اشارہ سرِ محفل جو کیا

تاڑنے والے قیامت کی نظر رکھتے ہیں​

(لالہ مادھو رام جوہر فرخ آبادی)​

 

[طارق شاہ]

جان بچی سو لاکھوں پائے​

خیر سے بدھو گھر کو آئے​

؟​

 

[طارق شاہ]

زاہد شراب پینے سے کافر ہوا میں کیوں
کیا ڈیڑھ چلو پانی میں ایمان بہہ گیا
شیخ ابراہیم ذوق

 

[طارق شاہ]

بلبل کے کاروبار پہ ہیں خندہ ہائے گل
کہتے ہیں جس کو عشق خلل ہے دماغ کا

مرزا اسد اللہ خاں غالب

 

[طارق شاہ]

کیا لطف، جو غیر پردہ کھولے​

جادو وہ جو سر چڑھ کے بولے ​

​

دیا شنکر نسیم​

 

[انتہا]

درست شعر یوں ہے:
اچھی صورت بھی کیا بری شے ہے
جس نے ڈالی بری نظر ڈالی
شاعر کا نام معلوم نہیں

تصحیح کا بہت شکریہ فاتح بھائی

 

[قیصرانی]

اس پوسٹ کا مقصد ہے ایسے اشعار پوسٹ کرنا جو ضرب المثل بنے

آغاز کرتا ہوں

الجھا ہے پاؤں یار کا زلفِ دراز میں
لو آپ اپنے دام میں صیّاد آ گیا
(مومن خاں مومن)

محب، تمہارے سارے ہی دھاگے کمال کے ہوتے ہیں جیتے رہو

 

[طارق شاہ]

پھول تو دو دن بہارِ جاں فزا دکھلاگئے
حسرت اُن غنچوں پہ ہے جو بِن کِھلے مُرجھا گئے

شیخ محمد ابراہیم ذوق

 

[طارق شاہ]

بجا کہے جِسے عالَم، اُسے بجا سمجھو
زبانِ خلق کو نقارۂ خدا سمجھو

شیخ محمد ابراہیم ذوق

 

[طارق شاہ]

تنگ دستی اگر نہ ہو سالک
تندرستی ہزار نعمت ہے

مرزا قربان علی بیگ سالک

 

[طارق شاہ]

بڑے شوق سے سُن رہا تھا زمانہ
ہم ہی سو گئے داستاں کہتے کہتے

مرزا ذاکرحُسین قزلباش ثاقب لکھنوی

 

[طارق شاہ]

الفت کا جب مزہ ہے کہ دونوں ہوں بے قرار
دونوں طرف ہو آگ برابر لگی ہوئی


میرمحبوب علی خاں آصف

 

[طارق شاہ]

چل ساتھ کہ حسرت دلِ محروم سے نکلے
عاشق کا جنازہ ہے ذرا دھوم سے نکلے

فدوی عظیم آبادی

 

[طارق شاہ]

حیات لے کے چلو، کائینات لے کے چلو
چلو تو سارے زمانے کو ساتھ لے کے چلو

مخدوم محی الدین