شاعری ، اپنی پسند کی ،

[سارا]

لفظوں کی آبرو کو گنواؤ نہ یوں عدیم
جو مانتا نہیں اسے کہنا فضول ہے۔۔

 

[سارا]

پلٹ کے آئیں زمانے وہی محبت کے
کہ رنگ جلنے لگے اور صبا ٹھہر جائے

کسی کا ساتھ ملے اور اس طرح امجد
کہ وقت چلتا رہے‘ راستہ ٹھہر جائے۔۔

 

[سارا]

آدابِ سفر اب وہ سکھاتے ہیں جنہوں نے
دو چار قدم طے یہ مسافت بھی نہیں کی۔۔

 

[سارا]

جانے کون سی دھن میں تیرے شہر سے آ نکلے ہیں
دل تجھ سے ملنے کی خواہش اب سو بار کرے گا

دل میں تیرا قیام تھا لیکن اب یہ کسے خبر تھی
دکھ بھی اپنے ہونے پر اتنا اصرار کرے گا۔۔

 

[ظفری]

میں اس کا لمحہِ موجود ہوں مگر وہ شخص
فضول وقت سمجھ کر گزارتا ہے مجھے​

 

[سارا]

تمنا

میں تیری چھاؤں میں پروان چڑھوں
اپنی آنکھوں پہ تیرے ہاتھ کا سایہ کر کے
تیرے ہمراہ
میں سورج کی تمازت دیکھوں
اس سے آگے نہیں سوچا دل نے
پھر بھی احوال یہ ہے
اک بھروسا ہے کہ دل سبز کیے رکھتا ہے
اک دھڑکا ہے کہ خون سرد کیے رکھتا ہے۔۔

‘پروین شاکر‘

 

[شمشاد]

نہ تم برے تھے نہ ہم برے
پھر کيوں نہ چاہتوں کے سلسلے جڑے

جب راستے تھے ہرے بھرے
پھر کيوں ان پہ خاک اڑے

 

[شمشاد]

اپني چاہتوں کو رشتوں میں بدلنے نہيں دينا
خود کو ميرے دل سے نکلنے نہيں دينا

ہر وقت آباد خوشيوں کا چمن رکھنا
نفرت کے کسي پھول کو کھلنے نہيں دينا

 

[شمشاد]

انداز بدل جاتے ہیں الفاظ بدل جاتے ہیں
گردش زمانہ سے حالات بدل جاتے ہیں

زندگي سے پيارے بھي اجنبي سے لگتے ہیں
زندگي کي راہ میں کچھ ايسے موڑ آتے ہیں

 

[شمشاد]

بہت سے لوگ دکھوں میں مجھے ياد رکھتے ہیں
میں چاہتي ہوں کہ کوئي خوشي میں مجھے ياد رکھے

تنہائي میں تو ہر گزري بات ياد آتي ہے
میں چاہتي ہوں کہ کوئي محفل میں مجھے ياد رکھے

 

[شمشاد]

ماضي کي چند خوشگوار ياديں
اکثر ميرے دل مچل جاتي ہیں
اک طوفان سا لگاتي ہیں
اور پھر دھيرے دھيرے
مستقل غم ميں بدل جاتي ہیں
ماضي کي چند خوشگوار ياديں

 

[شمشاد]

شکل اس کي تھي دلبروں جيسي
خو تھي ليکن ستمگروں جيسي

اس کے لب تھے سکوت کے دريا
اس کي آنکھیں سخنوروں جيسي

ميري پرواز جاں ميں حائل ہے
سانس ٹوٹے ہوئے پروں جيسي

دل کي بستي میں رونقيں ہیں مگر
چند اجڑے ہوئے گھروں جيسي

کون ديکھے گا اب صليبوں پر
صورتیں وہ پيمبروں جيسي

ميري دنيا کے بادشاہوں کي
عادتیں ہیں گداگروں جيسي

رخ پہ صحرا ہیں پياس کے محسن
دل میں لہريں سمندروں جيسي

 

[شمشاد]

فضول ہے ان سے يہ تمنا کہ ميرے غم کي دوا کريں گے
تباہي دل پہ جو تلے ہوں وہ دل کي تعمیر کيا کريں گے

قديم اک رسم دوستي ہے مگر ہے اب بھي وہ ہي تعلق
ستم سہیں ہیں ستم سہیں گے جفا کے بدلے وفا کريں گے

 

[حجاب]

سفر میں جب کبھی تنہا کوئی تم کو نظر آئے
کسی کی یاد میں کھو کر تمھاری آنکھ بھر آئے
تو پھر یہ جان لینا زندگی تنہا نہیں کٹتی
اکیلے شخص سے سوچو کبھی بستی نہیں بستی
ہمیں ہر دم ہر ایک لمحہ کسی کے ساتھ رہنا ہے
کسی کی یاد کا دامن ہمارے ہاتھ رہنا ہے
یہ دن تھک ہار کر جب رات کی بانہوں میں آجائے
یہ ساون اور بھادوں کا ملن جب دل کو بھا جائے
کہیں بھنورے کی باتوں سے کلی تھوڑی سی کِھل جائے
کہیں بچھڑا ہوا ساتھی اچانک تم کو مل جائے
یہ سارے استعارے ہیں سبھی چاہت کے مارے ہیں
کسی کا تم سہارا ہو کسی کے ہم سہارے ہیں
خدا میں مانتا ہوں اس جہاں میں ایک تنہا ہے
مگر اُس نے جہاں میں ہر طرف جوڑے اُتارے ہیں۔

 

[سارہ خان]

سفر میں جب کبھی تنہا کوئی تم کو نظر آئے
کسی کی یاد میں کھو کر تمھاری آنکھ بھر آئے
تو پھر یہ جان لینا زندگی تنہا نہیں کٹتی
اکیلے شخص سے سوچو کبھی بستی نہیں بستی
ہمیں ہر دم ہر ایک لمحہ کسی کے ساتھ رہنا ہے
کسی کی یاد کا دامن ہمارے ہاتھ رہنا ہے
یہ دن تھک ہار کر جب رات کی بانہوں میں آجائے
یہ ساون اور بھادوں کا ملن جب دل کو بھا جائے
کہیں بھنورے کی باتوں سے کلی تھوڑی سی کِھل جائے
کہیں بچھڑا ہوا ساتھی اچانک تم کو مل جائے
یہ سارے استعارے ہیں سبھی چاہت کے مارے ہیں
کسی کا تم سہارا ہو کسی کے ہم سہارے ہیں
خدا میں مانتا ہوں اس جہاں میں ایک تنہا ہے
مگر اُس نے جہاں میں ہر طرف جوڑے اُتارے ہیں۔

:

 

[سارہ خان]

اندھیروں کو برا کہنے سے کچھ نہیں ہوگا
اپنے حصے کا دیا خود ہی جلانا ہوگا۔۔

 

[شمشاد]

ميري طلب ہي سے قائم ہے مکيدے بھرم
ہے اور کون يہاں مجھ سے تشنہ کام کے بعد

کچھ اور اب نہیں مطلوب تيرے ذاکر کو
تیرے جہاں میں تيري رحمت تمام کے بعد

 

[سارہ خان]

حیات اک مستقل غم کے سوا کچھ بھی نہیں
خوشی بھی یاد آتی ہے تو آنسو بن کے آتی ہے

 

[شمشاد]

مجھے انشاء جی کی یہ غزل بہت پسند ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جلےتو جلاؤ گوري، پيت کا الاؤ گوري
ابھي نہ بجھاؤ گوري ابھي سے بجھاؤ نا

پيت ميں بجوگ بھي ہے، کامنا کا سوگ بھي ہے
پيت برا روگ بھي، لگےتو لاؤ نا

گيسؤں کا ناگنوں سے، بيرنوں اباگنوں سے
جووگنوں براگنوں سے کھيلتي ہي جاؤ نا

عاشقوں کا حال پوچھو، کرو تو خيال پوچھو
ايک دو سوال پوچھو، بات جو بڑھاؤ نا

رات کو اداس ديکھیں، چاندکو نراس ديکھیں
تمہیں نہ جو پاس ديکھیں، آؤ پاس آؤ نا

روپ رنگ مان دے ديں جي کا يہ مکان دے ديں
کہو تمہیں جان دے ديں، مانگ لو، لے جاؤ نا

اور بھي ہزار ہوں گے جو کہ دعوايدار ہوں گے
آپ پہ نثار ہوں گے کبھي آزماؤ نا

 

[سارا]

اگر تم آئینہ دیکھو
تو اپنے آپ سے نظریں چرا لینا
کہ اکثر بے وفا لوگوں کو
جب وہ آئینہ دیکھیں
آنکھیں چور لگتی ہیں۔۔

‘محسن نقوی‘