سنا ہے جو بھی اسے آنکھ بھر کے دیکھتے ہیں

سنا ہے جو بھی اسے آنکھ بھر کے دیکھتے ہیں
تو اس کے بھائی پھر ان کو بپھر کے دیکھتے ہیں

سنا ہے تاڑتا ہے سارا دن قمر اس کو
اور اس کو رات میں لڑکے قمر کے دیکھتے ہیں

سنا ہے اس کا مڈل نیم ہے "صبا"، سو ہم
پچاس والا اسے لوڈ کر کے دیکھتے ہیں

سنا ہے اس کا "منی لانڈرنگ" کا دھندا ہے
"مکیں اُدھر کے بھی جلوے اِدھر کے دیکھتے ہیں"

سنا ہے ہم نے لگاتی ہے اس قدر میک اپ
کہ نیب والے کرپشن میں دھر کے دیکھتے ہیں

ہے اس کی ترچھی نگاہوں کی وجہ بھینگاپن
طبیب زاویے اس کی نظر کے دیکھتے ہیں

سنا ہے زہر ہے اتنا زبان میں اس کی
کہ اس کو سانپ زبانیں کتر کے دیکھتے ہیں

سنا ہے اس کو کسی کا ذرا لحاظ نہیں
سو بچے بوڑھے سبھی اس کو ڈر کے دیکھتے ہیں

جو اس سے بھول کے کر لے مباحثہ کوئی
تو پھر وہ نوچتا ہے بال سر کے دیکھتے ہیں

سنا ہے آگ لگاتی ہے ایسی پل بھر میں
کہ سب فسادی بھی جس کو ٹھہر کے دیکھتے ہیں

محلے بھر میں کوئی بھی فساد جب پھیلے
تو اس کی سمت سبھی لوگ گھر کے دیکھتے ہیں

سنا ہے اس کو دعائیں ہی ایسی ملتی ہیں
کھلے دہانے اسے ہر گٹر کے دیکھتے ہیں

سنا ہے اس کو خوشامد بہت ہی بھاتی ہے
لو عینؔ آج کرشمے بَٹر کے دیکھتے ہیں​

 

سنا ہے عاطف ملک نے غزل لگائی ہے
گر ایسی بات ہے تو لائیک کر کے دیکھتے ہیں

سرگوشی

بہت خوب غزل ہے!!

 

بس اسی خوش آمدید کے چکر میں ہم ادھر آئے تھے

سرگوشی: پر مزاح ریٹنگ

یہ اس لیے کہ ٹیگ نامہ بنا رہا تھا لیکن آپ کی سپیڈ میرے انٹرنیٹ کی سپیڈ سے تیز نکلی

بہت شکریہ

شکریہ

 

بھیا واپسی پر آپ کو خوش آمدید کہتے ہیں ۔
ہمیشہ کی طرح زبردست پیروڈی پیش کرنے پر آپ کو بہت مبارک باد ۔

 

ہا ہا ہا ہا ہاہا !!!! عاطف بھائی آپ تو بے ساختہ ہنسا دیا ! کیا شگفتہ شگفتہ اشعار ہیں !!
طبیب زاویے اس کی نظر کے دیکھتے ہیں !
ہاہاہاہاہاہا! سلامت رہئے ، جیتے رہئے ! ہنستے ہنساتے رہئے! مولا شاد و آباد رکھے !

 

واہ! مزہ آگیا۔

 

ہا ہا ہا ! اچھا ہے ! ابتدا ایسے ہی ہوتی ہے ۔
گویا اب دو تین مہینے بعد لاریب مرزا کی پہلی غزل پڑھنے کو ملے گی ۔ ٹیگ کرنا مت بھولئے گا ۔

 

اچھا تو اہسے ہوتی ہے ابتدا۔
کیا اسے ہم آپ کی غزلوں کی مزید ٹانگیں توڑنے کا "اجازت نامہ" سمجھیں؟

 

بہت بہت نوازش ظہیراحمدظہیر بھائی

نوازش محترم

 

بہت بہت شکریہ

ہاہاہا۔۔۔۔
مجھے فی الوقت سنی سنائی باتوں پہ ہی ٹرخایا جا رہا ہے
غزل پسند آئی۔۔۔ محنت کا اجر وصول

آپ کی اس بے نوٹیفیکیشن محبت کا بہت بہت شکریہ

سرگوشی

اللہ ہی جانے صرف ظہیراحمدظہیر صاحب کے تبصرے ہی کا نوٹیفیکیشن کیوں آیا

 

سرگوشی: جواب سرگوشی

میاں یہ راز کی باتیں ہیں ۔ یہ مراعات صرف مخصوص لوگوں ہی کو دی جاتی ہیں ۔ اب آپ بھی میری طرح سارا سال روازانہ باقاعدگی سے یہاں آیا کریں تو یہ سہولت آپ کو بھی حاصل ہوجائے گی ۔

 

بہت عمدہ بھئی ❤️❤️

 

شکریہ۔

سنا ہے آج ہے احمد فرازؔ کی برسی
سو اس طرح سے انہیں یاد کر کے دیکھتے ہیں

 

عاطف ملک صاحب! گیارہ مہینے بعد لڑی میں واپسی!!!

خیر تو ہے؟

 

بہت خوب عاطف بھیا۔
جس زمین میں پہلے سے ہی بہت کچھ کہا گیا ہو، نئے خیال نکالنا واقعی بہت مشکل ہوتا ہے، لیکن آپ بھرپور طور پر کامیاب رہے۔ بہت ساری داد قبول فرمائیئے۔

 

بہت شکریہ امجد بھائی
آپ جیسے سینیئرز سے ہی سیکھا ہے سب