سماجی مسائل پہ اشعار

[جاسمن]

جینا مشکل ہے ترس کر جینا
اُس قدر موت بھی دشوار نہیں

 

[جاسمن]

چھتوں سے دھوپ تو رُکتی ہے، بھُوک ٹلتی نہیں
تلاشِ رزق میں گھر سے نکلنا پڑتا ہے

 

[ڈاکٹر عظیم سہارنپوری]

وہ شخص سورما ہے مگر باپ بھی تو ہے
روٹی خرید لایا ہے تلوار بیچ کر

معراج فیضابادی

 

[مومن فرحین]

جاسمن جی ، ثروت زہرہ کی ورکنگ لیڈی کی یہ شاعری ہمیں بہت پسند ، جو ہر ورکنگ لیڈی کی تر جمانی کرتی ہے؀

ورکنگ لیڈی

نہ چوڑی کی کھن کھن، نہ پائل کی چھن چھن
نہ گجرا ،نہ مہندی، نہ سرمہ، نہ ابٹن
میں خود کو نہ جانے کہاں بھول آئی

جو ڈیوڑھی سے نکلی تو بچے کی چیخیں
وہ چولھا، وہ کپڑے، وہ برتن، وہ فیڈر
وہ ماسی کی دیری، وہ جلدی میں بڑ بڑ
نہ دیکھا تھا خود کو، نہ تم کو سنا تھا
بس اسٹاپ پر اب کھڑی سوچتی ہوں
کسے سینت رکھا کسے چھوڑ آئی
میں خود کو نہ جانے کہاں بھول آئی
وہ چبھتی نگاہیں،وہ آفس کی دیری
سیاہی کے دھبوں میں رنگی ہتھیلی
وہ باتوں کی ہیبت جو سانسوں نے جھیلی
وہ زہری رویے، وہ الجھی پہیلی
مری مٹھیوں میں سلگتی دوپہری
میں کی بورڈ پر انگلیاں چھوڑآئی
میں خود کو نہ جانے کہاں بھول آئی!

جلی شام! پر سرمئی رُت کدھر ہے
تھکی ماندی آنکھوں میںلمبا سفر ہے
یہ دہلیز ، آنگن مگر سکھ کدھر ہے
ادھورے کئی کام رکھے ہیں، گھر ہے
ہر اک سانس اب وقت کی دھار پر ہے
وہ آسودہ لمحے کہاں چھوڑ آئی
میں خودکو نہ جانے کہاں بھول آئی!
تھکن بستروں پر پڑی اونگھتی ہے
نگاہوں کی گرمی تلک سوچکی ہے
ہر اک پل ہمیں اگلے دن کی پڑی ہے
مجھے یہ تسلی کہ خود جی سکوں گی
تمھیں یہ سہارا کہ ثروت بہت ہے
وہ فرصت کے دن میں کہاں چھوڑ آئی
میں خود کو نہ جانے کہاں بھول لائی

واہ اپیا ۔۔۔ کس قدر سچائی ہے اس نظم میں ۔۔۔

 

[مومن فرحین]

میری اب تک کی کچی شاعری کا ایک شعر یاد آگیا جس پر وارث بھائ سے بھی داد ملی تھی ۔۔

بارشوں کی دعا نہیں کرتے
جن کے کچے مکان ہوتے ہیں

آپ بھی لکھتی ہیں سیما اپیا ؟

 

[سیما علی]

واہ اپیا ۔۔۔ کس قدر سچائی ہے اس نظم میں ۔۔۔

بہت شکریہ ۔اس نظم مجھے اپنا آپ نظر آیا۔-

 

[سیما علی]

آپ بھی لکھتی ہیں سیما اپیا ؟

کبھی کبھی کچھ ٹوٹا پھوٹا سا۔ البتہ پڑھنے کا شوق اس محفل تک لے آیا

 

[مومن فرحین]

کبھی کبھی کچھ ٹوٹا پھوٹا سا۔ البتہ پڑھنے کا شوق اس محفل تک لے آیا

ارے واہ ۔۔۔ آپ نے بتایا بھی نہیں ۔۔۔ اور بھی کچھ ہو تو شئیر ضرور کیجئے گا

 

[سیما علی]

چائلڈ کلیبر

کرتے ہیں بوٹ پالش یہ پارکوں میں جا کر
یا بیچتے ہیں ٹافی یہ طشت میں سجا کر

 

[سیما علی]

تبدیلی

نئی صبح چاہتے ہیں نئی شام چاہتے ہیں!!!!!!!!!
جو یہ روز و شب بدل دے وہ نظام چاہتے ہی

ابو المجاہد زاہد

 

[سیما علی]

نئی تعلم و تربیت-ملاوٹ

طفل میں بو آئے کیا ماں باپ کے اطوار کی
دودھ تو ڈبے کا ہے تعلیم ہے سرکار کی!!!!!

اکبر الہ آبادی

 

[سیما علی]

لیڈر
لیڈروں کی دھوم ہے اور فالوور کوئی نہیں!!
سب تو جنرل ہیں یہاں آخر سپاہی کون ہے

اکبر الہ آبادی

 

[سیما علی]

• ستون دار پہ رکھتے چلو سروں کے چراغ
  جہاں تلک یہ ستم کی سیاہ رات چلے!!!
  
  مجروح سلطانپوری

 

[سیما علی]

بشر ہوں! آہوئے صحرا نہیں میں
سفر میں ہوں! کہیں ٹکرا نہیں میں
مجھے آتے ہیں آداب جنوں سب
کوئی ایسا، کوئی ویسانہیں میں
کہانی دل جلوں کی سن چکاہوں
کوئی گونگا، کوئی بہرا نہیں میں

نازک ملائکہ

 

[سیما علی]

جو لوگ آج ہیں مسندپہ، کل نہیں ہونگے
کرایہ دار ہیں،ذاتی مکان تھوڑی ہے!!!!!

 

[جاسمن]

غربت
دو گز سہی مگر یہ مری ملکیت تو ہے
اے موت تو نے مجھ کو زمیندار کر دیا
راحت اندوری

 

[ڈاکٹر عظیم سہارنپوری]

راحت کے نام پر اپنے کچھ اشعار یاد آگئےراحت اندوری کے انتقال پر کوئی چالیس متفرق اشعار کہے ہونگے صرف چند ہی یاد رہے ہیں ملاحظہ فرمائیں

درد دل دے کر ہمیں پہلے تو انور چل دیا
آہ یاروں آج راحت سا سخنور چل دیا

دفن ہوتا ہے زمیں میں کس طرح اک آسماں
غم میں ڈوبا ہے یہ منظر دیکھ کر سارا جہاں

ہے دعا مولا عطا راحت کو بس راحت کرے
قبر پر اس کی ہمیشہ بارش رحمت کرے

 

[سیما علی]

راحت کے نام پر اپنے کچھ اشعار یاد آگئےراحت اندوری کے انتقال پر کوئی چالیس متفرق اشعار کہے ہونگے صرف چند ہی یاد رہے ہیں ملاحظہ فرمائیں

درد دل دے کر ہمیں پہلے تو انور چل دیا
آہ یاروں آج راحت سا سخنور چل دیا

دفن ہوتا ہے زمیں میں کس طرح اک آسماں
غم میں ڈوبا ہے یہ منظر دیکھ کر سارا جہاں

ہے دعا مولا عطا راحت کو بس راحت کرے
قبر پر اس کی ہمیشہ بارش رحمت کرے

بہت عمدہ۔۔۔۔۔

 

[ڈاکٹر عظیم سہارنپوری]

بہت عمدہ۔۔۔۔۔

جی بہت شکریہ حوصلہ ملا

 

[جاسمن]

اے سعد سکوں اپنا لُوٹا ہے تو ہم ہی
یہ مسئلہ بھی شاید اِس پوری صدی کا ہے