زیرک کے پسندیدہ اشعار

[زیرک]

نشہ ہے عارضی ابرک یہ چاہے جانے کا
تمہارے دل سے بھی جلدی غرور نکلے گا
اتباف ابرک​

 

[زیرک]

جانے یہ کیسے فاصلے آئے ہیں درمیاں
مجھ میں جو بس رہا تھا، ملاقات سے گیا
اتباف ابرک​

 

[زیرک]

لوگ دھرتے ہیں کان چیخوں پر
ہم سی گونگی کتاب کون پڑھے
اتباف ابرک​

 

[زیرک]

چشمِ ساقی نے پلائی تو کہیں بات بنی
کام میکش کا نہ شیشے سے نہ ساغر سے چلا
سید نصیرالدین نصیر​

 

[زیرک]

واعظِ شہر کی توبہ نہ کہیں ٹوٹی ہو
آج ہُو حق کی صدا آتی ہے میخانے سے
سید نصیرالدین نصیر​

 

[زیرک]

کیف پردیس میں مت یاد کرو اپنا مکاں
اب کے بارش نے اسے توڑ گرایا ہو گا
کیف بھوپالی​

 

[زیرک]

گل سے لپٹی ہوئی تتلی کو گرا کر دیکھو
آندھیو! تم نے درختوں کو گرایا ہو گا
کیف بھوپالی​

 

[زیرک]

جب سے وحشت نے نئی شکل نکالی اپنی
ہم جنوں زاد کسی دشت میں جانے سے گئے
مبشر سعید​

 

[زیرک]

ہم اگر تیرے خد و خال بنانے لگ جائیں
صرف آنکھوں پہ کئی ایک زمانے لگ جائیں
مبشر سعید​

 

[زیرک]

سحر سسکتے ہوئے آسمان سے اتری
دل نے جان لیا یہ بھی سال درد کا ہے
فرحت عباس شاہ​

 

[زیرک]

جس طرح شہر سے نکلا ہوں میں بیمار ترا
یہ اجڑنا ہے، کوئی نقل مکانی تو نہیں
فرحت عباس شاہ​

 

[زیرک]

اک بار تجھے عقل نے چاہا تھا بھلانا
سو بار جنوں نے تری تصویر دکھا دی
ماہرالقادری​

 

[سفیر آفریدی]

.

فریبِ ساقئ محفل نہ پوچھئے مجروحؔ
شراب ایک ہے، بدلے ہوئے ہیں پیمانے
مجروح سلطانپوری​

 

[زیرک]

میرے اکسانے پہ میں نے مجھے برباد کیا
میں نہیں، میرا گنہگار پڑا ہے مجھ میں
انجم سلیمی​

 

[زیرک]

چند شاعر ہیں جو اس شہر میں مل بیٹھتے ہیں
ورنہ لوگوں میں وہ نفرت ہے کہ دل بیٹھتے ہیں
جاوید احمد​

 

[زیرک]

کرنے والا ہوں دلوں پر میں محبت کا نزول
سارے بُوجہل مدینوں سے پرے ہٹ جائیں
ممتاز گورمانی​

 

[زیرک]

خود کو دیتے بھی رہے ترکِ تعلق کا فریب
اور درپردہ کسی کو یاد بھی کرتے رہے
اقبال عظیم​

 

[زیرک]

اک شہرِ آرزو سے کسی دشتِ غم تلک
دل جا چکا تھا اور یہ ہجرت عجیب تھی
پروین شاکر​

 

[زیرک]

اڑ جاتے ہیں شاخوں سے سحر ہوتے ہی طائر
بس رین بسیرا ہے یہاں جو بھی مکاں ہے
یوسف تقی​

 

[زیرک]

ہمارے بعد کوئی سرپرست مل نہ سکا
یتیم خانے میں رکھا گیا محبت کو
حسیب الحسن​