زیرک کے پسندیدہ اشعار

[زیرک]

نظر آتی ہے ہر اک بت میں خدا کی قدرت
سلسلہ کعبہ سے ملتا ہے صنم خانے کا
مخفی بدایونی​

 

[زیرک]

دھونی رمائی دَیر میں کعبے کو چھوڑ کر
کچھ آج کل کے سٹیج کا ایماں نہ پوچھئے
مخفی بدایونی​

 

[زیرک]

تُو جو بولتا ہے تو چلتی ہے نبضِ مئے خانہ
تُو جو دیکھتا ہے تو جام بھی رقص کرتے ہیں
سید نصیرالدین نصیر​

 

[زیرک]

ارمانوں کی اِک بھیڑ لگی رہتی ہے دن رات
دل تنگ نہیں، خیر سے مہمان بہت ہیں
سید نصیرالدین نصیر​

 

[زیرک]

واعظ کی بات دل میں جو اترے تو کس طرح
جب کان اس کی کثرتِ گفتار چاٹ لے
سید نصیرالدین نصیر​

 

[زیرک]

کی ترک محبت تو لیا دردِ جگر مول
پرہیز سے دل اور بھی بیمار پڑا ہے
مادھو رام جوہر​

 

[زیرک]

نہ مانگیے جو خدا سے تو مانگیے کس سے
جو دے رہا ہے اسی سے سوال ہوتا ہے
مادھو رام جوہر​

 

[زیرک]

برسوں چلے قتیل زمانے کے ساتھ ہم
واقف ہوئے نہ پھر بھی زمانے کی چال سے
قتیل شفائی​

 

[زیرک]

خود فریبی کی انہیں عادت سی شاید پڑ گئی
ہر نئے رہزن کو سینے سے لگا لیتے ہیں لوگ
قتیل شفائی​

 

[زیرک]

وہ خدا ہے، کسی ٹوٹے ہوئے دل میں ہو گا
مسجدوں میں اسے ڈھونڈو، نہ کلیساؤں میں
قتیل شفائی​

 

[زیرک]

ہم نے خود مسکرا کے دیکھا ہے
مسکراہٹ بھی نوحہ خوانی ہے
عبدالحمید عدم​

 

[زیرک]

آپ کے ہاتھ میں شفا ہے بہت
آپ میرے طبیب ہو جائیں
عبدالحمید عدم​

 

[زیرک]

جو جھیل گئے ہنس کے کڑی دھوپ کے تیور
تاروں کی خنک چھاؤں میں وہ لوگ جلے ہیں
ادا جعفری​

 

[زیرک]

سفر تمام ہوا، اور حیرتیں نہ گئیں
جو قربتیں تھیں وہاں فاصلہ بلا کا تھا
ادا جعفری​

 

[زیرک]

اپنا ہی جملہ کوئی منہ سے آ ٹکرائے گا
یہ بہری دیوار ہے مت کر باتیں زور سے
علی زریون​

 

[زیرک]

اصولی طور پہ مر جانا چاہیے تھا، مگر
مجھے سکون ملا ہے تجھے جدا کر کے
علی زریون​

 

[زیرک]

ہیں گناہوں کی تجارت میں بھی سب سے آگے
یہ جو کرتے ہیں بہت بڑھ کے ثوابی باتیں
علی زریون​

 

[زیرک]

کوئی خلش جو مقدر تھی عمر بھر نہ گئی
علاج ایسے مریضوں کا چارہ گر کیا تھا
آل احمد سرور​

 

[زیرک]

خدا پرست ملے، اور نہ بت پرست ملے
ملے جو لوگ وہ اپنے نشے میں مست ملے
آل احمد سرور​

 

[زیرک]

لوگ مانگے کے اجالے سے ہيں ايسے مرعوب
روشنی اپنے چراغوں کی بجھا ديتے ہيں
آل احمد سرور​