زیرک کے پسندیدہ اشعار

[زیرک]

اور بھی خالی ہیں دنیا میں ٹھکانے لاکھوں
اس سے کہہ دو کہ مری ذات سے باہر نکلے
حسیب الحسن​

 

[زیرک]

شب و روز نہ اذیت میں گزارے ہوتے
چین آ جاتا اگر کھیل کے ہارے ہوتے
محسن نقوی​

 

[زیرک]

بچھڑا تو دوستی کے اثاثے بھی بٹ گئے
شہرت وہ لے گیا مجھے رسوائی دے گیا
محسن نقوی​

 

[زیرک]

اثر دکھا نہ سکا اس کے دل میں اشک مرا
یہ تیر بھی کسی ٹوٹی ہوئی کمان کا ہے
محسن نقوی​

 

[زیرک]

کتنے غم ہیں جو سرِ شام سلگ اٹھتے ہیں
چارہ گر تُو نے یہ کس دکھ کی دوا بھیجی ہے
حامد سروش​

 

[زیرک]

باہر گرا تو ضبط کو رسوا کرے گا اشک
اندر گرا تو دل پہ نشاں چھوڑ جائے گا
نعیم ضرار​

 

[زیرک]

موجِ حیات سب کو بہاتی ہے ساتھ ساتھ
دیتی ہے پر سبھی کو کنارہ الگ الگ
نعیم ضرار​

 

[زیرک]

میں ذرا خود کو ڈھونڈ لوں پہلے
پھر ذرا آپ سے بھی ملتا ہوں
وسیم کھتری​

 

[زیرک]

تم اگر صاحبِ رائے ہو تو لازم تو نہیں
تم جسے ٹھیک سمجھتے ہو وہی ٹھیک بھی ہو
نعیم ضرار​

 

[زیرک]

بیکسی سے بڑی امیدیں ہیں
تم کوئی آسرا نہ دے جانا
قابل اجمیری​

 

[زیرک]

آپ کا سنگِ در نہیں چمکا
ہم جبینیں سیاہ کر بیٹھے
قابل اجمیری​

 

[زیرک]

اپنے ہمدرد و مسیحا تو بہت ہیں لیکن
زخم کو چھیڑ کے ناسور بنا دیتے ہیں
قابل اجمیری​

 

[زیرک]

اسے کہو کہ مِرا جرم صرف میرا ہے
اسے کہو مِرے شجرے کا احترام کرے
عباس تابش​

 

[زیرک]

ہر لقمۂ تر خون میں تر ہے تو عجب کیا
ہم رزق نہیں ظلم کمانے میں لگے ہیں
عباس تابش​

 

[زیرک]

ان چراغوں میں تیل ہی کم تھا
کیوں گلہ پھر ہمیں ہوا سے رہے
جاوید اختر​

 

[زیرک]

اختر گزرتے لمحوں کی آہٹ پہ یوں نہ چونک
اس ماتمی جلوس میں اک زندگی بھی ہے
اختر ہوشیارپوری​

 

[زیرک]

یہ اس کا اپنا طریقہ ہے دان کرنے کا
وہ جس سے شرط لگاتا ہے ہار جاتا ہے
اختر نظمی​

 

[زیرک]

ہر ایک کام سلیقے سے بانٹ رکھا ہے
یہ لوگ آگ لگائیں گے، یہ ہوا دیں گے
اختر نظمی​

 

[زیرک]

وہ زہر دیتا تو سب کی نگہ میں آ جاتا
سو یہ کیا کہ مجھے وقت پہ دوائیں نہ دیں
اختر نظمی​

 

[زیرک]

اس نے جب چاہنے والوں سے اطاعت چاہی
ہم نے آداب کہا،۔۔۔۔ اور اجازت چاہی
احمد فراز​