زیرک کے پسندیدہ اشعار

[زیرک]

ہم دو چار محبت لکھنے والے لوگ
دنیا جیسے بن سکتے تھے، نہیں بنے
دانیال طریر​

 

[زیرک]

کبھی زمین ہلا کر، کبھی گرا کے فلک
طریر سہمے ہوئے لوگ ہی ڈرائے گئے
دانیال طریر​

 

[زیرک]

فن كے تقاضے پورے کرنا سب کے بس کی بات کہاں
شہرِ ہنر میں بکتے دیکها، بڑے بڑے فنکاروں کو
اعجاز رحمانی​

 

[زیرک]

برائے نام بھی جس کو وفا نہیں آتی
وہ سب کو اپنی وفا کی مثال دیتا ہے
اعجاز رحمانی​

 

[زیرک]

ہم مضافات سے آئے ہوئے لوگوں کا میاں
مسئلہ رزق کا ہوتا ہے، محبت کا نہیں
جہانزیب ساحر​

 

[زیرک]

ایک ہی شخص مصیبت میں مرے ساتھ رہا
اور وہ شخص کوئی اور نہیں تھا، میں تھا
جہانزیب ساحر​

 

[زیرک]

یہ کام ہجر میں، بدعت شمار ہوتا ہے
مگر یہ دیکھ کہ ہم پھر بھی مسکراتے ہیں
جہانزیب ساحر​

 

[زیرک]

بے دین ہوں مگر ہیں زمانے میں جتنے دین
میں سب کو مانتا ہوں مجھے مار دیجئے
احمد فرہاد​

 

[زیرک]

ہماری چھوڑو میاں جاؤ اپنی فکر کرو
کہ تجربہ ہے ہمیں بارہا بچھڑنے کا
احمد فرہاد​

 

[زیرک]

تم جو کہتے ہو کہ بھر جائیں گے سب زخم مرے
زخم بھرتے ہوئے لوگوں کو کبھی دیکھا ہے ؟؟
احمد فرہاد​

 

[زیرک]

ہتھیلیوں سے کہاں تک دعا کلام کرے
وہ شب بھی آئے کہ ہم سے خدا کلام کرے
احمد فرہاد​

 

[زیرک]

بارود کا نہیں، مرا مسلک درود ہے
میں خیر مانگتا ہوں مجھے مار دیجئے
احمد فرہاد​

 

[زیرک]

یہ مسیحائی بھی کیا خوب مسیحائی ہے
چارہ گر، موت کو تکمیلِ شفا کہتے ہیں
جون ایلیا​

 

[زیرک]

اب خوشی دے کہ آزما لے خدا
ان غموں سے تو میں نہیں مرتا
جون ایلیا​

 

[زیرک]

کوفہ مزاج لوگوں کی بہتات ہے یہاں
اس شہرِ نامراد سے خیمے سمیٹ لو​

 

[زیرک]

بہت عزیز ہیں دل کو یہ زخم زخم رتیں
انہی رتوں میں نکھرتی ہے تیرے ہجر کی شام
محسن نقوی​

 

[زیرک]

کبھی کبھی تو اسیروں کی بے گناہی سے
عدالتوں کے کٹہرے بھی خوف کھاتے ہیں
محسن نقوی​

 

[زیرک]

ہماری لاش پہ ڈھونڈو نہ انگلیوں کے نشاں
ہمیں خبر ہے عزیزو! یہ کام کس کا ہے
محسن نقوی​

 

[زیرک]

کوئی ایسا کمال ہو جائے
ہجر سارا وصال ہو جائے
ناہید ورک​

 

[زیرک]

یہ دل کے زخم چھپا کر جو مسکراتے ہیں
تو میرے دوست! یہ آسان تھوڑی ہوتا ہے
ناہید ورک​