زیرک کے پسندیدہ اشعار

[زیرک]

نام پر اپنے، خدا خود ڈھونڈتا پھرتا ہے گھر
مسجدوں کے نام ہیں اب واعظوں کے نام پر
صفدر ہمدانی​

 

[زیرک]

یہ کس عذاب میں چھوڑا ہے تو نے اس دل کو
سکون یاد میں تیری، نہ بھولنے میں قرار
شہرت بخاری​

 

[زیرک]

بس میں رہیں نہ جب غمِ دوراں کی وسعتیں
ہم لوگ اپنے گوشۂ دل میں سمٹ گئے
شہرت بخاری​

 

[زیرک]

دیکھ کر حسنِ بتاں شانِ خدا یاد آئی
کفر کی وجہ سے کامل ہوا ایمان اپنا
صفی لکھنوی​

 

[زیرک]

سجائی حضرتِ واعظ نے کس تکلف سے
متاعِ زہد و ورع سیڑھیوں پہ منبر کی
صفی لکھنوی​

 

[زیرک]

زخم کھا کر تو دعائیں نہیں دے سکتا میں
معذرت! مجھ سے اداکاری نہیں ہوتی ہے
میثم علی آغا​

 

[زیرک]

تُو بچھڑا تھا، تو پھر مرنا بنتا تھا
لیکن ہم نے ساری عمر گزاری بھی
میثم علی آغا​

 

[زیرک]

ہمیں ملی ہے جگہ جب سے آپ کے دل میں
جہاں ہیں آپ، وہاں ہم بھی پائے جاتے ہیں
پرنم الہ آبادی​

 

[زیرک]

اچھے دن آئے تو میں نے یہ تماشہ دیکھا
میرے دشمن بھی گلے مجھ کو لگانے آئے
پرنم الہ آبادی​

 

[زیرک]

مذہبی بحث میں نے کی ہی نہیں
فالتو عقل مجھ میں تھی ہی نہیں
اکبر الہ آبادی​

 

[زیرک]

شیخ اپنی رگ کو کیا کریں، ریشے کو کیا کریں
مذہب کے جھگڑے چھوڑیں تو پیشے کو کیا کریں
اکبر الہ آبادی​

 

[زیرک]

میں کب کہتا ہوں اے واعظ کہ میں نے رازِ دیں سمجھا
فقط اتنا ہی سمجھا ہوں، کہ تُو بھی کچھ نہیں سمجھا
اکبر الہ آبادی​

 

[زیرک]

یہ میری تمنا ہے پیاسوں کے میں کام آؤں
یا رب! مری مٹی کو پیمانہ بنا دینا
راز الہ آبادی​

 

[زیرک]

آسیبِ جفت سے ہوئے مانوس یوں کہ ہم
ہر دل سے اتر جاتے ہیں چار دن کے بعد
راز الہ آبادی​

 

[زیرک]

ہے اس سے جنگ اب ایسی کہ سامنا نہ کریں
کبھی اسی سے کمک مانگنے کی عادت تھی
جون ایلیا​

 

[زیرک]

نہیں معلوم کیا سازش ہے دل کی
کہ خود ہی مات کھائی جا رہی ہے
جون ایلیا​

 

[زیرک]

کیا کہیں، کچھ نہیں ہے کہنے کو
ہائے! کیا غم ملا ہے سہنے کو
جون ایلیا​

 

[زیرک]

دیکھ قاصد کو میرے، یار نے پوچھا تاباںؔ
کیا مرے ہجر میں جیتا ہے وہ غمناک ہنوز
تاباں عبدالحی​

 

[زیرک]

کر قتل مجھے ان نے عالم میں بہت ڈھونڈا
جب مجھ سا نہ کوئی پایا، جلاد بہت رویا
تاباں عبدالحی​

 

[زیرک]

اس زندگی نے ساتھ کسی کا نہیں دیا
کس بے وفا سے تجھ کو تمنا وفا کی ہے
مخفی بدایونی​