ریٹنگ

راحیل فاروق نے 'ذکر اردو محفل' کی ذیل میں اس موضوع کا آغاز کیا، ‏نومبر 19, 2016

  1. راحیل فاروق

    راحیل فاروق محفلین

    مراسلے:
    1,323
    جھنڈا:
    Pakistan
    موڈ:
    Psychedelic
    ہم نے دیکھا ہے کہ محفل پر مثبت اور منفی درجہ بندیوں کے حوالے سے گاہے گاہے باتیں ہوتی رہتی ہیں۔ کوئی گریاں ہے کہ فلاں کو فلاں ریٹنگ کیوں دی۔ کوئی نازاں ہے کہ فلاں نے فلاں ریٹنگ مجھے دی۔ کوئی شاکی ہے کہ مجھے سرے سے ریٹ ہی نہیں کیا گیا۔ کوئی کہتا ہے کہ ریٹنگ کا استعمال غلط ہو رہا ہے۔ کوئی چیں بجبیں ہے کہ وہ ریٹنگ دے ہی نہیں پا رہا۔ کسی کو قلق ہے کہ فلاں بٹن ہونا چاہیے تھا پر نہیں ہے۔ وغیرہ وغیرہ۔
    ہمیں عقلِ کل ہونے کا کوئی دعویٰ نہیں مگر ہم نے جب کبھی ذرا سا بھی تعمق کیا ہے تو اس سارے جنجال کو بالکل بے بنیاد اور اس فکر کو بالکل سطحی پایا ہے۔ اس کی دو وجوہ ہیں۔ پہلی تو یہ کہ اکثر کوئی بھی بٹن اس جذبے کا احاطہ نہیں کر سکتا جو کسی مراسلے سے آپ کے دل میں پیدا ہوتا ہے۔ دوسری یہ کہ اس جذبے کا اظہار کرنے یا نہ کرنے یعنی ریٹنگ دینے یا نہ دینے سے ہمارے خیال میں قطعاً کوئی فرق نہیں پڑتا جبکہ جذبہ درحقیقت پیدا ہو چکا ہے۔
    ان دونوں وجوہ کی کسی قدر تفصیل میں جانے سے قبل یہ سمجھ لینا ضروری ہے کہ زبردست سے لے کر مضحکہ خیز تک کے بٹن فی ذاتہم کوئی حیثیت نہیں رکھتے۔ ان کی جو کچھ بھی قدر ہے وہ صرف اس بنا پر ہے کہ زیرِ غور مراسلہ قاری کو کس قدر اور کس طرح متاثر کرتا ہے۔ یعنی یہ بٹن جذبات کے ترجمان ہیں، خود جذبات نہیں۔ اور یہ تو ہم جانتے ہی ہیں کہ جذبے کی ترجمانی حقیقی دنیا میں ہمیشہ ممکن نہیں ہوتی۔
    ترجمانی کی یہ رکاوٹ جہاں تک میں سمجھا ہوں، محفل پر دو طرح سے پیدا ہوتی ہے۔ پہلا رنگ یہ ہے کہ آپ کوئی مراسلہ پڑھ کر ایک ایسی کیفیت سے دوچار ہوتے ہیں جس کا اظہار کسی بھی بٹن سے کماحقہٗ نہیں ہو سکتا۔ مثلاً کوئی مراسلہ ایسا بھی ہو سکتا ہے جو محبت و رافت کے جذبات سے بھی لبریز ہو، تفنن کی چاشنی سے بھی بھرپور ہو اور آپ اس سے کلیۃً اتفاق بھی رکھتے ہوں۔ ہم ایسے مراسلوں کو زبردست کی ریٹنگ دیں گے۔ مگر دیکھا جائے تو یہ ریٹنگ صرف انتہائی مزاحیہ، انتہائی نکتہ خیز، انتہائی اہم مراسلوں کو بھی دی جا سکتی ہے۔ یعنی زبردست کا مطلب لازم نہیں کہ ہر دفعہ زبردست ہی ہو۔ مگر مسئلہ یہی ہے کہ آپ کے پاس کوئی اور چارہ نہیں ہے۔
    جذبات کے اظہار میں دوسری رکاوٹ داخلی ہے اور بعض لوگوں کی مخصوص افتادِ طبع سے تعلق رکھتی ہے۔ یعنی ممکن ہے کہ کوئی شخص فطرتاً جذبات کے اظہار سے گریز کرتا ہو۔ اب ایسے لوگ کسی بھی بٹن سے رجوع نہیں کریں گے۔ مگر اس کا مطلب یہ لینا کہ ایک مراسلے نے انھیں کسی کیفیت سے دوچار نہیں کیا، احمقانہ ہو گا۔ سادہ لفظوں میں، جذبات کے اظہار میں پہلی رکاوٹ درجہ بندیوں کا ناکافی ہونا ہے اور دوسری درجہ بندیوں کا عدم استعمال ہے۔ جذبات بہر صورت پیدا ہوتے ہیں گو ان کا اظہار اکثر نامکمل رہتا ہے۔
    اب اگر ریٹنگ کے استعمال پر ایک دوسرے پہلو سے غور کیا جائے تو معلوم ہوتا ہے کہ بٹنوں کی غرض و غایت چونکہ جذبات کا اظہار ہی ہے تو ان کے استعمال کو مکمل طور پر منفی یا مثبت قرار دینا خاصا غیر منطقی فعل ہو سکتا ہے۔ یعنی ایک صاحب کے مراسلوں پر آپ آگ بگولا ہو جاتے ہیں۔ دل میں نفرت کا لاوا پھوٹ نکلتا ہے۔ غیض و غضب اور کینہ و عناد کے جذبات پوری طرح ابھر چکے ہیں۔ لیکن محفل تب تک ان جذبات کے وجود کا انکار کرے گی جب تک آپ منفی ریٹنگ کا کوئی بٹن نہیں دباتے۔ اگر آپ دھڑا دھڑ منفی درجہ بندی کرنے لگے تو انتظامی لحاظ سے تو آپ کے خلاف کارروائی عمل میں لائی جا سکتی ہے مگر سوچنے کی بات یہ ہے کہ اصل مجرم کون ہے؟ نفرت پیدا کرنے والے مراسلوں کا لکھاری یا نفرت کے جذبات کا پورا پورا اظہار کرنے والا قاری؟
    ہمارا خیال ہے کہ نفرت انگیز مراسلہ لکھنا اور اس پر نفرت کا اظہار کرنا دونوں ہی دراصل جذبات کے اظہار کی شکلیں ہیں۔ ایک شخص لکھ کر بھڑاس نکالتا ہے دوسرا بٹن دبا کر۔ اگر جرم ثابت ہوتو دونوں صورتوں پر پابندی عائد ہونی چاہیے ورنہ فائدہ نہیں۔ بعینہٖ اسی طرح کا معاملہ مثبت جذبات کا بھی ہے۔ ایک خوب صورت مراسلہ لکھنے والا شخص اور اس پر عمدہ ریٹنگ دینے والا قاری دونوں اپنی ارفع کیفیات کے ابلاغ کے لیے متحرک ہوتے ہیں۔ اگر کسی شخص کی عطا کردہ مثبت درجہ بندیوں کی فراوانی موردِ اعتراض ہو سکتی ہے تو لکھنے والے سے پرسش کیوں نہ ہو؟
    جہاں تک ان درجہ بندیوں کی مادی اہمیت کا تعلق ہے تو ہمارے خیال میں یہ سوال ہی طفلانہ ہے۔ ہمیں جا بجا ناقص املا کا سامنا کرنا پڑتا ہے مگر شاید ہی کبھی ہم نے اس سے متعلق درجہ بندی کا استعمال کیا ہو۔ لیکن کیا ناقص املا کا بٹن نہ دبانے کا مطلب یہ لیا جا سکتا ہے کہ املا درست ہے؟ اگر ہم ایسا سوچیں تو یہ بڑی بے وقوفی ہو گی۔
    بات یہ سمجھنے کی ہے کہ ہر اچھا برا مراسلہ اپنا تاثر ضرور چھوڑتا ہے۔ مگر قاری کے محظوظ یا منغض ہونے کا اظہار کرنے سے کوئی حقیقی فرق نہیں پڑتا۔ مثلاً اگر آپ نے بہت اچھا افسانہ لکھا ہے تو ہم اس سے ضرور متاثر ہوں گے۔ مگر ممکن ہے کہ ہم وقت کی کمی، افتادِ طبع، ماحول یا کسی اور وجہ سے اپنے تاثر کا اظہار کرنے سے معذور ہوں۔ اب کیا آپ لٹھ لے کر ہمارے پیچھے پڑ جائیں گے کہ میاں، تمھیں افسانہ کیوں پسند نہیں آیا؟ افسانے کی کامیابی کا یہ ثبوت کیا زیادہ وقیع نہیں کہ اس نے ہمارے دل پر اپنا اثر چھوڑ دیا ہے؟
    پھر یہ بھی غور کرنا چاہیے کہ کسی خاص ماحول میں پسند کی جانے والی شے ہمیشہ اچھی نہیں ہوتی۔ مخصوص زمان و مکان سے آزاد ہو کر اپنا لوہا منوانے میں بڑے بڑوں کے چھکے چھوٹ جاتے ہیں۔ ممکن ہے کہ محفل پر لمبی سرخ پٹی کے ساتھ دکھائی دینے والے شخص کو وقت درست ثابت کر دے اور بے داغ لبادوں والے کوثر کے چھینٹوں سے بھی محروم رہ جائیں۔
    مزید یہ کہ اگر جذبات کا اظہار ہی مقصود ہو تو ہماری رائے میں تبصرے درجہ بندیوں سے کہیں زیادہ مفید مطلب ہیں۔ تبصروں میں آپ زیادہ واضح طور پر یہ بیان کرنے کے قابل ہوتے ہیں کہ آپ کیا محسوس کر رہے ہیں اور کیا سوچ رہے ہیں۔ ریٹنگ تو ایک خلاصہ ہے اور وہ بھی کم و بیش مشینی قسم کا۔ اس کا اعتبار اور پھر اس کو دی جانے والی اہمیت دونوں غیر منطقی ہیں۔
    اگر آپ واقعی اچھا لکھ رہے ہیں، اعلیٰ خیالات کے فروغ میں اپنا حصہ ڈال رہے ہیں، خوب صورت گفتگوئیں کر رہے ہیں تو اول تو لوگوں کے سینوں میں دھڑکتے ہوئے دل درجہ بندی کے بٹنوں سے زیادہ وفاداری کے ساتھ آپ کی قدر کریں گے۔ اور اگر بوجوہ ایسا ممکن نہ بھی ہو سکا تو جان لیجیے کہ وقت کائنات کا ضمیر ہے۔ آج نہیں تو کل آپ کے حق میں لوگوں سے ضرور بغاوت کرے گا۔
     
    • زبردست زبردست × 6
    • متفق متفق × 4
    • پسندیدہ پسندیدہ × 2
    • غیر متفق غیر متفق × 1
  2. محمد تابش صدیقی

    محمد تابش صدیقی منتظم

    مراسلے:
    24,074
    جھنڈا:
    Pakistan
    موڈ:
    Breezy
    آپ کو انٹرنیشنل یونیورسٹی آف اردو محفل کی جانب سے ریٹنگ پر پی. ایچ. ڈی. کی ڈگری دی جاتی ہے.
     
    • پر مزاح پر مزاح × 6
    • متفق متفق × 1
  3. یاز

    یاز محفلین

    مراسلے:
    18,114
    جھنڈا:
    Pakistan
    موڈ:
    Confused
    اج تے ہو گئی ریٹنگ ریٹنگ
     
    • پر مزاح پر مزاح × 5
  4. عبداللہ محمد

    عبداللہ محمد مدیر

    مراسلے:
    9,871
    جھنڈا:
    Pakistan
    یا ریٹنگ تیرا ای آسرا اے۔۔۔
     
    • غمناک غمناک × 1
  5. ربیع م

    ربیع م محفلین

    مراسلے:
    3,563
    جھنڈا:
    Pakistan
    موڈ:
    Lonely
    ویسےمنفی ریٹنگ سے مجھے جو خوشی ہوتی ہے وہ ناقابل بیان ہے۔۔۔۔۔۔۔!
     
    • پر مزاح پر مزاح × 5
  6. ایچ اے خان

    ایچ اے خان معطل

    مراسلے:
    14,183
    موڈ:
    Cool
    منفی ریٹنگ کی مجھے عادت ہے
    لوگ وہی دے سکتے ہیں جو ان کے پاس ہے
     
    • غیر متفق غیر متفق × 2
    • پسندیدہ پسندیدہ × 1
    • معلوماتی معلوماتی × 1
  7. فہد اشرف

    فہد اشرف محفلین

    مراسلے:
    6,548
    جھنڈا:
    India
    موڈ:
    Relaxed
    اگر "غیر متفق" والے بٹن کو منفی کے زمرے سے نکال کے نیوٹرل کر دیا جائے (جمہوریت کا تقاضابھی یہی ہے) تو ریٹنگ کے مسائل کم ہو جائیں گے۔
     
    • متفق متفق × 3
    • زبردست زبردست × 1
  8. ابن سعید

    ابن سعید خادم

    مراسلے:
    60,143
    ملاحظہ فرمائیں! :) :) :)
     
    • پسندیدہ پسندیدہ × 1
    • معلوماتی معلوماتی × 1
  9. ابن سعید

    ابن سعید خادم

    مراسلے:
    60,143
    اس کو اظہا رائے کا ذریعہ سمجھنا اس کا ایک پہلو ہے جبکہ مراسلے کی درجہ بندی کا آلہ سمجھنا دوسرا اور اہم پہلو ہے۔ اظہار رائے تو مفصل تبصرے کی صورت بھی ممکن ہے۔ عموماً درجہ بندی کی سہولت سے انفرادی بنیادوں پر بہت نتیجہ خیز بات سامنے نہیں آتی، بلکہ اس کا مجموعی تاثر اہمیت رکھتا ہے۔ مثلاً کسی ایک رکن کے بارے میں تاثر ایک مراسلے پر موصول درجہ بندیوں سے قائم نہیں کیا جا سکتا، لیکن مثال کے طور پر کسی رکن کو مجموعی طور پر کئی مراسلوں پر ناقص املا کی درجہ بندی موصول ہوئی ہو تو ان کے ساتھ املا کے مسائل ہو سکتے ہیں۔ اسی طرح آپ کے بیان کے مطابق اگر کوئی ایک ہی مراسلہ مختلف درجہ بندیوں کا مستحق ہو تو اسے مختلف احباب کی جانب سے مختلف درجہ بندیاں موصول ہو جائیں گی، ایسے میں کسی ایک رکن نے کیا درجہ بندی عطا کی یہ بات زیادہ معنی نہیں رکھتی۔ :) :) :)
    انتظامی کاروائی اس بات پر نہیں ہوتی کہ کس کی عطا کردہ یا محصول درجہ بندیوں کی منفی تعداد کتنی زیادہ ہے، بلکہ اس بات پر ہوتی ہے جب کوئی اس سہولت کا بے تحاشہ بے جا استعمال کرے، مثلاً کسی ایک رکن یا چند اراکین کو نشانہ بنا کر ان کے مراسلوں پر بغیر سوچے سمجھے غیر متفق کی درجہ بندی کرنا خواہ اس میں اتفاق یا عدم اتفاق کا کوئی پہلو ہو یا نہ ہو، اسی طرح املا کا نقص نہ پاتے ہوئے بھی کئی مراسلوں پر پہ در پہ ناقص املا کی درجہ بندی دینا۔ یوں درجہ بندی کے مجموعی نتائج کو متاثر کرنا اس سہولت کے ساتھ زیادتی ہے۔ ایسے عمل کو آزادی اظہار رائے کے کھاتے میں ڈالنے کا کوئی جواز نہیں۔ :) :) :)
    ایک دفعہ پھر دہرائیں گے کہ یہاں اجتماعی تاثر کی اہمیت ہوتی ہے۔ ہر قاری سے درجہ بندی کی توقع نہیں کی جاتی، بلکہ ایک طرح کی متناسب "سیمپلنگ" ہی سامنے آتی ہے۔ مثلاً کوئی مراسلہ دیگر مراسلوں کی نسبت زیادہ پر کشش ثابت ہو تو اس میں دیگر مراسلوں کی نسبت درجہ بندیاں بھی عموماً زیادہ موصول ہوتی ہیں۔ یہ کوئی قاعدہ کلیہ نہیں، بلکہ مراسلہ کہاں ارسال کیا، کس نے ارسال کیا، کب ارسال کیا، کتنے لوگوں تک اس کی رسائی ہوئی، اور ان لوگوں کے مرسل کے ساتھ تعلقات کیسے ہیں ایسے کئی عوامل درجہ بندیوں کی تعداد پر اثر انداز ہوتے ہیں۔ :) :) :)
     
    • پسندیدہ پسندیدہ × 4
    • معلوماتی معلوماتی × 1
  10. محمد وارث

    محمد وارث لائبریرین

    مراسلے:
    25,430
    جھنڈا:
    Pakistan
    موڈ:
    Depressed
    ریٹنگ کا نظام اتنا برا بھی نہیں ہے جتنا فلسفیانہ موشگافیوں سے بنایا جا سکتا ہے۔ میری طرح کے ایک عام سے قاری کو ان کا کافی فائدہ ہے، سو فیصدی نہ سہی لیکن کسی مراسلے پر دی گئیں ریٹنگز کافی حد تک قارئین کے مزاج کی وضاحت کر دیتی ہیں۔

    اس کا سب سے بڑا منفی پہلو "ٹِٹ فار ٹیٹ" قسم کی "ریٹنگ وار" ہے، جس کے نوٹس میں آنے پر انتظامیہ مناسب اقدام کرتی ہے اور کرتی رہی ہے۔

    باقی ہر کسی کی اپنی اپنی پسند ناپسند اور رائے ہوتی ہے، جیسا کہ میں پہلے بھی اظہار کر چکا ہوں کہ "غیر متفق" ریٹنگ کو منفی ریٹنگ نہیں ہونا چاہیے، اس کا منطقی نتیجہ پھر یہ نکلتا ہے کہ "متفق" ریٹنگ کو بھی مثبت نہیں ہونا چاہیے، ٹھیک ہے یہ دونوں ریٹنگرز نیوٹرل ہو سکتی ہیں لیکن ظاہر ہے کہ انتظامیہ اس سلسلے میں حتمی فیصلہ کرنے کا استحقاق رکھتی ہے سو سرِ تسلیم خم ہے :)
     
    • پسندیدہ پسندیدہ × 4
    • معلوماتی معلوماتی × 1
    • متفق متفق × 1
  11. زیک

    زیک محفلین

    مراسلے:
    37,399
    جھنڈا:
    UnitedStates
    موڈ:
    Amused
    ہونا تو یہ چاہیئے تھا کہ اس لڑی کے مراسلوں پر کوئی ریٹنگ نہ دی جاتی
     
    • پر مزاح پر مزاح × 5
    • متفق متفق × 2
    • پسندیدہ پسندیدہ × 1
  12. عبداللہ محمد

    عبداللہ محمد مدیر

    مراسلے:
    9,871
    جھنڈا:
    Pakistan
    محمد وارث بھائی معلوم نہیں تھا آپکے پاس محض "غیر متفق" رویہ ہے- :)
     
    • پر مزاح پر مزاح × 3
    • پسندیدہ پسندیدہ × 1
  13. ربیع م

    ربیع م محفلین

    مراسلے:
    3,563
    جھنڈا:
    Pakistan
    موڈ:
    Lonely
    جن کیلئے لکھا تھا وہی پرمزاح قرار دے کر چل دئیے۔۔۔!
    ہون بندہ کی کرے ؟!!
     
    • پر مزاح پر مزاح × 1
  14. عثمان

    عثمان محفلین

    مراسلے:
    9,697
    موڈ:
    Cheerful
    دلچسپ بات ہے کہ جو لوگ اولین مراسلے سے متفق ہیں وہ متفق کی ریٹنگ دے رہے ہیں۔ :)
    یہ دراصل "زبردست" کا سنہری تمغہ ہے جو ایسا خوشگوار تاثر چھوڑتا ہے۔ اسی طرح لوگ "غیرمتفق" کا لال کراس دیکھ کر طیش میں آ جاتے ہیں۔ مجھے بعض دفعہ محسوس ہوتا ہے کہ اگر لال کراس کی بجائے محض "غیر متفق" نمایاں ہوں تو اس کا منفی اثر کم ہوگا۔
    اوپر تبصرے میں کئی گئی بات درست ہے کہ کسی مراسلے پر ریٹنگ محفلین کے تاثرات کا سامپل ہے۔
    درست کہ ریٹنگ نہ الفاظ کا متبادل ہے اور نہ ہی جذبات کی صحیح ترجمان ہے۔ لیکن دوسری طرف الفاظ بھی ریٹنگ اور اس میں چھپے تاثرات کے ترجمان نہیں۔ تصور کیجیے دو آمنے سامنے بیٹھے افراد کی گفتگو جو مسکراہٹ ، نظر ملانے اور سر کے ہلانے کی حرکات سے عاری ہو کر محض زبان سے نکلے الفاظ پر محدود ہو۔ کیا ایسی گفتگو فریقین کے مافی الضمیر کا احاطہ کر سکتی ہے ؟ علامات (اور ریٹنگ) اہم ہے اور بہت اہم ہے۔
     
    آخری تدوین: ‏نومبر 19, 2016
    • پسندیدہ پسندیدہ × 3
  15. نیرنگ خیال

    نیرنگ خیال لائبریرین

    مراسلے:
    17,799
    جھنڈا:
    Pakistan
    موڈ:
    Dunce
    بہت "Deep" لے گئے ہیں درجہ بندی کو حضور۔۔۔۔۔ خیر ہو۔۔۔
     
    • پر مزاح پر مزاح × 2
  16. گلزار خان

    گلزار خان محفلین

    مراسلے:
    806
    جھنڈا:
    Pakistan
    موڈ:
    Dunce
    میں نے کچھ عرصہ پہلے محفل پے ایچ اے خان کی الودع محفل کی لڑی پڑھی تھی لیکن اس میں کافی لوگ تھے جو کہ رہے تھے کہ ہماری آپ سے بھی نہیں بنتی اور ہمشہ اختلاف ہی رہتا ہے اور آپ محفل سے نا جائیں لیکن آج میں کافی مدت بعد واپس آیا تو محفل کے دو پرانے ممبرز کو معطل دیکھا لیکن وجہ نہیں معلوم کے کس وجہ سے معطل کیئے گئے ھیں ایک عارف کریم اور دوسرا یہ ایچ اے خان کوئی بتاسکتا ہے کہ انکو کیوں معطل کیا گیا اور کب تک بحال ہوگئے یا پرمننٹ کے لیئے معطل کیا گیا ہے ؟
     
    • پسندیدہ پسندیدہ × 1
  17. فہد اشرف

    فہد اشرف محفلین

    مراسلے:
    6,548
    جھنڈا:
    India
    موڈ:
    Relaxed
    عارف کریم کے بارے میں کچھ کہا نہیں جا سکتا ایچ اے خان کو مستقل ہی سمجھیں
     
  18. گلزار خان

    گلزار خان محفلین

    مراسلے:
    806
    جھنڈا:
    Pakistan
    موڈ:
    Dunce
    عارف کریم اچھا انسان ہے اسکو بحال کرنا چاہیے ایک بار میرا بھی ان سے اختلاف ہوا ہے لیکن بندہ اچھا ہے
     
    • متفق متفق × 1

اس صفحے کی تشہیر