روکتا ہے غمِ اظہار سے پِندار مُجھ
روکتا ہے غمِ اظہار سے پِندار مُجھے
مرے اشکوں سے چُھپا لے مرے رُخسار مُجھے
دیکھ اے دشتِ جُنوں بھید نہ کُھلنے پائے
ڈھونڈنے آئے ہیں گھر کے در و دیوار مُجھے
سِی دیے ہونٹ اُسی شخص کی مجبوری نے
جِس کی قُربت نے کیا مِحرمِ اسرار مُجھے
میری آنکھوں کی طرف دیکھ رہے ہیں اَنجُم
جیسے پہچان گئی ہو شبِ بیدار مُجھے
جِنسِ ویرانیِ صِحرا میری دوکان میں ہے
کیا خریدے گا ترے شہر کا بازار مُجھے
جَرسِ گُل نے کئی بار بلایا لیکن
لے گئی راہ سے زنجیر کی جَھنکار مُجھے
نَاوکِ ظُلم اُٹھا دَشنہِ اَندوہ سَنبھَال
لُطف کے خَنجرِ بے نام سے مت مار مُجھے
ساری دُنیا میں گَھنی رات کا سنّاٹا تھا
صحنِ زِنداں میں ملے صُبح کے آثار مُجھے
کلامِ مصطفٰے زیدی
روکتا ہے غمِ اظہار سے پِندار مُجھے
مرے اشکوں سے چُھپا لے مرے رُخسار مُجھے
دیکھ اے دشتِ جُنوں بھید نہ کُھلنے پائے
ڈھونڈنے آئے ہیں گھر کے در و دیوار مُجھے
سِی دیے ہونٹ اُسی شخص کی مجبوری نے
جِس کی قُربت نے کیا مِحرمِ اسرار مُجھے
میری آنکھوں کی طرف دیکھ رہے ہیں اَنجُم
جیسے پہچان گئی ہو شبِ بیدار مُجھے
جِنسِ ویرانیِ صِحرا میری دوکان میں ہے
کیا خریدے گا ترے شہر کا بازار مُجھے
جَرسِ گُل نے کئی بار بلایا لیکن
لے گئی راہ سے زنجیر کی جَھنکار مُجھے
نَاوکِ ظُلم اُٹھا دَشنہِ اَندوہ سَنبھَال
لُطف کے خَنجرِ بے نام سے مت مار مُجھے
ساری دُنیا میں گَھنی رات کا سنّاٹا تھا
صحنِ زِنداں میں ملے صُبح کے آثار مُجھے
کلامِ مصطفٰے زیدی
