رتجگے کے نام سخن۔۔ ایک نیا سلسلہ

[مغزل]

ہمیں بھی نیند آجائے گی ہم بھی سو ہی جائیں
ابھی کچھ بے قراری ہے ستارو تم تو سوجاؤ
قتیل شفائی

 

[شمشاد]

ساقیا آج مجھے نیند نہیں آئے گی
سُنا ہے تیری محفل میں رتجگا ہے

 

[زبیر مرزا]

کھل کے رویا بھی نہ تھا، ہار کے سویا بھی نہ تھا
وہ بھی کب میں نے کمایا تھا جو تقدیر میں تھا

 

[غ۔ن۔غ]

بکھرا ہوا ہوں صرصرِ شامِ فراق سے
اب آبھی جاؤ، اور مجھے آکر سمیٹ لو

 

[کاشفی]

غضب کیا ترے وعدے پر اعتبار کیا
تمام رات قیامت کا انتظار کیا
(داغ دہلوی رحمتہ اللہ علیہ)

 

[محمد وارث]

تم تو یارو ابھی سے اُٹھ بیٹھے
شہر میں رات جاگتی ہے ابھی

ناصر کاظمی

 

[شمشاد]

تیرے فراق کی راتیں کبھی نہ بھولیں گی
مزے ملے انہی راتوں میں عمر بھر کے مجھے
(ناصر کاظمی)

 

[کاشفی]

ہم نے رو رو کے رات کاٹی ہے
آنسوؤں پر یہ رنگ تب آیا
(مرزا جعفر علی خان اثر لکھنوی)

 

[کاشفی]

شبِ فراق میں رو رو کے مر گئے آخر
یہ رات جیسی تھی ویسی رہی ، سحر نہ ہوئی
(خواجہ میر حسن، حسن)

 

[مغزل]

رات بھر نیند نے دلاسے دیئے
میں ترے بازوؤں میں سمٹا رہا !
م۔م۔مغل

 

[سعدی غالب]

موت کا ایک دن معین ہے
نیند کیوں رات بھر نہیں آتی

 

[فاتح]

موت سے مت ڈرا مجھے، نیند سے مت جگا مجھے
فقر گو دل رُبا مجھے، خوابِ غنا دکھا مجھے
(فاتح الدین بشیر)

 

[مغزل]

موت کا ایک دن معین ہے
نیند کیوں رات بھر نہیں آتی

موت سے مت ڈرا مجھے، نیند سے مت جگا مجھے
فقر گو دل رُبا مجھے، خوابِ غنا دکھا مجھے
(فاتح الدین بشیر)

سعدی بہن اور فاتح بھائی لیجے ، ہم نے بھی کچھ کہا تھا ۔۔۔

رات جاتی دکھائی دیتی ہے
نیند آتی نظر نہیں آتی !!!!
(نذرِ غالب ایک غزل سے)
م۔م۔مغل

 

[فاتح]

رات جاتی دکھائی دیتی ہے
نیند آتی نظر نہیں آتی
واہ کیا خوبصورت شعر ہے۔ سبحان اللہ سبحان اللہ

 

[سعدی غالب]

تا پھر انتظار میں نیند آئے نہ عمر بھر
آنے کا عہد کر گئے، آئے جو خواب میں

 

[غ۔ن۔غ]

دوپہر شام ہوئی ، شام شبِ تار ہوئی
اور کھلتے رہے کھلتے رہے باتوں کے گلاب

 

[محمد بلال اعظم]

زندگی بکھرتی ہے، شاعری نکھرتی ہے
دل بروں کی گلیوں میں، دل لگی کے کاموں میں

 

[نیرنگ خیال]

نہیں کہ مجھ کو قیامت کا اعتقاد نہیں​

شبِ فراق سے روزِ جزا زیاد نہیں​

غالب​

​