دیوانِ غالب نسخۂ اردو ویب ڈاٹ آرگ (مکمل)
- صاحب لڑی جیہ
- تاریخ ابتداء
-
- ٹیگ
- دیوان دیوان غالب غالب مرزا غالب
شمشاد
لائبریرین
سعود بھائی ان کے پروفائل میں ایک شعر لکھا ہوا ہے :
جی ڈھونڈھتا ہے پھر وہی فرصت کے رات دن
جبکہ میرا کہنا تھا کہ یہ مصرعہ ایسے ہے :
جی ڈھونڈھتا ہے پھر وہی فرصت، کہ رات دن
اسی سلسلے میں اس دھاگے سے دیوان غالب کا نسخہ اتارا گیا تھا کہ میرے کمپیوٹر میں پہلے والی ہارڈ ڈسک خراب ہو گئی تھی جس میں سب خزانہ تھا۔
جی ڈھونڈھتا ہے پھر وہی فرصت کے رات دن
جبکہ میرا کہنا تھا کہ یہ مصرعہ ایسے ہے :
جی ڈھونڈھتا ہے پھر وہی فرصت، کہ رات دن
اسی سلسلے میں اس دھاگے سے دیوان غالب کا نسخہ اتارا گیا تھا کہ میرے کمپیوٹر میں پہلے والی ہارڈ ڈسک خراب ہو گئی تھی جس میں سب خزانہ تھا۔
جیہ
لائبریرین
ابن سعید
خادم
بہت بہت مبارک ہو جویریہ بٹیا۔
احباب اس نسخے کو اردو ویب ڈیجیٹل لائبریری کی سائٹ پر ملاحظہ فرما سکتے ہیں۔
ابن سعید
خادم
جویریہ بٹیا! لائبریری سائٹ کا اجرا پچھلے برس 15 جولائی کو ہوا تھا۔ اور یہ کتاب اولین کتابوں میں سے ایک تھی۔ لہٰذا لائبریری سائٹ کی سالگرہ کے ساتھ ہی اس کی سالگرہ بھی منا لی گئی۔ایسے کیسے مبارک ہو ۔۔۔
پشتو کہاوت ہے ترجمہ: عید گزر جائے تو مہندی دیوار پہ دے مارو
ابن سعید
خادم
یہ والی اور اس جیسی دوسری بہت ساری ایموٹ آئیکنز محض تاریخی وجوہات کے چلتے میں میں شامل ہیں، ان کو استعمال کرنے کی اجازت نہیں ہے۔یک نہ شد دو شد ۔۔۔ ۔
جیہ
لائبریرین
زبردست سعود بھائی۔ نہایت ہی زبردست۔بہت بہت مبارک ہو جویریہ بٹیا۔
احباب اس نسخے کو اردو ویب ڈیجیٹل لائبریری کی سائٹ پر ملاحظہ فرما سکتے ہیں۔
ابن سعید
خادم
جیہ
لائبریرین
ڈھیر ساری دعائیںمانگیں کیا مانگتی ہیں بٹیا؟
ابن سعید
خادم
غلام ربانی فدا
محفلین
مبارک ہو
جیہ
لائبریرین
تحقیقِ مزید
میں تو سمجھی تھی کہ دیوانِ غالب نسخۂ اردو ویب ڈاٹ کام پر کام مکمل ہو چکا ہے مگر جناب سید شہزاد ناصر صاحب نے ایک غزل۔۔ہزاروں خواہشیں ایسی کہ ۔۔۔ کی طرف توجہ دلائی کہ اس کے ایک شعر میں کچھ گڑبڑ ہے۔ یہ غزل ہمارے نسخے میں ۲۴۹ نمبر پر درج ہے اور جس شعر کے بارے میں شبے کا اظہار کیا گیا تھا۔ وہ شعر یہ ہے:
ذرا کر زور سینے پر کہ تیرِپُر ستم نکلے
جو وہ نکلے تو دل نکلے، جو دل نکلے تو دم نکلے
حیرت کی بات یہ ہے یہ شعر داغ دہلوی کے ہاں معمولی فرق کے ساتھ ایک غزل کا مطلع ہے۔
نکال کر اب تیر سینے سے کہ جانِ پُر الم نکلے
جو یہ نکلے تو دل نکلے، جو دل نکلے تو دم نکلے
شک رفع کرنے کے لئے مجھے ایک بارپھر اپنی لائبریری میں موجود دیوان غالب کے سات نسخوں کو دیکھنا پڑا۔ ان نسخوں کی تفصیل یہ ہے:
· دیوان غالب نسخہ مہر (نوائے سروش)
· دیوان غالب مصور۔ نقش چغتائی ۔ اس نسخے پر سن اشاعت موجود نہیں البتہ یہ نسخہ ۱۹۶۴ میں خریدا گیا تھا
· دیوان غالب نسخہ حمیدیہ
· دیوان غالب نسخہ طاہر ۔ گوہر نوشاہی کے تمہید و تعارف کے ساتھ
· دیوان غالب بہ خطِ نفیس قلم۔ مرتبہ حامد علی خان
· دیوان غالب فرہنگ کے ساتھ شایع کردہ مکتبہ جمال
· دیوان غالب شایع کردہ فیروزسنز
ان نسخوں کو دیکھنے کے بعد جو نتیجہ نکلا اس کی تفصیل درجِ ذیل ہے۔
دیوان غالب نسخۂ حمیدیہ میں یہ پوری غزل موجود نہیں۔ اس کا مطلب ہے کہ یہ غزل ۱۹۲۸ کے بعد لکھی گئی ہے۔
نسخہ مہر کے علاوہ تمام دوسرے نسخوں میں یہ شعر موجود نہیں۔ عجیب بات یہ ہے کہ مہر صاحب نے شعر درج تو کیا ہے مگر اس کا حوالہ نہیں دیا ہے کہ یہ شعر کہاں سے لیا گیا ہے۔ نہ صرف یہ بلکہ اس شعر کی تشریح بھی نہیں کی ہے۔ نتیجہ یہ کہ مجھے شک ہے کہ شعر غالب کا نہیں۔ تاہم غالب کے حوالے سے مولانا غلام رسول مہر ایک معتبر اور مستند نام ہے لہذا ہم اس شعر کو اپنے نسخے سے نکال نہیں رہے۔ البتہ اس کے بارے میں حاشیہ نمبر 203 کا اضافہ کر دیا گیا ہے۔
اب اسی غزل کے اس شعر کے بارے بات کرتے ہیں۔
خدا کے واسطے پردہ نہ کعبے سے اٹھا ظالم
کہیں ایسا نہ ہویاں بھی وہی کافر صنم نکلے۔
یہ ایک مشہور شعر ہے مگر مجھے صرف دو نسخوں میں درج مل گیا۔ ایک نسخۂ مہر اور دوسرا نسخہ طاہر۔ اس شعر کی بھی مہر صاحب نے نوائے سروش میں تشریح نہیں کی ہے۔
اس کے بارے میں حاشیہ نمبر 204 کا اضافہ کیا گیا ہے۔
آپ اس ترمیم شدہ دیوان غالب نسخۂ اردوویب ڈاٹ کام کو یہاں سے ڈاون لوڈ کر سکتے ہیں۔
دیوان غالب نسخہ اردو ویب ڈاٹ آرگ۔ ترمیم شدہ نومبر 2013
والسلام
جویریہ مسعود