دیئے گئے لفظ پر شاعری - دوسرا دور

[راجہ صاحب]

جب کوئی کسی سے پیمان وفا کرتا ھے
کانپ اٹھتا ہوں کہیں مجھ ہی سا انجام نہ ہو
نامعلوم

کانپ

 

[شمشاد]

تیرے جلو میں بھی دل کانپ کانپ اٹھتا ہے
میرے مزاج کو آسودگی بھی راس نہیں
(ناصر کاظمی)

مزاج

 

[شمشاد]

بہت دنوں سے اس دھاگے پر پیشرفت نہیں ہوئی۔

 

[راجہ صاحب]

سچ ہے خدا کی دین میں‌کیا دخل ہوسکے
اک داغ کا مزاج ہے اک آپ کا مزاج
داغ دہلوی

اب اگلا لفظ دخل

 

[شمشاد]

اگر درست فعل ہے تو مصلحت کا دخل کیا
شعور جب ملا ہے تو ہدائتیں نہ مانگیے
(سہیل ثاقب)

 

[کاشفی]

مصلحت ترک عشق ہے ناصح
ایک یہ ہم سے ہو نہیں سکتا
(خواجہ احسن اللہ بیان)

ترک

 

[شمشاد]

بس ابلے دے کے ہے ترکِ تعلق​

یہ نسخہ بھی کوئی دن آزمائیں​

(احمد مشتاق)​

​

تعلق​

 

[غ۔ن۔غ]

سارے رشتے جھوٹ ہیں' سارے تعلق پُر فریب​

پھر بھی سب قائم رہیں یہ بد دعا کر آئے ہیں​

پر فریب​

 

[شمشاد]

پرفریب تو نہیں ملا، صرف فریب پر گزارہ کریں۔
------------------------------------------------

اللہ رے فریبِ مشیت کہ آج تک​

دنیا کے ظلم سہتے رہے خامشی سے ہم​

(ساحر لدھیانوی)​

​

ظلم​

 

[غ۔ن۔غ]

اے عشق نہ چھیڑ آ آ کے ہمیں،ہم بھولے ہوؤں کو یاد نہ کر
پہلے ہی بہت ناشاد ہیں ہم،تو اور ہمیں ناشاد نہ کر
قسمت کا ستم ہی کم نہیں کچھ،یہ تازہ ستم ایجاد نہ کر
یوں ظلم نہ کر بیداد نہ کر،اے عشق ہمیں برباد نہ کر

قسمت

 

[مغزل]

قسمت میں ایک بار تو ملنا نصیب ہو
ہر دم یہی دعا ہے دلِ زار زار کی !!
فی البدیہہ

اگلا لفظ: دعا

 

[بانیاز خان]

عمل سے بھی مانگا وفا سے بھی مانگا
تجھ کو میں نے تیری رضا سے بھی مانگا
نہ کچھ ہوسکا تو دعا سے بھی مانگا
قسم ہے خدا کی خدا سے بھی مانگا

وضو

 

[مغزل]

سوچتے ہیں تجھے وضو کرکے
یوں ترا احترام کرتے ہیں

احترام

 

[بانیاز خان]

حضور آپ کا بھی احترام کرتا چلوں
ادھر سے گذرا تھا سوچا سلام کرتا چلوں


اگلہ لفظ

ہندو

 

[شمشاد]

دیر ہی ہو گئی اس دھاگے پر کسی کو آئے ہوئے۔
---------------------------------------------------------

بیٹھا ہے جو کہ سایہ دیوارِ یار میں
فرماں روائے کشورِ ہندوستان ہے
(چچا)

دیوار

 

[مغزل]

اب تجھے سایہ میسر ہے تو پھر سائے میں بیٹھ
کس طرف گرتی ہے دیوار ، تجھے کیا معلوم !
لیاقت علی عاصم

سایہ

 

[شمشاد]

بے در و دیوار سا اک گھر بنایا چاہیے
کوئی ہم سایہ نہ ہو اور پاسباں کوئی نہ ہو
(چچا)

گھر

 

[مغزل]

ایک ہنگامے پہ موقوف ہے گھر کی رونق
نوحۂ غم ہی سہی نغمۂ شادی نہ سہی !!!!!!!
میرزا اسدا للہ خاں غالب

ہنگامے/ ہنگامہ

 

[شمشاد]

سکونِ بیکراں میں کوئی ہنگامہ نہیں اُٹھتا
زمیں و آسماں میں کوئی ہنگامہ نہیں اُٹھتا
(عبد الحمید عدم)

سکون

 

[مغزل]

سکوں یہاں بھی نہیں ہے نہ کوئی راحت ہے
ہمارے دل میں مقید تمھاری چاہت ہے ۔۔۔۔

نامعلوم
(برسبیلِ لفظ پر شعر)

اگلا لفظ : راحت