اعظمی صاحب کے ترجمے سے میں تھوڑا پہلے بھی گھبرایا تھا یعنی "درمیاں پھولوں کے مثلِ خار ہے تیرا وجود" یہاں یوں لگ رہے کہ پھولوں کے درمیان تیرا وجود مثلِ خار ہے، ظاہر ہے کہ سعدی کا یہ مطلب نہیں تھا بلکہ یہ ہے کہ درمیاں کانٹوں کے مثلِ گل تُو ہے۔ شاکر القادری صاحب کا ترجمہ خوب ہے۔
آپ نے درست فرمایا۔ میرا اِس جانب پہلے خیال نہیں گیا تھا، لیکن ابھی آپ نے توجہ دلائی ہے تو واقعی یہی محسوس ہو رہا ہے کہ اردو مصرعے میں مترجم الٹی بات کہہ گئے ہیں۔ اگر 'درمیاں خاروں کے مثلِ پھول۔۔۔' کہا ہوتا تو مفہوم کی درست تر ادائیگی ہو سکتی تھی۔ ممکن ہے مترجم نے یہی کہا ہو، لیکن انٹرنیٹ پر کتابت کی غلطی کی وجہ سے معکوس ہو گیا ہے۔
