خواب

[سارا]

کیا کیا نہ خواب ہجر کے موسم میں کھو گئے
ہم جاگتے تھے مگر بخت سو گئے

کیا دکھ تھا کون جان سکے گا نگارِ شب
جو میرے اور تیرے دوپٹے بگھو گئے۔۔

 

[ہما]

دیکھ لو خواب مگر خواب کا چرچا نہ کرو
لوگ جل جائیں گے، سورج کی تمنا نہ کرو

 

[شمشاد]

خواب اپنا کوئی شرمندئہ معنی نہ ہُوا
خواب ایسا کسے قسمت نے دِکھایا ہو گا؟
(سرور)

 

[ہما]

ذرا سی دیر کو آئے تھے خواب آنکھوں میں
پھر اُس کے بعد مُسلسل عذاب آنکھوں میں

 

[شمشاد]

وہ بادۂ شبانہ کی سر مستیاں کہاں
اٹھیے بس اب کہ لذّتِ خوابِ سحر گئی
(چچا)

 

[عمر سیف]

جاگے تو محض ریت ہی پائیں گے ہر طرف
گر ہو سکے تو خواب میں ساحل نہ دیکھئے

 

[نوید صادق]

بیاں خواب کی طرح جو کر رہا ہے
یہ قصہ ہے جب کا کہ آتش جواں تھا

شاعر: حیدر علی آتش

 

[شمشاد]

زندگی اک خواب ہے اور خواب بھی بھولاہوا
اور میں اس خواب کی بگڑی ہوئی تعبیر ہوں
(سرور)

 

[عیشل]

زرد موسم کے اُجاڑ لمحوں میں
ہم رو پڑے یونہی ہنستے ہنستے
یارب اب تو کوئی تعبیر بخش دے
کہ تھک گئیں آنکھیں خواب بنُتے بنُتے​

 

[شمشاد]

وہ خوابِ شوق تھا اور یہ ہے خواب کی تعبیر
خوشا کہ محفلِ اردو کی کھل گئی تقدیر
(سرور)

 

[سارہ خان]

یہ غربتیں میری آنکھوں میں کیسی ُاتری ہیں
کہ خواب بھی میرے ُرخصت ہیں، رتجگا بھی گیا

 

[شمشاد]

یاد بھی خواب ہوئی، یاد وہ آتے کیوں ہیں؟
روز و شب اک نیا افسانہ سناتے کیوں ہیں؟
(سرور)

 

[عمر سیف]

سونی راتوں میں سر بستر خواب راحت
بیٹھا رہتا ہے کسی بات پہ گریاں کوئی

 

[شمشاد]

ادھر الماریوں میں چند اوراق پریشاں ہیں
مرے یہ باقیماندہ خواب میری جان لے جانا
(اعتبار ساجد)

 

[پاکستانی]

خواب سودا گری کرتے ہیں
ہر اک تعبیر کی قیمت وصول کرتے ہیں
صحرائے بے آب میں
آبلہ پا سفر پہ مجبور کرتے ہیں
تھوڑی خوشیاں دے کر
بہت سا رنجور کرتے ہیں
کسی تعبیر کی صورت
ساعتوں میں ڈھل جاتے ہیں
کبھی صدیوں کی مسافتیں نذر کرتے ہیں
روشنی کا سراب دے کر
تاریکیاں ہمسفر کرتے ہیں
خواب عذاب ہیں
نا تمام خواہشوں کی کتاب ہیں
کہیں خار تو کہیں گلاب ہیں
دل ِ بے خبر کو آشنائے درد کرتے ہیں
کچھ اس ادا سے دلبری کرتے ہیں
زخم دے کر چارہ گری کرتے ہیں
خواب سودا گری کرتے ہیں ۔۔۔۔۔۔۔

 

[شمشاد]

پھر یوں ہوا کہ دل میں کسی کو بسا لیا
پھر یوں ہوا کہ خواب سجائے تمام عُمر

 

[نوید صادق]

کتنے سموں کے شعلوں پر اک خواب جلے
کتنی یادیں سر پھوڑیں دروازے سے

شاعر: سید آلِ احمد

 

[شمشاد]

جلتا رہے صدا جو آنکھ میں
اُس خواب کا دھواںُ بھی نہ ہو

 

[نوید صادق]

خواب ہی خواب کب تلک دیکھوں
کاش تجھ کو بھی اِک جھلک دیکھوں

شاعر: عبیداللہ علیم

 

[شمشاد]

خواب و تعبیر کے گم شدہ سلسلے
بار بار اب ستانے لگے ہیں تمہیں
(جون ایلیا)