اس کا بھی حل ہے۔ مریم نے مختلف پلو مختلف کاموں کے لیے تقسیم کیے ہوئے ہیں، سو ایک پلو کو سیاہ روشنائی سے بھگو رکھا کریں۔ جب بھی شبہ ہو، سر پہ پھیر لیا۔جس طرح آپ نے پلو کے ساتھ زپ لگوا رکھی اور اسے اکثر استعمال کرتی رہتی ہیں، مجھے تو آدھا عشرہ والے حالات بھی نہیں لگ رہے۔
موضوع واقعی بے حد حساس ہے۔ اردو محفل پہ خضاب زدہ لوگوں کی کثرت ہے یا پھر فارغ البال۔ سو پھونک پھونک کے مراسلے ارسال کیجیے۔
بالکل ایسا ہی کرنا چاہئیے آپ کو۔
سنا تھا کہ مفت کے مشورے ایویں سے ہوتے ہیں لیکن آپ نے تو بہت زبردست مشورہ دے دیا۔
ایک بھول مجھ سے یہ ہو گئی کہ میں سمجھا شاید آپ سے سوال پوچھنا ہیں، وہ مراسلہ مذاق کے طور پر تھا۔ جناب خورشیداحمدخورشید سے سوال پوچھنا ہیں اس کا مجھے علم نہیں تھا ورنہ کچھ اور لکھنا بہتر رہتا کہ ان بھائی سے میرا ایسا مذاق ظاہر ہے کہ نہیں ہے
ہاں اس سوال کا تفصیلی جواب چاہئیے ہو گا۔ آخر کو ہم سب نے اس راہ سے ہو کر گزرنا ہے۔
جس وقت یہ تقریب سجائی جارہی تھی اور معزز محفلین ہم لوگوں کی طلبی کا بلاوا بھیج رہے تھےاس وقت محفل سے رخصت لے کر نیند کی وادیوں میں اترنے کی تگ و دو کرنے میں لگا ہوا تھا۔صبح ناشتے وغیرہ سے فراغت کے بعد جب محفل میں حاضر ہوا تو پلوں کے نیچے سے اور لوگوں کے ہاتھوں سے بہت سا پانی بہا کر ضائع کیا جا چکا تھا۔ اتفاق سے ایک دوسری لڑی بھی شروع کر بیٹھا۔اس لیے جوابات میں تاخیر ہوگئی۔میں معذرت معذرت خواہ ہوں ۔
روفی بھیا بھی ہیں اور خورشید احمد خورشید بھی۔
کوئی بات نہیں۔ آرام سے جواب دیجئیے۔ آج ویسے بھی آپ محفل کے ساتھ ساتھ رہنے والے۔۔ دونوں لڑیاں بخوبی سنبھال لیں گے۔
صحیح ہے۔ انھی سے ترکیب پوچھیں گے۔
تکے مرغابیوں کے یا خضابیوں کے؟
پھونکوں سے یہ خضاب اڑایا نہ جائے گا۔۔۔
ایسا بھی سن رسیدہ ابھی تک نہیں ہوں میںمیری جسامت ایسی ہےاور سر پر بال بھی سلامت ہیں تو لوگوں کو میں اپنی عمر سے کم ہی لگتا ہوں۔ لیکن ایسا نہیں ہے کہ کسی نے پہچانا ہی نہ ہو کیونکہ صرف بال ڈائی کرلینے سے اتنی تبدیلی نہیں آئی۔
ویسے بھی گرداس مان کے بقول
دل ہونا چاہیدائے جوان تے عمراں اچ کی رکھیا
ہمارے ہاں بھی یہی خیال بلکہ یقین پایا جاتا ہے۔ ذاتی تجربہ ابھی تک نہیں ہوا سو نہیں جانتی۔ جو تھوڑے/دو چار بال زندگی کی ناہنجاریوں اور ناہمواریوں کے سبب سفید ہوئے ہیں، انھیں سیاہ بالوں سمیت کھُلی و سادہ سرخ مہندی سے سرخ و سرخ کر لیتے ہیں۔ سو ایسا پیارا رنگ چڑھتا ہے بالوں اور ہم پر کہ کیا ہی بات ہے!
صفر فیصد اختلاف اور سو فیصد اتفاق کے ساتھ ایک اٹکل پچو ہی ہے جس کا ثبوت کوئی نہیں کہ شاید کسی کلر میں کوئی کیمیکل ایسا ہو جو ایسا کردے۔کوئی کیمیا دان ہو تو روشنی ڈال دے۔
مجھے شدید قسم کا وہم ضرور ہوا تھا ۔ جیسے کہ میں نے اوپر بتایا مجھے خضاب کا قطعاً شوق نہیں تھا لیکن حجام صاحب نے آخر میری حجامت کر ہی دی ۔ پھر اس کے بعد مجھے اپنے بال بڑی تیزی سے سفید ہوتے ہوئے محسوس ہوئے، ہو سکتا ہے کہ اس کی وجہ یہ ہو کہ مجھے نہ بال رنگنے کا شوق تھا نہ بالوں کو اس توجہ سے دیکھا کرتا تھا لیکن ہر کسی سے یہ بات سن سن کر اس واہمے کا بیج ذہن میں کب سے ڈلا ہوا تھا کہ ایسا ہوتا ہے۔ اور اس وہم نے جس نے دماغ میں جڑ پکڑ رکھی تھی وہ سر پر دکھائی دینے لگا۔
میں چاہے خضاب کیے جانے کے میرٹ پر پورا اترتا ہوں یا کبھی فارغ البال ہو گیا میں تو ایسے موضوعات سے گھبرانے والا نہیں۔۔۔ خواتین کی طرف سے آپ ہی وکیل بنیے۔
