جون ایلیا جی ہی جی میں وہ جل رہی ہوگی

جی ہی جی میں وہ جل رہی ہوگی​

چاندنی میں ٹہل رہی ہوگی​

​

چاند نے تان لی ہے چادرِ ابر​

اب وہ کپڑے بدل رہی ہوگی​

​

سو گئی ہوگی وہ شفق اندام​

سبز قندیل جل رہی ہوگی​

​

سرخ اور سبز وادیوںکی طرف​

وہ مرے ساتھ چل رہی ہوگی​

​

چڑھتے چڑھتے کسی پہاڑی پر​

اب وہ کروٹ بدل رہی ہوگی​

​

پیڑ کی چھال سے رگڑ کھا کر​

وہ تنے سے پھسل رہی ہوگی​

​

نیلگوں جھیل ناف تک پہنے​

صندلیں جسم مل رہی ہوگی​

​

ہو کے وہ خوابِ عیش سے بیدار​

کتنی ہی دیر شل رہی ہوگی​

​

جون ایلیا​

 

یہی جون ایلیا کی آواز میں بھی سنیے۔

 

عنوان دیکھتے ہی ذہن میں جو خیال آیا وہ کچھ ایسے تھا

جی ہی جی میں وہ جل رہی ہوگی
ورنہ چلو مل کر اسے جلائیں

آپ سے معذرت، جون ایلیا سے بھی معذرت اور شعراء خواتین و حضرات سے بھی تہہ دل سے معذرت

 

ہاہاہا

 

تو یہ ہے وہ غزل جس کا نین بھائی نے یہاں ذکر کیا تھا

 

جی یہی ہے

 

بہت پسند آئی