جو دل میں شعر آئے وہ لکھ دیجیے -- نیا سلسلہ

[کاشفی]

لے لے کے خدا کا نام چلّاتے ہیں
پھر بھی اثر دعا نہیں پاتے ہیں

کھاتے ہیں حرام لقمہ پڑھتے ہیں نماز
کرتے نہیں پرہیز دوا کھاتے ہیں
(ابولاعظم سید احمد حسین امجد حیدرآبادی)

 

[محمداحمد]

جڑتے ہوئے دیکھا نہیں ٹوٹے ہوئے دل کو
گر جاتے ہیں جو اشک اُٹھائے نہیں جاتے

 

[کاشفی]

حال اپنا اس کومحفل میں جتا سکتے نہیں
دل پڑا تڑپے ولے ہم تلملا سکتے نہیں

دور بیٹھے ان سے آنکھوں میں یہی کہتے ہیں ہم
تم بُلا سکتے نہیں ہم آپ آسکتے نہیں
(شیخ قلندر بخش جراءت)

 

[غ۔ن۔غ]

آخر کوئی صورت بھی تو ہو خانہء دل کی
کعبہ نہیں بنتا ہے تو بت خانہ بنا دے

بہزاد ہر اک جام پہ اک سجدۂ مستی
ہر ذرے کو سنگ در جانانہ بنا دے

​

 

[مغزل]

جینا پڑتا ہے تگ و تازِ غمِ دنیا میں
مر کہاں سکتے ہیں ہم ہجر گزارے ہوئے لوگ
م۔م۔مغل

 

[ایم اے راجا]

بھلا دیں گے یقینن وہ مرے دردِ مشقت کو
جنھیں میں آج کاندھوں پر اٹھائے پھرتا رہتا ہوں
(ایم اے راجا)

 

[مغزل]

مسکرائے ہم ان سے ملتے وقت
رو نہ پڑتے اگر خوشی ہوتی !!!!
جون ایلیا

 

[مغزل]

یادِ غزال چشماں ذکرِثمن عذاراں
جب چاہا کرلیا ہے کنجِ قفس بہاراں
فیض احمد فیض

 

[غ۔ن۔غ]

شکوہ کریں تو کس سے شکایت کریں تو کیا
اک رائیگاں عمل کی ریاضت کریں تو کیا
جس شے نے ختم ہونا ہے آخر کو ایک دن
اس شے کی اتنے دکھ سے حفاظت کریں تو کیا

 

[محمد امین]

ہم بھی تعمیرِ وطن میں ہیں برابر کے شریک
در و دیوار اگر تم ہو تو بنیاد ہیں ہم

ہم کو اس دورِ ترقی نے دیا کیا معراج
کل بھی برباد تھے اور آج بھی برباد ہیں ہم

(معراج فیض آبادی - انڈیا)

 

[مغزل]

غور سے دیکھ تِرے ساتھ چلی آئی ہیں !!
تیرا جانا مِری آنکھوں کو گوارہ ہی نہ تھا
یاسمین حبیب

 

[مغزل]

دکھ درد سے صدیوں کا تعلق ہے ہمارا
آنکھوں کی اداسی، ہمیں ورثے میں ملی ہے
نامعلوم

 

[ایم اے راجا]

اپنی تکمیل کر رہا ہوں میں
ورنہ تجھ سے تو مجھ کو پیار نہیں
(فیض )

 

[مغزل]

سینے میں مرے زہر اترنے نہیں دیتے
زندہ رہیں وہ لوگ جو مرنے نہیں دیتے
احمد نوید (میرحسن کے پڑپوتے)

 

[مغزل]

میرا دکھ یہ ہے میں اپنے ساتھیوں جیسا نہیں
میں بہادر ہوں مگر ہارے ہوئی لشکر میں ہوں

 

[غ۔ن۔غ]

گرا کے راہ میں حائل تمام دیواریں
وہ اپنے پاؤں کی زنجیر توڑ کر آئے

 

[محمدظہیر]

جو منکرِ وفا ہو فریب اس پہ کیا چلے
کیوں بدگماں ہوں دوست سے دشمن کے باب میں

 

[مغزل]

دیکھ کر چہرہ ترا ٹوٹا طلسمِ رنگ و بو !!!!
پھول کوئی بھی ہو اتنا خوشنما ہوتا نہیں
نوید غزالی

 

[مغزل]

حسن کیا اس میں نظرآئے جمالِ کائنات
وہ جبیں ایسی کہ ایسا آئینہ ہوتا نہیں !!!
نوید غزالی

 

[کاشفی]

بخشا مجھے خالق نے فرشتوں سے یہ کہہ کر
جرم اس نے کئے ہیں مجھے غفّار سمجھ کر
(اسیر)