جنگل میں دھنک - منیر نیازی
- صاحب لڑی الف عین
- تاریخ ابتداء
الف عین
لائبریرین
ساکت زندگی
چِق سے لگی دو آنکھیں اور دیواروں کی خاموشی
چھوٹی اینٹ کے فرش پہ نیلے ریشم کا رومال
ایک اندھیرے کمرے میں اک مرد عورت کی سرگوشی
نیم کھلے دروازے کی محراب سے کافی نیچے
لکڑی کی دہلیز پہ سوکھا اور بوسیدہ ہار
اُس سے پرے کچھ رنگ برنگے پھولوں کے باغیچے
گزر رہا ہوں ایک گلی سے اپنی آنکھیں میچے
چِق سے لگی دو آنکھیں اور دیواروں کی خاموشی
چھوٹی اینٹ کے فرش پہ نیلے ریشم کا رومال
ایک اندھیرے کمرے میں اک مرد عورت کی سرگوشی
نیم کھلے دروازے کی محراب سے کافی نیچے
لکڑی کی دہلیز پہ سوکھا اور بوسیدہ ہار
اُس سے پرے کچھ رنگ برنگے پھولوں کے باغیچے
گزر رہا ہوں ایک گلی سے اپنی آنکھیں میچے
الف عین
لائبریرین
طلسمِ خیال
ادھ کھُلے رنگیں نقابوں میں چمکتی بجلیاں
ہر بنِ مو سے امڈتی نکہتوں کی ندّیاں
رہروانِ نیم شب کی جستجو میں چار سوٗ
راستوں میں پھر رہی ہیں شب کی جادوگرنیاں
شام کے مسحور کُن رنگوں میں ڈوبی مورتیں
دیدۂ بے خواب کی وسعت میں پنہاں ہو گئیں
عشق کے نشّے میں چوٗرانجان پیاری لڑکیاں
نیند کی ٹھنڈی ہوا میں مست ہو کر سو گئیں
ادھ کھُلے رنگیں نقابوں میں چمکتی بجلیاں
ہر بنِ مو سے امڈتی نکہتوں کی ندّیاں
رہروانِ نیم شب کی جستجو میں چار سوٗ
راستوں میں پھر رہی ہیں شب کی جادوگرنیاں
شام کے مسحور کُن رنگوں میں ڈوبی مورتیں
دیدۂ بے خواب کی وسعت میں پنہاں ہو گئیں
عشق کے نشّے میں چوٗرانجان پیاری لڑکیاں
نیند کی ٹھنڈی ہوا میں مست ہو کر سو گئیں
الف عین
لائبریرین
چڑیلیں
گہری چاندنی راتوں میں یا گرمیوں کی دو پہروں میں
سونے تنہا رستوں میں یا بہت پترانے شہروں میں
نئی نئی شکلوں میں آ کر لوگوں کو پھسلاتی ہیں
پھر اپنے گھر میں لے جا کر ان سب کو کھا جاتی ہیں
اسی طرح وہ گرم لہو کی پیاس بجھاتی رہتی ہیں
ویرانوں میں موت کا رنگیں جال بچھاتی رہتی ہیں
جسم کی خوشبو کے پیچھے دن رات بھٹکتی رہتی ہیں
لال آنکھوں سے رہگیروں کا رستہ تکتی رہتی ہیں
گہری چاندنی راتوں میں یا گرمیوں کی دو پہروں میں
سونے تنہا رستوں میں یا بہت پترانے شہروں میں
نئی نئی شکلوں میں آ کر لوگوں کو پھسلاتی ہیں
پھر اپنے گھر میں لے جا کر ان سب کو کھا جاتی ہیں
اسی طرح وہ گرم لہو کی پیاس بجھاتی رہتی ہیں
ویرانوں میں موت کا رنگیں جال بچھاتی رہتی ہیں
جسم کی خوشبو کے پیچھے دن رات بھٹکتی رہتی ہیں
لال آنکھوں سے رہگیروں کا رستہ تکتی رہتی ہیں
الف عین
لائبریرین
سپیرا
میں ہوں ایک عجیب سپیرا
ناگ پالنا کام ہے میرا
پیلے پیلے، کالے کالے
رنگ برنگے دھبّوں والے
شعلوں سی پھنکاروں والے
زہریلی مہکاروں والے
ان کی آنکھیں تیز نشیلی
گہری جھیلوں ایسی نیلی
نئے لہو سے لال زبانیں
جیسے موت کی رنگیں تانیں
مخمل کے رومالوں جیسے
سُرخ گلابی گالوں جیسے
مجھ کو تکتے رہتے ہیں یہ
مجھ کو ڈستے رہتے ہیں یہ
مجھ پر ہنستے رہتے ہیں یہ
میں ہوں ایک عجیب سپیرا
ناگ پالنا کام ہے میرا
پیلے پیلے، کالے کالے
رنگ برنگے دھبّوں والے
شعلوں سی پھنکاروں والے
زہریلی مہکاروں والے
ان کی آنکھیں تیز نشیلی
گہری جھیلوں ایسی نیلی
نئے لہو سے لال زبانیں
جیسے موت کی رنگیں تانیں
مخمل کے رومالوں جیسے
سُرخ گلابی گالوں جیسے
مجھ کو تکتے رہتے ہیں یہ
مجھ کو ڈستے رہتے ہیں یہ
مجھ پر ہنستے رہتے ہیں یہ
الف عین
لائبریرین
وطن میں واپسی
کل وہ ملی جو بچپن میں مرے بھائی سے کھیلا کرتی تھی
جانے تب کیا بات تھی اُس میں مجھ سے بہت ہی ڈرتی تھی
پھر کیا ہوا؟ وہ کہاں گئی؟ اب کون یہ باتیں جانتا ہے
کب اتنی دوری سے کوئی شکلوں کوپہچانتا ہے
لیکن اب جو ملی ہے مجھ سے ایسا کبھی نہ دیکھا تھا
اُس کو اتنی چاہ تھی میری، میں نے کبھی نہ سوچا تھا
نام بھی اس نے بچے کا میرے ہی نام پہ رکھّا تھا
پھر کہیں اس سے بچھڑ نہ جاؤں، ایسے مجھ کو تکتی تھی
کوئی گہری بات تھی جی میں جسے وہ کہہ بھی نہ سکتی تھی
ایسی چُپ اور پاگل آنکھیں دمک رہی تھیں شدّت سے
میں تو سچ مچ ڈرنے لگا تھا اس خاموش محبّت سے
کل وہ ملی جو بچپن میں مرے بھائی سے کھیلا کرتی تھی
جانے تب کیا بات تھی اُس میں مجھ سے بہت ہی ڈرتی تھی
پھر کیا ہوا؟ وہ کہاں گئی؟ اب کون یہ باتیں جانتا ہے
کب اتنی دوری سے کوئی شکلوں کوپہچانتا ہے
لیکن اب جو ملی ہے مجھ سے ایسا کبھی نہ دیکھا تھا
اُس کو اتنی چاہ تھی میری، میں نے کبھی نہ سوچا تھا
نام بھی اس نے بچے کا میرے ہی نام پہ رکھّا تھا
پھر کہیں اس سے بچھڑ نہ جاؤں، ایسے مجھ کو تکتی تھی
کوئی گہری بات تھی جی میں جسے وہ کہہ بھی نہ سکتی تھی
ایسی چُپ اور پاگل آنکھیں دمک رہی تھیں شدّت سے
میں تو سچ مچ ڈرنے لگا تھا اس خاموش محبّت سے