جاپان کی دو ہفتے سیر کا پلان ایسے بنائیں

[عرفان سعید]

ٹوکیو کے مضافات:

ٹوکیو کے شمال میں نِیکّو کا قصبہ ہے جہاں انتہائی خوبصورت تزئین و آرائش کی گئی شرائن اور مزارات موجود ہیں۔

2۔ ٹوکیو کے جنوب میں سمندر کے کنارے کاماکُورا کا قصبہ ہے۔ اس قصبے کو اس کی زرخیز تاریخ و ثقافت کی وجہ سے مشرقی جاپان کا کیوٹو بھی کہا جاتا ہے۔ بے شمار تاریخی مندر اور بدھا کا دیو ہیکل مجسمہ بھی یہاں موجود ہے۔

تبصرے کے لیے

 

[عرفان سعید]

ابتدائی طور پر سفر کا جو پلان ترتیب دیا تھا، اس میں تھوڑی سی تحریف کے بعد یہ صورت بنی۔

جاپان کو جغرافیائی طور پر چار بڑے جزائر میں تقسیم کیا جاتا ہے۔ جن میں ہون شُو سب سے بڑا جزیرہ ہے۔

جیسا کہ ہمارے تجویز کردہ پلان سے ظاہر ہے کہ یہ ہون شُو تک ہی محدود ہے۔ اس کی وجہ یہ ہے کہ اہم ترین سیاحتی مقامات اسی حصے میں واقع ہیں، جو کہ دو ہفتے کی تحدید کے مطابق دیکھی جاسکتی ہیں۔ اگر مسافتیں طے کرنا طبیعت کے موافق ہو تو جے آر پاس کا حتی المقدور استعمال کرتے ہوئے شِی کوکُو، کیوشُو اور ہوکّائیدو کے جزائر کی سیاحت بھی کی جاسکتی ہے۔

 

[عرفان سعید]

آخر میں میرا خیال تھا کہ اپنے تجربات کی روشنی میں چند اہم باتوں کی طرف اشارہ کردوں جو دورانِ قیام و سیاحت سود مند ثابت ہوں گی۔ خوش قسمتی سے سیاحت کے ایک بلاگ پر یہ تمام معلومات نہایت عمدگی سے اکٹھی کر دی گئی ہیں۔ جانے سے پہلے ان کا مطالعہ مفید ثابت ہو گا۔

https://www.geekyexplorer.com/japan-travel-tips-things-to-know/

اس کے ساتھ ہی اس پلان کی تفصیل کو تمام کرتے ہیں۔

مزید معلومات اور کسی وضاحت کے لیے ذیل کی لڑی کو استعمال کیا جا سکتا ہے۔

جاپان کی دو ہفتے سیر کا پلان ایسے بنائیں (تبصرے)

 

[صابرہ امین]

بہت شکریہ محترمی زیک ۔۔ اس لڑی میں اپنے طور آنا تو شاید کبھی ممکن نہیں ہوتا۔۔
عرفان سعید بھائی، بہت خوبصورت اور معلوماتی سیر کے لیے شکریہ۔ اگرچہ کچھ تصاویر اب نظر آنا ممکن نہیں۔ جب بھی کبھی جاپان جانا ہوا تو یقینا یہ لڑی کافی کام آئے گی۔
جاپان سے دلی وابستگی کا سبب جاپان قونصلیٹ سے اکے بانا کا ابتدائی کورس کرنا ٹھہرا۔اتفاق سے اس میں پہلا انعام بھی مل گیا ساتھ میں جاپان کے قونصلیٹ جنرل غالبا کازومی دیکیبا سے سند اور اٹلی کا بنا ایک گلدان انعام میں ملا۔ اسی وقت سے دل میں خواہش دبی ہوئی ہے کہ جاپان جا کر اس فن کو سیکھا جائے۔ جاپانی قونصلیٹ کی ممبرشپ کے باعث جاپانی کیلنڈروں اور فلموں کی نمائشیں بھی دیکھیں۔ اور پھر وقت کی دھول میں سب گم ہو گیا۔ فرصت ملتے ہی تمام کام کی باتوں کے لنکس چیک کرتی ہوں۔ کچھ سوالات بھی ذہن میں آئیں ہیں۔ آپ سے وہ بھی پوچھتی ہوں۔

 

[عرفان سعید]

کچھ سوالات بھی ذہن میں آئیں ہیں۔ آپ سے وہ بھی پوچھتی ہوں۔

جی ضرور!
معلومات ہوئیں تو ضرور فراہم کروں گا۔