تلخیِٔ ایام سے کچھ یوں کنارا ہو گیا

عاطف ملک نے 'آپ کی شاعری (پابندِ بحور شاعری)' کی ذیل میں اس موضوع کا آغاز کیا، ‏دسمبر 19, 2019

  1. عاطف ملک

    عاطف ملک محفلین

    مراسلے:
    1,111
    جھنڈا:
    Pakistan
    موڈ:
    Innocent
    ایک کاوش احباب کی بصارتوں کی نذر

    تلخیِٔ ایام سے کچھ یوں کنارا ہو گیا
    ہم پہ صرف ان کے خیالوں کا اجارہ ہو گیا

    دل نے کیں وابستہ امیدیں کسی کی ذات سے
    ڈوبتے کو پھر سے تنکے کا سہارا ہو گیا

    اک تبسم،اک نظر، بس ایک پل کی بات تھی
    "مسکرا کر تم نے دیکھا دل تمھارا ہو گیا"

    اس تعلق میں سبھی خوشیاں ہوئیں ان کا نصیب
    اور بچا جو درد سب کا سب ہمارا ہو گیا

    مانتا ہوں غیر نے میری برائی کی مگر
    آپ کو کیسے وہ سب سننا گوارا ہو گیا

    دل کی بے ترتیب دھڑکن کو بھی کچھ آیا قرار
    اس نے پلکوں کو جھکایا اور اشارا ہو گیا

    ایسے رشتے کو بھلا کیا نام دیں عاطفؔ کہو
    کل تلک جو اجنبی تھا،جاں سے پیارا ہو گیا

    عاطفؔ ملک
    دسمبر ۲۰۱۹​
     
    • پسندیدہ پسندیدہ × 6
  2. محمّد احسن سمیع :راحل:

    محمّد احسن سمیع :راحل: محفلین

    مراسلے:
    405
    جھنڈا:
    Pakistan
    موڈ:
    Confused
    جناب عاطف صاحب، آداب!
    ماشاءاللہ اچھی غزل ہے، بس ذیل کے شعر میں ’اور‘ کا خفیف وزن اتنا رواں محسوس نہیں ہورہا۔

    دوسرے مصرعے میں الفاظ کی ترتیب و نشست بدل کردیکھیں۔

    دوسرا مصرعہ طرحی ہے کیا؟

    پہلے مصرعے میں مجھے ’’پھر‘‘ کی کمی محسوس ہورہی ہے۔ یعنی دونوں مصرعوں میں ’’پھر‘‘ کی تکرار سے بیان میں مزید شدت پیدا ہوسکتی ہے (یہ بھی ہوسکتا ہے کہ دوسروں کو یہ تکرار معیوب لگے)۔

    داد و مبارکباد قبول کیجئے۔

    دعاگو،
    راحلؔ
     
    • پسندیدہ پسندیدہ × 1
  3. عاطف ملک

    عاطف ملک محفلین

    مراسلے:
    1,111
    جھنڈا:
    Pakistan
    موڈ:
    Innocent
    بہت شکریہ محترم،
    اس کو دیکھتا ہوں۔
    جگرؔ کا مصرع ہے۔طرحی تو نہیں لیکن تضمین کیا ہے۔
    مجھے یہی صورت بہتر معلوم ہو رہی تھی۔بہرحال دیکھتا ہوں۔
    تفصیلی تبصرے اور رائے کیلیے مشکور ہوں
     
    • دوستانہ دوستانہ × 1
  4. ظہیراحمدظہیر

    ظہیراحمدظہیر محفلین

    مراسلے:
    2,653
    جھنڈا:
    Pakistan
    موڈ:
    Busy
    واہ! بہت خوب عاطف! اچھے اشعار ہیں ۔
     
    • دوستانہ دوستانہ × 1
  5. عاطف ملک

    عاطف ملک محفلین

    مراسلے:
    1,111
    جھنڈا:
    Pakistan
    موڈ:
    Innocent
    بہت شکریہ ظہیر صاحب:)
     
    • دوستانہ دوستانہ × 1

اس صفحے کی تشہیر