بیت بازی سے لطف اٹھائیں

[نوید صادق]

اے شیفتہ نویدِ شبِ غم سحر ہے آج
ہم تابِ آفتاب، فروغِ قمر ہے آج

شاعر: شیفتہ

 

[شمشاد]

جذبہء عشق کام آ جائے
ان کے ہونٹوں پہ نام آ جائے
(سید صغیر احمد جعفری)

 

[منصور]

یوں نہ تھا میں نے فقظ چاہا تھا کہ یوں ہو جاے
تو جو مل جاے تو تقدیر نگوں ہو جاے
(قیض احمد فیض)

 

[شمشاد]

یہ سانحہ ہے کہ واعظوں سے الجھ پڑے ہم
یہ واقعہ ہے کہ پی رہے تھے شراب سارے
(فراز)

 

[نوید صادق]

یکتا کسی کو ہم نے نہ دیکھا جہان میں
طولِ امل جواب ہے زلفِ دراز کا

شاعر:شیفتہ

 

[شمشاد]

اے میرے ہمنشیں چل کہیں اور چل اس چمن میں اب اپنا گزارہ نہیں
بات ہوتی گلوں تک تو سہہ لیتے ہم اب تو کانٹوں پہ بھی حق ہمارا نہیں
(قمر جلالوی)

 

[عمر سیف]

نہ ذات میں کوئی منزل، نہ کائنات میں ہے
سفر کروں تو کہاں، میرا کوئی جادہ نہیں

 

[شمشاد]

نہیں‌ہے دخل کچھ تیری جفا کا
یونہی رونے کی عادت ہو گئی ہے
(واصف علی واصف)

 

[عمر سیف]

یہ جو ہر طرف بے حسی چھا رہی ہے
زمانے کی اس کو ہوا کہہ رہے ہو

 

[شمشاد]

وہ آئے غیر کو لے کر لحد پر
مصیبت پر مصیبت ہو گئی ہے
(واصف علی واصف)

 

[عمر سیف]

یہ بھی کیا جینے میں جینا ہے بغیر ان کے ادیب
شمع گل کر دی گئی، باقی دھواں رہنے دیا

 

[نوید صادق]

احمد گہری سوچ کی خو کب پائی ہے
تم تو باتیں کرتے تھے اندازے سے

شاعر: سید آلِ احمد

 

[شمشاد]

یہ بات الگ ہے کہ سزا جھیل رہا ہوں
اے دوست تجھے بھول کے جینا تو نہیں تھا

 

[نوید صادق]

اس شوخِ کج ادا سے نہ آئی موافقت
کیونکر گلہ نہ ہو مجھے طبعِ سلیم کا

شاعر: شیفتہ

 

[شمشاد]

انجام فسانے کا یہ چاہا تو نہیں تھا
ہم تم سے بچھڑ جائیں گے سوچا تو نہیں تھا

 

[منصور]

اک نو بہار ناز کو تاکے ہے پھر نگاہ
چہرہ فروغ مے سے گلستاں کیئے ہوئے

(غالب)

 

[شمشاد]

یہ عشق نے دیکھا ہے یہ عقل سے پنہاں ہے
قطرے میں سمندر ہے ذرے میں بیاباں ہے
(اصغر گوندوی)

 

[حسن نظامی]

يہ مسائل تصوف يہ ترا بيان غالب
تجھے ہم ولي سمجھتے جو نہ بادہ خوار ہوتا ​

 

[شمشاد]

اک عمر چاہیے کہ گوارہ ہو نیشِ عشق
رکھی ہے آج ہی لذتِ زخمِ جگر کہاں

 

[فرخ منظور]

نہیں کہ حسن ہی نیرنگیوں میں طاق نہیں
جنوں بھی کھیل رہا ہے سیاستیں کیسی